1. Na pute na pate taw ___ vun.
a. zatak
b. tenna nusia heak
c. kibang nawn heak
2. Amawna taw kiphu in daan apiak thu amate in ___ hi.
a. tel ngawl
b. awlmawk ngawl
c. tel thiang
3. Vantung lalang sia siphu san taw koi sungah ding ziam?
a. Thingkung kawm
b. Vantung
c. Khuapi puasang
4. Topa in Jerusalem tungah kum bangza thinuk ngei ziam?
a. 120
b. 70
c. 400
5. Topa in akua henepna kammal taw paupui ziam?
a. Zachariah
b. Israelte
c. Vantung lalang
6. Mukholna sung ah bang le bang mu ziam?
a. Peangdap le ciangkhut
b. Meikhuam le naamsau
c. Sakii li le pasal li
7. Mukholna sung pasalpa in piteena taw bang te sawm ziam?
a. Jerusalem khua
b. Nile ngun sauna
c. Leitung zaina
8. Pi te tu pa kungah tai tu in vantungmi in akua sawl ziam?
a. Ngamukpa
b. Vantungmi dang khat
c. Suphu vom khat
9. Jerusalem pi te tu vai kison ciang ___te tam peuma kici hi.
a. mihing kisiate
b. mawna zongte
c. mihing le nganno
10. Jerusalem khuapi sia bang taw ki-uum sawm ziam?
a. Uksuang
b. Thik khuam
c. Mei
11. Jerusalem mite awng, ___ vun.
a. lungdamin lasa
b. kiitna nei
c. kidawm
12. Akuate sia Topa ii mite hong suak tu ziam?
a. Mawneite
b. Ngam tam mama
c. Syriate
Zechariah 1
TOPA kungah A Mihingte A cia kik natu Sapna.
1Persia ngamah Darius ngam uk lianpa a maan zawk a kum niina a thaliat tha sungah TOPA in Iddo tupa, Berechiah tapa kamsangpa Zechariah tungah hi thu pia hi. * 2Vaanglianbelpa TOPA in mihingte tungah hi thu son tu in Zechariah sawl a, “Keima, TOPA sia na pu na pate tungah ka thin uuk mama hi, 3ahihang tu in no tungah kong ci hi, ‘Kei kungah hong kiheak tavun, tua hile kei zongh no sangah kong kiheak tu hi. 4Na pute na pate taw kibang nawn heak vun. Khuangeipi lai in kamsangte in amate kungah ka thu son uh a, ngamtat siate ngamta ngawlin a maw nawn ngawl natu in thu hil uh hi. Ahihang amate in ka thu hong ngai nuam ngawlin hong mang nuam bua uh hi. 5Na pu na pate le tua kamsangte nungta nawn ngawl hi. 6Na pu na pate tungah ka naseam kamsangte tungtawn in thu piakna le kidop natu thute ka pia hi, ahihang amate in tuate thusim ngawl a, a ngamtatna taw kizui in ngimna thuak uh hi. Tasia ciang amate kisiikin, Keima, a Vaanglianbelpa TOPA in amate taw a kiphu bang le ka sep tu tatak a ka khensat bangin daan ka piak sia hong telthiang uh hi,’ ” ci hi.
Kamsangpa ii Siphute A mu kholna
7Darius ngam uk lianpa a maan zawk a kum niina (Shebat tha) a tha sawm le tha khat, ni kul le ni li ni zanin TOPA in mu kholna sungah thu khat hong pia hi. 8TOPA vantung lalang khat siphu san khat tungah a to ka mu hi. Ama sia myrtle kici thingkungte kawm kuam sung khat ah ding a, a nung sangah siphu dang a san, a pawl tiptep, le a kaangte om hi. * 9Ama ka dongh a, “Topa awng, hi siphute in bang khiakna nei ziam?” ka ci hi.
Ama in, “Bang khiakna nei ziam ci sia kong lak tu hi. 10TOPA in amate leitung a enkot tu in a pai sakte ahi hi,” ci in hong zo hi.
11Amate in vantung lalang tungah, “Leitung theampo ah pai zo ung, leitung buppi sia cimaw in ki zothal zo hi,” ci uh hi.
12Taciang vantung lalangin, “Vaanglianbelpa TOPA awng, Jerusalem tung le Judah ngam khuapite tungah kum sawm sali sung thin uuk zo ni hi. Amate na hesuak tu bang tan vei hai lai tu ziam?” ci hi.
