Laithiangtho dokna (Kaatap Laate 3)

]1. Pathian ii daan piakna thu akuana he bel tu ziam? 
a. Laphuakpa
b. Pathian
c. Athuakteng in

2. Kuate thina khuazing sungah teang sak ziam? 
a. Ui 
b. Mat thuakte
c. Silate

3. Laphuakpa thal taw kap thuak in om laitak mihingte in ___ hi. 
a. nuisan
b. thatlumh 
c. kidop tu thu pia

4. Laphuakpa maitang lei ah atat sia akua ziam? 
a. PATHIAN
b. A Ngalpa
c. A it a lawmte

5. PATHIAN ii ___ aphawk ciang lametna piang kik ziam? 
a. itna hesuakna kizop thu
b. nasepna
c. nalamdang lakna

6. Ih ___ ciang ki pum aap in ih kun tu hi.
a. ngimhthuak
b. huai
c. dongtawk

7. Ama ii piak ___ te ih taan ciang ama hee hi;
a. hamphatna
b. telte
c. nalamdangte

8. Thukhenzumh ah bang a om ngawl ciang TOPA hee ziam? 
a. Thutang
b. Thukhen tute
c. Sumnguk piakna

9. Thungetnate TOPA kungah banghang theng zo ngawl ziam? 
a. TOPA thin so
b. Doai in hong nguksak
c. Kingen suak ngawl

10. Laphuakpa in athitui banghun dong luang tu ci ziam?  
a. TOPA ii etsuk dong
b. A thi dong
c. Ngualzaw dong

11. Laphuakpa leidum khat sung vawk zawk ciang ___ ki huh lai hi. 
a. suangtum taw
b. thingpheak taw
c. mithi luangte taw

