Laithiangtho (Haggai)

1. Haggai kamsanna sia akua ii tungah puak tu ziam? 
a. Thiampi Joshua
b. Kumpipa
c. Minam lampuite

2. Persia ah akua maan sung Haggai in thupulaakna ngaa ziam?
a. Hezabot
b. Banhaded
c. Darius 

3. Banghang in nguatui hangn ziam? 
a. Milim bia
b. Kisiik kik ngawl
c. Biakinn awlmawk ngawl

4. Haggai alian khat sung Pathian ii dei thu sia bang ziam? 
a. Kisiik kik tu
b. Biakinn sak tu
c. Mawmai biakpiakna

5. Biakinn sak natu thing koisungpan laa uh ziam? 
a. Mualtung
b. Jordan ngun
c. Lebanon 

6. ___ maan zawk kumh 2 kum kum nii kum, tha luk tha in Biakinn sa uh hi.
a. Josh
b. Halal
c. Darius

7. TOPA in biakinn masa sia ii nasiatna taw kisai akua kungah dongh ziam?
a. Kumpipa
b. Judah lampuite
c. Mipi

8. TOPA in banghun lai in "noma taw kong omkhawm tu hi" ci ziam?
a. Abraham hun lai
b. Egypt pan pusuak
c. David kumpi sep

9 Mithi a tham khat in an atham tha le  ___ kici hi.
a. an zongh niin 
b. an vawk kul tu
c. khut atan kul tu

10 Biakinn phungkawng sak bang tan vei hai ziam? 
a. Kum khat
b. Tha luk
c. Tha thum

11. Banghun ciang pan kipan theikungte ngaa kik ziam? 
a. Nguatui kan ciang
b. Mawmai nget zawk
c. Biakinn phungkawng man ciang

12. Biakinn sak kipat ciang TOPA in Judah uk tu akua se ziam? 
a. Zedekiah
b. Zerubbabel
c. Hazazel



Haggai 1
TOPA in Biakinn Sak kik natu Sawl
1Darius in Persia ngam uklian a sep a kum niina kum, a tha luk tha ni masa bel ni in kamsangpa Haggai tungtawn in, TOPA in thu son hi. Shealtiel tapa Judah ngam uk Zerubbabel atu le Jehozadak ii tapa Thiampi Saang Joshua atu thupuak ahi hi. *

2Vaanglianbel TOPA in Haggai tungah, “Hi mihingte in tu hun sia Biakinn sak kik natu hunpha hi ngawl hi, ci uh hi,” ci hi. 3Taciang TOPA in kamsangpa Haggai tungtawn in hi thu teng mihingte tungah pia hi: 4“Ka mite awng, ka Biakinn a zancip sa in a om laitakin pha tak a kisa innte sungah banghang note teang tu nu ziam? 5Note tungah bang thupiang cisia mu ngawl nu ziam? 6Thaicii tam mama na tu uh a, ahizong an tawm bek na la uh hi. Anneak tu na nei uh a, ahizong na khamkhop tu na nei bua uh hi. Zu neak tu na nei uh a, ahizong na kham tham tu na nei bua uh hi. Puansilh na nei uh a, ahizong a lum tham tu na nei bua uh hi. Taciang naseam khat in a nuntak khom natu thalaw zo ngawl hi. 7Hisia banghangin piang ci in na he uh ziam? 8Tu in mual tungah kaato tavun a, inn thingte la vun, taciang Biakinn sa kik vun; taciang kei ka lungkim tu a, a kilawm bangin kei hong kibia tu hi.

9“Anlaak tu tam mama na lamen uh a, ahizong tawmno bek piang hi. Taciang na an uhte na sungkhum uh ciang kong seamkeak sak hi. Banghang tabang vawt khi ziam? Banghangziam cile note mi sim in ama inn tu sa in a komlaak laitakin ka Biakinn sia a zancip sa in om hi. 10Tua hu in ngua zu ngawl a, bangma po thei ngawl hi. 11Leitangh tung, mualte tung, anciinna lo sung, sapit huansung, olive ciinna lo, an namcin kiciinna tung, mihingte tung, ngannote tung, na ciin sa theampo tungah nguatui kong hang sak hi,” ci hi.