13Henepna kammal taw vantung lalang tungah TOPA in zo kik hi. 14Taciangin Vaanglianbelpa TOPA pauna taangko tu in vantung lalangin kei hong sawl hi. “Ka khuapi thiangtho Jerusalem atu in thinbotna le itna thukpi ka nei hi, 15taciang kilemna le ngamdaina taw a om ngamte tungah ka thin uuk mama hi. Banghangziam cile ka mite tungah ka thin uukna iip kenkon in ka om laitak tua ngamte in ka minamte thuakna nasia sak seseam hi. 16Tua ahikom Jerusalem khuapi tungah ka hesuakna lak tu in kong pai kik zo hi. Ka Biakinn kipua pha kik tu a, khuapi kisa kik tu hi,” hong ci hi.
17Vantung lalang in TOPA kammal hi teng taangko tu in hong sawl hi. “A khuapite nuamsa kik tu a, ama in Jerusalem khatvei hu kikin, ama khuapi in nei kik tu hi, Vaanglianbelpa TOPA in ci hi,” hong ci hi.
Sakiite Mu kholna
18Mu kholna dang sungah khuital kii li ka mu hi. 19Keima hong paupui vantung lalang tungah “Hi sakiite a khiakna bang ziam,” ci in ka dongh hi.
Ama in “Tuate sia Judah, Israel le Jerusalem mite a kithethaang sak leitung ngamliante a ci nopna ahi hi,” ci in hong zo hi.
20Taciang TOPA in sek a toai naseam pasal li hong lak hi. 21Keima in “Hi mite bang vawt tu in hong pai ziam?” ci in ka dongh hi.
Ama in “Amate in Judah ngam sutham in a mite a thethaang sak ngamte a lau sak tu le a lawnthal tu in hong pai hi,” ci in hong zo hi.
Zechariah 2
Piteena Khau Mu kholna
1Mu kholna dang khatah a khut sungah piteena khau a keng pasal khat ka mu hi. 2“Koisung pai tu ni ziam?” ci in ka dongh hi.
Ama in, “Jerusalem bangza in sau a, bangza in zai ziam, ci in tee tu khi hi,” ci in hong zo hi.
3Taciang keima hong paupui vantung lalang sia mai sangah kal hong suan ka mu a, vantung lalang dang khat ama taw kisi tu in hong pai hi. 4A masa sia in a khat sia munah “Zia sung a pi khau toai khangmoipa sia munah vatai tan a, Jerusalem ah mihing le ngannote tam leilam tu ahikom luphung taw uum tu in lianlei tu hi. 5TOPA in ama mama khuapi huu tu in khuapi kiimkot a luphung bangin mei taw uumci tu a, ama tua munah a minthanna theampo taw teang tu hi, ci in kamciam zo hi va ci tan,” ci hi.
Saltangte Inn ah Cia kik tu Kisam
6-7TOPA in a mite tungah, “Mun theampo ah note kong thethaang hi. Ahihang tu in, no saltangte awng, Babylonia panin suakta in Jerusalem ah heak kik tavun. 8Khat papo in note hong saat le, ama in manpha bel ka sak sia saat ahi hi,” ci hi.
Tua ahikom Vaanglianbelpa TOPA in a minamte vanh a suttol minam tungah hi thu son tu in keima hong sawl hi. 9“TOPA ama mama in note hong sim tu a, khatvei lai a na sal ahi ngeite in na vanh uh hong suttol kik tu hi,” hong ci sak hi.
Hi thu hong pian tak ciang TOPA ii kei hong sawl hi ci in, a kuama theampo in he tu uh hi.
10TOPA in, “Jerusalem mite awng, lungdamin lasa vun! Note taw teangkhawm tu in kong pai hi!” ci hi.
11Tua hun ciang ngam tam mama sia TOPA kungah pai tu a, ama mite suak tu uh hi. Ama sia note sungah hong teang tu a, note kungah kei hong puak hi cisia na he tu uh hi. 12Judah mite sia ngam thiangtho sungah TOPA ii neituam hong suak kik tu a, Jerusalem khua sia ama itbel khuapi hong suak kik tu hi.
