Laithiangtho (Zechariah 3-4)

1. Joshua sia TOPA ii bang kici ziam? 
a. Ngalkapmang
b. Naseampa
c. Thiampi Sang

2. Satan sia Joshua hui ah ding in ___ tu kinging hi.  
a. Mawna suan
b. leilot thu son
c. thalup

3. Akua sia meikhuk sung pan a kiten kik thingkhua khat taw kibang ziam? 
a. Moses
b. Joshua
c. Saul kumpipa

4. Kua in Joshua se puanthak silh sak uh ziam? 
a. Vantungmi Micheal
b. Moses
c. Vantung sawllamhte

5. Joshua ii mai ah suangtum in mai bangza nei ziam? 
a. Sali 
b. Sawmlenii
c. Thum

6. Akuate sia kilemna le ngammuanna siim tu in kisam tu ziam?
a. Thuumhmite
b. Innpaamte 
c. Nungzuite

7. Meivak khuam tungah mei-inn bangza om ziam?
a. Thum
b. Sawmlenii
c. Sali 

8. Meivak khuam lang le lang ah ___ om hi. 
a. olive thingkung khat veve
b. khamh kongkha
c. hawktui luanna

9. Meivak khuamte sia bang taw ki vawt ziam? 
a. Tau
b. Khamh
c. Suangmanpha

10. TOPA in leitung theampo etna mittang ___ nei hi. 
a. Tam tatak
b. Sawmlenii
c. Sali 

11. TOPA Pathian na a seam tu teal sa mihingte bang lim taw kilak ziam? 
a. Olive
b. Aksi
c. Meikhuam

12. TOPA Pathian na a seam tu teal sa mihing bangza pha ziam? 
a. Khat
b. Nii

c. Thum

Zechariah 3

Kamsangpa ii Thiampi Saang pa A mu kholna

1Mu kholna dang khat ah TOPA in Thiampi Saang Joshua sia TOPA vantung lalang mai ah dingin a om hong lak hi. Taciang Joshua hui ah Satan ding a, Joshua tungah mawna suan tu in kinging hi. * 2TOPA vantung lalangin Satan munah, “TOPA in nang hong puavawk tahen, Satan awng! Jerusalem a it TOPA in nang hong puavawk tahen. Hi Joshua sia meikhuk sung pan a kiten kik thingkhua khat taw kibang hi,” ci hi.

3Joshua sia puanninte silh in tualai ah ding hi. 4Vantung lalang in a vantung sawllamhte munah, “Hi sia pa ii a silh puannin teng suutkeak vun,” ci hi. Tua zawkciang ama in Joshua munah “Na mawna teng kong laak keak sak zo a, na silh tu puanthakte kong pia tu hi,” ci hi.



5Ama in a sawllamhte munah, Joshua lu tungah dial thiang khat a khip sak natu in sawl hi. Tabangma in amate in seam uh a, TOPA vantung lalang a din sung ma in amate in puanthakte silh sak uh hi.

6Taciang vantung lalang in Joshua tungah, 7Vaanglianbelpa TOPA in: “Ka thukhamte zui in kong sawl thute na seam le, tasia ciang ka Biakinn le a leitualte uk tu in kong koisuak tu a, ka omna munah a om vantung lalangte thungetna ka zaak bangin na thungetnate kong za tu hi. 8Nang, Thiampi Saang ahi Joshua awng; ngai in, Joshua ii thiampi a seppuite awng, ngai vun, no mailam sang a, hun phate ii lim ahite awng, ngai vun; Thingbaak a kici pa ka naseam pa kong lak tu hi! * 9Joshua mai ah mai sali a nei suang khat ka koi hi. Tua tungah lai kong khen tu a, ni khat thu in hi ngam ii mawna teng ka lakeak tu hi. 10Tua ni hong thet ciang, note khat simin na sapit le na theikung uh taw a ki uum na huang sungah kilemna le ngam muanna siim tu in na innpaamte na sam tu uh hi, ci hi,” a ci hi. *

Zechariah 4

Mei vakna khuam Mu kholna

1Kei hong pau papui vantung lalang sia hong pai kik a, a mu kimlai phok bang phetin kei hong phong hi. 2“Bang na mu ziam?” ci in hong dongh hi.


“Kham taw a kivawt meivak khuam khat” ci in ka zo hi. “A dawn ah sathau koina kuang khat om hi. Meivak khuam tungah mei-inn sali om a, a simin meikhau nei tek uh hi. 3Meivak khuam lang le lang ah olive thingkung khat veve om hi.” * 4Taciang vantung lalang munah, “Hite ii khiakna bang ziam? Topa awng” ci in ka dongh hi.

5“He ngawl ni ziam?” ci in hong dongh hi. “He ngawl khi hi, Topa awng,” ci in ka zo hi. *

10b Vantung lalang in, “Mei-inn salite sia, leitung theampo a mu TOPA mittang salite ahi hi,” hong ci hi. *

11Taciang keima in “Meivak khuam lang le lang ah a om olive kungte nii in bang a ci nopna ziam? * 12Olive thau sunna khamlawng niite hui a, olive baak niite sia bang a ci nopna ziam?” ci in ama ka dongh hi.

13Ama in, “He ngawl ni ziam?” hong ci hi.

“He bong Topa awng” ci in ka zo kik hi.

14Taciang ama in “Hite sia leitung theampo ii TOPA Pathian na a seam tu a Pathian teal sa le sathau a noi sa mihing niite ahi hi,” ci hi.

---------------------------------------------------------------------

Zerubbabel tungah Pathian Kamciam
6Vantung lalang in TOPA tung pan hong pai hi thu Zerubbabel tungah son tu in kei hong sawl hi.

“Ngalkap vaangletna hang hi ngawl, nangma thahatna hang hi ngawl, ahihang keima thaa bek taw na maa na tun tu hi. 7Mual za a a lian hong khak hong hal haksatnate na mai panin mang tu hi. Biakinn na sa kik tu hi, taciang suang a khak bel sia a om natu sanah nacian ciang mihingte in ‘Hoi hi, Hoi hi!’ ci in, au tu uh hi.” TOPA in ci hi.

8TOPA tung panin thupuak dang khat hong theng hi. 9Ama in, “Zerubbabel in Biakinn tawdap pha zo a, a innsak zo thiang tu hi. Tabang hong pian ciang nang sia amate kungah keima ii kong pai sak na hi hunlam ka mite in hong tel tu uh hi. 10a Amate thinkiam hi, banghangziam ci le nasepna sia tawmbek khangto hi. Ahihang amate in Zerubbabel ii biakinn a sak tato mu tu uh a, amate lungdam tu uh hi,” ci hi. *