12. Laphuakpa banghun sung teng ciamuina kinei ziam?
a. Sunkhua teak
b. Nisim 
c. A ngual lel hun






Kaatap Late 3
Daan piakna, Kisii kikna le Lametna
1Pathian ii daan piakna
bangbang tatak hi tu ziam ci in a he sia keima ka hi hi.
2Ama in khuazing sungah a thuk seseam, a thuk seseam in kei hong hawlkeak hi.
3Taciang ama in hong hesuak ngawlin kei hong vel kikik, hong vel kikik hi.
4Ama in ka samal bakkeak sakin ka sa kilangh sak a, ka ngu ka taang thiaktan hi.
5Ama in ngimna le heena thong sungah kei hong khum hi.
6Ama in a ui thina khuazing sungah kei hong teang sak hamtang hi.
7Ama in thikkhau taw hong heen a,
suatak tu lametna nei ngawl thongtaak luangta khat ka hi hi.
8Hu ngenin nging takin ka au a,
ahizong Pathian in hong ngai ngawl hi.
9Lam ka pai ciang ka hoi vatut a,
ka heakna theampo ah suangpangte in ka mai hong khak hi.
10Vompui khat bangin
ama in kei hong pang a,
tawpi khat bangin
ama in kei hong zam hi.
11Ama in lampaam ah kei hong del a,
hong balneen in hong nusia hi.
12Ama in a thal keak a,
kei sia a thal taw kap tu in hong tuung hi.
13Ama in a thaltangte taw ka pumpi thuk bunin hong kap hi.
14Mihingte in sun khuateak in kei hong nuisan a,
amate theampo atu in kei sia ciammuina ka suak hi.
15An le tui hong piak taangin ama in thuakkha in hong thuak sak hi.
16Ama in ka maitang lei ah hong tat a,
suangtum tungah ka ha sutan hi.
17Cidamna, thin nopna le lungdamna cite
bangziam ci sia ka mangil zo hi.
18Khuangei nungta nawn ngawl tu khi hi;
TOPA sungah ka lametna bo zo hi;
19Natna ka thuakna,
inn le lo nei ngawlin
ka om nate ka ngaisut sia
thina ngu kha ahi hi.
20A tawntung in tuate ka ngaisun a,
ka thin kiam hi.
21Ahizong hi thu khat ka phaw ciang,
lametna hong piang kik hi.
22Mong nei ngawl TOPA ii
hong itna le hong hesuakna
kizom suak a;
23zing khuavak bangin
thak suak tawntung a,
ni suak pealmaw bang ahi hi.
24TOPA sim ngawl nei dang
nei ngawl ka hikom
ama tung bek ah
ka lametna ka koi hi.
25Ama a muangte theampo tungah TOPA pha hi.
26Tua ahikom thin sauna taw ama ih ngak tu–
eite hong ngum tu in ama ih ngak tu– phabel hi.
27Ih khan moi lai in hi thin sauna sin tu pha bel hi.
28Ngimna ih thuak ciang thin sau le
thimdide in eima nguak ih to tu ahi hi.
29Ki pum aap in ih kun tu ahi hi,
banghangziam cile lametna om thei lai tha tu hi.
30Hong kivua in hong kizawngsak kale
tuate theampo ih saang thiam tu hi.
31TOPA sia hesuakna taw kidim a,
a tawntung in eite hong nial ngawl tu hi.
32Ama in eite heena hong thuak sak thei tha tu hi,
ahihang ama ii eite hong itna sia maan in kho hi.
33Ama in eite hong khuangai sak,
hong nat sak sia nuamsa tuan ngawl hi.
34TOPA in thong sungah thin ngimna ih thuak nate he hi.
35Ama ii eite hong piak hamphatna te ih taan ciang ama hee hi;
36Thukhen zum ah thutang khenna a om ngawl ciang ama hee hi.
37TOPA deina bang bekma in kiseam tawntung hi.
38Ama thu piakna bangin a pha le a sia a kibangin piang hi.
39Ih mawna hangin daan hong ki piak ciang bang hang phuphun tu hi ziam?
40Ih kalsuan nate en pha kikin
TOPA kungah heak kik tawng.
41Vantung a om ih Pathian tungah
ih thinsung kongkha hongin thungen tawng,
42“TOPA awng, kote maw in,
kong langpan uh a,
nangma in nong mai sak bua hi.
43“Nangma in kote nong zuizen a
nong thatlum hi;
na thin ukna in
na hesuakna sealcip hi.
44Na thin sona meeikaai saa lei ahikom
kote thungetnate na kung hong theng zo ngawl hi.
45Nangma in kote simlei bup ii nin kholna bung in nong vawt hi.
46“Kote ngalte theampo in kote hong langin hong nunau uh hi.
47Kote in tuasiatna le lalcipna ka thuak zo uh a,
launa le kiitakna taw ka nungta uh hi.
48Ka mite siatcip hu in
ka thitui nguntui bangin luang hi.
49“Ka thitui kang thei ngawlin
50TOPA in vantung pan hong ensuk a,
eite hong mu dong ka thitui luitui bangin luang hi.
51Khuapi sungah numeite
bang tawk cisia ka mu ciang ka khuangai hi.
52“Kei hong ngai mawk natu thu nei ngawl ngalte in,
vacim khat bangin thaang sungah kei hong awk sak hi.
53Amate in leidum khat sungah ka hing tangin hong khiasuk a
suangtum pui khat taw akua vang huh uh hi.
54Tui in khuum tu in hong kithoai a,
taciang thina a nai sia ka ngaisun hi.
55“TOPA awng, dum tawtawng panin nang kong sam hi,
56Kong sapna hong ngai tan ci in kong nget ciangin nong za hi.
57Nong zo a, lau heak in nong ci hi.
58“TOPA awng, kei hong hun tu in nong pai a, ka nuntakna nong suatak hi.
59Kei sangah pangin thu hong khen tan;
kei tungah a maan ngawl hong kivawtnate na he hi.
60Ka ngalte ii hong etsatzia le hong thasawm zia na he hi.
61“TOPA awng, amate ii kei hong lan nate na za zo hi,
amate ii hong thasawm nate theampo na he hi.
62Amate in sun khuateak in kei hong vawtsiat natu
thu kikum in vaihawm uh hi.
63Amate in zingsang pan
khua zan dong ciammuina in kei hong nei uh hi.
64“TOPA awng, amate ngamtatnate hu in amate daan pia in.
65Amate haamsiat in, thin kiamna taw kidim sak in!
66Amate vai zui in a, leitung pan phiat mang in!” ci uh hi.

0 comments:

Post a Comment