13Mihing theampo awng, TOPA mai ah thim dide in om vun, banghangziam cile ama sia a tenna mun thiangtho panin hong pai hi.
a. zatak
b. tenna nusia heak
c. kibang nawn heak
2. Amawna taw kiphu in daan apiak thu amate in ___ hi.
a. tel ngawl
b. awlmawk ngawl
c. tel thiang
3. Vantung lalang sia siphu san taw koi sungah ding ziam?
a. Thingkung kawm
b. Vantung
c. Khuapi puasang
4. Topa in Jerusalem tungah kum bangza thinuk ngei ziam?
a. 120
b. 70
c. 400
5. Topa in akua henepna kammal taw paupui ziam?
a. Zachariah
b. Israelte
c. Vantung lalang
6. Mukholna sung ah bang le bang mu ziam?
a. Peangdap le ciangkhut
b. Meikhuam le naamsau
c. Sakii li le pasal li
7. Mukholna sung pasalpa in piteena taw bang te sawm ziam?
a. Jerusalem khua
b. Nile ngun sauna
c. Leitung zaina
8. Pi te tu pa kungah tai tu in vantungmi in akua sawl ziam?
a. Ngamukpa
b. Vantungmi dang khat
c. Suphu vom khat
9. Jerusalem pi te tu vai kison ciang ___te tam peuma kici hi.
a. mihing kisiate
b. mawna zongte
c. mihing le nganno
10. Jerusalem khuapi sia bang taw ki-uum sawm ziam?
a. Uksuang
b. Thik khuam
c. Mei
11. Jerusalem mite awng, ___ vun.
a. lungdamin lasa
b. kiitna nei
c. kidawm
12. Akuate sia Topa ii mite hong suak tu ziam?
a. Mawneite
b. Ngam tam mama
c. Syriate
Zechariah 1
TOPA kungah A Mihingte A cia kik natu Sapna.
1Persia ngamah Darius ngam uk lianpa a maan zawk a kum niina a thaliat tha sungah TOPA in Iddo tupa, Berechiah tapa kamsangpa Zechariah tungah hi thu pia hi. * 2Vaanglianbelpa TOPA in mihingte tungah hi thu son tu in Zechariah sawl a, “Keima, TOPA sia na pu na pate tungah ka thin uuk mama hi, 3ahihang tu in no tungah kong ci hi, ‘Kei kungah hong kiheak tavun, tua hile kei zongh no sangah kong kiheak tu hi. 4Na pute na pate taw kibang nawn heak vun. Khuangeipi lai in kamsangte in amate kungah ka thu son uh a, ngamtat siate ngamta ngawlin a maw nawn ngawl natu in thu hil uh hi. Ahihang amate in ka thu hong ngai nuam ngawlin hong mang nuam bua uh hi. 5Na pu na pate le tua kamsangte nungta nawn ngawl hi. 6Na pu na pate tungah ka naseam kamsangte tungtawn in thu piakna le kidop natu thute ka pia hi, ahihang amate in tuate thusim ngawl a, a ngamtatna taw kizui in ngimna thuak uh hi. Tasia ciang amate kisiikin, Keima, a Vaanglianbelpa TOPA in amate taw a kiphu bang le ka sep tu tatak a ka khensat bangin daan ka piak sia hong telthiang uh hi,’ ” ci hi.
Kamsangpa ii Siphute A mu kholna
7Darius ngam uk lianpa a maan zawk a kum niina (Shebat tha) a tha sawm le tha khat, ni kul le ni li ni zanin TOPA in mu kholna sungah thu khat hong pia hi. 8TOPA vantung lalang khat siphu san khat tungah a to ka mu hi. Ama sia myrtle kici thingkungte kawm kuam sung khat ah ding a, a nung sangah siphu dang a san, a pawl tiptep, le a kaangte om hi. * 9Ama ka dongh a, “Topa awng, hi siphute in bang khiakna nei ziam?” ka ci hi.
Ama in, “Bang khiakna nei ziam ci sia kong lak tu hi. 10TOPA in amate leitung a enkot tu in a pai sakte ahi hi,” ci in hong zo hi.
11Amate in vantung lalang tungah, “Leitung theampo ah pai zo ung, leitung buppi sia cimaw in ki zothal zo hi,” ci uh hi.
12Taciang vantung lalangin, “Vaanglianbelpa TOPA awng, Jerusalem tung le Judah ngam khuapite tungah kum sawm sali sung thin uuk zo ni hi. Amate na hesuak tu bang tan vei hai lai tu ziam?” ci hi.
