Tawpi (Lion) te sia scientistte in ngeaungaw nam sung hel uh hi, ngeau nam sung pan alianbel aniina hi. (Akhatna Sahang) Ngeau namdangte taw tengat tu in social zaw uh aa, khat le khat kiliak, kinam kimai, kizuut thei uh hi. Atalte sia 180 kg (400 lb) ngit aa, apuite sia 30 kg (290 lb) ngit hi. Angitbel tawpi tal khat sia 375 kg (826 lb) ngit hi. Pi 3.9 bangh sang in, atalte ii sam sia apuite sang in sau zaw hi.
Nai khat amalaang bel 81 kph (50 mph) ahaat in taai zo ahihang ngei tatak tai zo ngawl uh in pi 36 asangna dong leangto zo uh hi.
Atalte sia apuite bangh hi ngawl samat tu daatham in apuite ii matsa vo ne zaw ua, nikhat nai 20 sung tawlnga uh hi.
15 bangh a kithuakhawm leh mangkangte in "pride" naa atal 2-3 bangh in kumh 3 sung uk aa, ataldang khat in a ukpiza tuu thei hi. National Geographic te chepte bangh hi le 40 bangh apha "pride" zongh om ci hi. Asian ate in "pride" namnii kikhen thei aa, apui le atal hi.
A huuk hun khat le khat kibang ngawl in hun ciangtat nei ngawl uh aa, nau apaai ciang tha 4 bangh hi in, ano asua ciang 3 lbs. (1.5 kg) ngit thei in, ano 3-4 bangh pha thei uh hi.
Asua zawk tha 11 aphak dong ngia, ngamui, pawlbeamte in man in ne thei uh aa, tha 11 zawk ciang savai thei in, anu taw kumh 2 bangh kithua uh hi. A pui bebek omna pride khat sung ano suak papo khat sia nangta kei ta ci'n khen ngawl uh in, avekpi in hung khawm uh hi.
Tai 5 akikhualana panh ahawkna aw nging kiza aa, apui zongh atal zongh in hawk thei hi. Sa amat ciang angawng pan cip masa hamtang uh hi.
Africa nisuana sangah tam bel hi in tulaitak 21,000 kiim bang nungta lai tu hi. International Union for Conservation of Nature's (IUCN) ii chepte bangh hi le tulaitak leitungbup tawpi om za sia 30,000 - 100,000 bangh pha ci hi. Asiatic tawpite sia 350 bangh nungtal lai bek tu ki umh hi.
Kumh 12 bangh nungta uh hi.
Ref:
http://www.sciencekids.co.nz/sciencefacts/animals/lion.html
http://www.defenders.org/african-lion/basic-facts
http://www.onekind.org/be_inspired/animals_a_z/lion/
http://www.livescience.com/27404-lion-facts.html
http://www.lions.org/lion-the-animal.html
0 comments:
Post a Comment