Obama Tanu Modokna Atu Khui 50, Tuu 70 le Keal 30

Kenya ngammi Lawyer Felix Kiprono akicipa in US president Barack Obama tanu Malia sia tenpui tu in nget sawm hi. 

Malia sia kumh 16 cing pheang aa, Obama in awi tu hi leh, Khui 50, Tuu 70 le Keal 30 sia modokna in piak sawm aa, a it takpi hi in, acitakpi in kison hi.

Felix Kiprono in 2008 lai pek pan Malia sia hoi asak hi aa tualai in Malia sia kumh 10 pha pheang hi. 

Felix Kiprono  ii uk bangh hi leh Obama Kenya ngam ah July tha apai ciang atanu zongh keng pai leh uk dan in kison hi.

Kenya ngam sia Obama ii pa pianna ngam hi in, apasia thi zo aa , apa ii nu api kumh 90 le Obama ii abe-aphungpui-te teang lai hi.

Felix Kiprono ii modoksawmna ah anei ngante sia  $90,000 manh  tu hi. 

Felix Kiprono in, simple tak in nuntak tu sia uk aa, Malia taw kiteang tu bangh hi leh, Kalenjin numeite ii ngeina ahi khuinoai suuk dan, khuinoai taw neak thei tatuam vawt dan ka hil tu ci hi.

Src: http://edition.cnn.com/2015/05/27/living/feat-malia-obama-kenyan-lawyer/

0 comments:

Post a Comment