13Henepna kammal taw vantung lalang tungah TOPA in zo kik hi. 14Taciangin Vaanglianbelpa TOPA pauna taangko tu in vantung lalangin kei hong sawl hi. “Ka khuapi thiangtho Jerusalem atu in thinbotna le itna thukpi ka nei hi, 15taciang kilemna le ngamdaina taw a om ngamte tungah ka thin uuk mama hi. Banghangziam cile ka mite tungah ka thin uukna iip kenkon in ka om laitak tua ngamte in ka minamte thuakna nasia sak seseam hi. 16Tua ahikom Jerusalem khuapi tungah ka hesuakna lak tu in kong pai kik zo hi. Ka Biakinn kipua pha kik tu a, khuapi kisa kik tu hi,” hong ci hi.
17Vantung lalang in TOPA kammal hi teng taangko tu in hong sawl hi. “A khuapite nuamsa kik tu a, ama in Jerusalem khatvei hu kikin, ama khuapi in nei kik tu hi, Vaanglianbelpa TOPA in ci hi,” hong ci hi.
Sakiite Mu kholna
18Mu kholna dang sungah khuital kii li ka mu hi. 19Keima hong paupui vantung lalang tungah “Hi sakiite a khiakna bang ziam,” ci in ka dongh hi.
Ama in “Tuate sia Judah, Israel le Jerusalem mite a kithethaang sak leitung ngamliante a ci nopna ahi hi,” ci in hong zo hi.
20Taciang TOPA in sek a toai naseam pasal li hong lak hi. 21Keima in “Hi mite bang vawt tu in hong pai ziam?” ci in ka dongh hi.
Ama in “Amate in Judah ngam sutham in a mite a thethaang sak ngamte a lau sak tu le a lawnthal tu in hong pai hi,” ci in hong zo hi.
Zechariah 2
Piteena Khau Mu kholna
1Mu kholna dang khatah a khut sungah piteena khau a keng pasal khat ka mu hi. 2“Koisung pai tu ni ziam?” ci in ka dongh hi.
Ama in, “Jerusalem bangza in sau a, bangza in zai ziam, ci in tee tu khi hi,” ci in hong zo hi.
3Taciang keima hong paupui vantung lalang sia mai sangah kal hong suan ka mu a, vantung lalang dang khat ama taw kisi tu in hong pai hi. 4A masa sia in a khat sia munah “Zia sung a pi khau toai khangmoipa sia munah vatai tan a, Jerusalem ah mihing le ngannote tam leilam tu ahikom luphung taw uum tu in lianlei tu hi. 5TOPA in ama mama khuapi huu tu in khuapi kiimkot a luphung bangin mei taw uumci tu a, ama tua munah a minthanna theampo taw teang tu hi, ci in kamciam zo hi va ci tan,” ci hi.
Saltangte Inn ah Cia kik tu Kisam
6-7TOPA in a mite tungah, “Mun theampo ah note kong thethaang hi. Ahihang tu in, no saltangte awng, Babylonia panin suakta in Jerusalem ah heak kik tavun. 8Khat papo in note hong saat le, ama in manpha bel ka sak sia saat ahi hi,” ci hi.
Tua ahikom Vaanglianbelpa TOPA in a minamte vanh a suttol minam tungah hi thu son tu in keima hong sawl hi. 9“TOPA ama mama in note hong sim tu a, khatvei lai a na sal ahi ngeite in na vanh uh hong suttol kik tu hi,” hong ci sak hi.
Hi thu hong pian tak ciang TOPA ii kei hong sawl hi ci in, a kuama theampo in he tu uh hi.
10TOPA in, “Jerusalem mite awng, lungdamin lasa vun! Note taw teangkhawm tu in kong pai hi!” ci hi.
11Tua hun ciang ngam tam mama sia TOPA kungah pai tu a, ama mite suak tu uh hi. Ama sia note sungah hong teang tu a, note kungah kei hong puak hi cisia na he tu uh hi. 12Judah mite sia ngam thiangtho sungah TOPA ii neituam hong suak kik tu a, Jerusalem khua sia ama itbel khuapi hong suak kik tu hi.
13Mihing theampo awng, TOPA mai ah thim dide in om vun, banghangziam cile ama sia a tenna mun thiangtho panin hong pai hi.
0 comments:
Post a Comment