Laithiangtho Zechariah 5-6

1. Zechariah in abang leen laitak mu ziam? 
a. Laizial
b. Vaak
c. Vantungmi

2. Bang ii tungah leitung theampo atu haamsiatna ki-at ziam? 
a. Suangpheak khat
b. Khuam
c. Laizial leang

3. Zechariah in numei khat sia koisungah ato mu ziam? 
a. Luphung tungah
b. Bawm
c. Biakinn kong

4. A bang in ngilo khansiatna limlakna ziam? 
a. Namsau le tei
b. Siphu leangte
c. Bawmsungto numei

5. Lento thei antu tha nei numei 2 in abang tua ziam? 
a. Bawm
b. Laizial
c. Khamh khutzungbu

6. Akua atu in, Babylonia ah biakinn kisa tu ziam? 
a. Bawmsungto numei
b. PATHIAN
c. Kumpipa

7. Mu kholna sungah siphuleang bangza mu ziam? 
a. 4
b. 5
c. 7

8. Siphuleangte ii akhiakna bang ziam? 
a. Kamsiatna
b. Ngalkidona
c. Huipi 

9. Siphu vomte sia koi sungah pai ziam? 
a. Jerusalem
b. Babylonia
c. Nile ngun

10. Siphu kangte koisung zuan ziam?
a. Thangsang
b. Nitumna 
c. Nitumna 

11. Koisung apai siphute in TOPA thinukna thim sak zo ziam? 
a. Babylonia 
b. Jerusalem
c. Zion mualvum

12. ___ te in Biakinn sak kik nasep hong hu tu hi.
a. A khuala a om mihing
b. Ngamdangmi

c. Syria


Zechariah 5
Laizial Leang Mu kholna

1Khua ka et kik le vui sungah laizial leang khat ka mu hi. 2Vantung lalang in ka mu sia hong dongh hi. Ka zo kikna pan, “Lai kizial, pi sawm thum sau, pi sawm le pi nga zai, khat vui sungah leang hi,” ka ci hi.

3Taciang ama in kei tungah “Tua tungah leitung theampo ah a tung tu haamsiatna ki at hi. A lang khat laizial tungah ngamsung panin nguta a minpiang kinotkeak tu hi, ci in ki at a, a lang khat ah, kiciam a leeilot thu a son theampo zongh kikaikeak tu hi, ci in ki at hi. 4Vaanglianbelpa TOPA in hi haamsiatna ka tung sak tu a, tua in nguta theampote inn le kiciam in leeilot thuson theampote inn sungah tum tu hi ci hi. Tua haamsiatna sia amate inn sungah teang tu a, tua innte lalcip in nusia tu hi,” hong ci hi.

Bawm sungah Numei A mu kholna 

 5Vantung lalang hong kilangh kik a, “En in na dang khat hong pai leleau hi!” hong ci hi.

6“Bang ziam?” ci in ka dongh hi.

Ama in “Tua in bawm khat hi a, leitung bup mawna lim ahi hi,” ci in hong zo hi.

7Bawm sitna sia haak taw kivawt hi. Ka et le, a sitna hong kilaam to a, tua bawm sungah numei khat to hi.

8Vantung lalang in, “Hi numei in, ngitlo khansiatna lim lak hi,” ci hi. Taciang ama in numei sia bawm sungah hensuk a, a sitna taw sin kik hi. 9Ka etto ciang hilniang tha bang a, a hat thate taw keima sangah hong leang numei nii ka mu hi. Amate in bawm hong zam suk a, lenpui uh hi.

10Vantung lalang tungah, “Amate in koi sungah paipui tu ziam?” ci in ka dongh hi.

11Ama hong zona pan, “Ama atu Biakinn a sak sak natu mun Babylonia ah paipui tu uh hi. Biakinn sak a kiman ciang, biak tu in tua munah bawm sia kikoi tu hi,” hong ci hi.


Zechariah 6
Siphuleang Li Mu kholna

1Mu kholna dang khat ma ka mu leleau hi. Taungo mual nii kilaklaw panin siphuleang li hong pusuak ka mu hi. 2Leang khatna sia siphu sante, a niina sia siphu vomte, * 3a thumna sia siphu kaangte, a lina sia siphu pawl tiptepte in kai hi. 4Taciang vantung lalang ka dongh a, “Topa awng, hi siphuleangte a khiakna bang ziam?” ka ci hi. *

5Ama in hong zo a, “Hite sia huipi lite hi a, amate in leitung bup ii TOPA omna pan hong pai tawm ahi hi,” hong ci hi. *

6Siphu vomte kai leang sia saksang Babylonia ah paito a, siphu kaangte nitumna sang zuan hi, siphu pawl tiptepte thangsang ngam zuansuk uh hi. 7Siphu pawl tiptepte hong pusua ciang, amate in leitung enkot nuam kisa in a paikal ngakla uh hi. Vantung lalang in, “Pai tavun a, leitung enkot tavun!” a ci ciang pai uh hi. 8Taciang vantung lalang in hong ausan a, “Saksang Babylonia ah a pai siphute in TOPA thin uukna thim sak zo hi,” hong ci hi.

Joshua Kumpi lukhu khuh sak natu Thupiakna
9TOPA in hi thu hong pia hi. 10Ama in “Sal ahi Heldai, Tobijah le Jedaiahte ii piak letsongte la in Zephaniah tapa Josiah inn ah thakhat in pai in. Hi mihingte theampo Babylonia ah a saltanna pan hong heak kik siat zo hi. 11Amate hong piak kham le ngunte taw kumpi lukhu khat vawt in a, Jehozadak tapa Thiampi Saang Joshua lu tungah khu sak in. 12Ama munah Vaanglianbelpa TOPA in, ‘Thingbaak a kici mihing khat ama omna sasan ah khangto tu a, TOPA Biakinn sa kik tu hi.’ * 13Biakinn sa tu ama hi a, kumpi khat upat natu kilawm teng ama in tangin, a mite uk tu hi. Thiampi khat ama kumpi tokhum huiah ding tu a, amate in kilemna le kituiton natu seam khawm tu hi,’ ci hi ci in son hi. 14Tua kumpi lukhu sia, Heldai, Tobijah, Jedaiah le Josiahte upatna le phawk natu in TOPA Biakinn sungah om tu hi,” ci hi.

15A khuala a om mihingte hong pai tu a, TOPA Biakinn sak kik nasep hong hu tu hi. A kisak man ciang, Vaanglianbelpa TOPA in kei sia nang kungah hong pai sak ci in na he tu uh hi. TOPA na Pathian hong thupiak teng na zui uh le hi thu teng theampo hong piang tu hi.