Mihingte in TOPA Thupiak Ni
12Taciang Zerubbabel, Joshua le Babylonia ngam saltanna pan hong cia kik theampo in TOPA a Pathian sawl bangin vawt uh hi. Amate lau uh a, TOPA ii kamtaipa, kamsang Haggai thu ni uh hi. 13Taciang Haggai in TOPA thupuakte mihingte tungah pia hi. “Note taw kei kong omkhawm tu hi, ci in kong kamciam hi,” ci hi. 14TOPA in mihing theampo tungah Biakinn sak natu thu mop hi; tua mihingte sia Judah ngam ukpa Zerubbabel, Thiampi Saang Joshua, le saltanna pan hong cia kik mite theampo ahi hi. Amate in Vaanglianbel TOPA a Pathian Biakinn ah nasep hong kipan uh hi. 15A hun sia Darius ngam uklian pa maan zawk kum nii kum, tha luk tha, ni kul le ni li ni ahi hi.

Haggai 2
Biakinn Thak ii Nasiatna
1Tua kum a tha sali tha, ni kul le ni khat ni in TOPA in kamsang pa Haggai tungtawn in paupui kik hi. 2Ama in Haggai tungah Shealtiel tapa Judah ngam ukpa Zerubbabel le Thiampi Saang Joshua le mite tungah a son tu in, hi bangin sawl hi. * 3“No sungah mihing khatpo in Biakinnpi bangza in nasia kana ziam ci in a ciamtee lai na om uh ziam? Tu in bangbangin na mu uh ziam, tu a sia, bangma ngawl bang hi tha tu hi. 4Ahizong tu in note khat zongh thinkiam heak vun. Na seam vun banghangziam cile no taw keima kong omkhawm hi. 5Egypt ngam pan nong pusua uh lai in a tawntung note taw kong omkhawm tu hi ci in kamciam kong pia hi. Tu zonghin note taw kong omkhawm nginge lai hi, tua ahikom lau heak vun. *

6“Hai ngawlin van le lei, leitangh le tuipi kong thing tu hi. * 7Ngam theampo ka lawnthal tu a, amate sumngum theampo hi lai ah hong kipuak tu hi, taciang Biakinn sia hauna taw kidim tu hi. 8Simlei tung a ngun theampo le kham theampo sia keima aa ahi hi. 9Biakinn thak sia a lui sia sangin nasia zaw tu hi, taciang tualai ah ka mite maa vanna le kilemna ka pia tu hi,” TOPA Vaanglianbelpa in son zo hi.

Kamsangpa in Thiampite Thu dongh
10Darius ii ngam uklian a sep zawk a kum niina, a tha kua tha, ni kul le ni li ni in TOPA Vaanglianbelpa in kamsangpa Haggai paupui kik hi. 11Ama in “Thiampite ngaisutna dongh a: 12Sonteena in sangaw biakpiakna sungah a kithiansua sabek khat sia a thiampi puantual sungah tuun ci tawng. Ama in a puantual taw anluum ahizong, an min sa, zu, olive thau, tua ahibale an a min piang khat papo thutha le, tua ante thiang sak tu ziam?” ci hi.

Dokna a kinei ciang Thiampite in, “Thiang sak buan teh” ci uh hi. 13Taciang Haggai in “Sonteena, mihing khat in, mithi a tham hu in nin hi, ci tawng. Tua ahile hi ante khat papo ama in tham le tuate zongh a nin ahi tu ziam?” ci in dongh hi. *

Thiampite in zo a, “Hi tu hi,” ci uh hi.

14Taciang Haggai in “Hi ngam sungah mihingte le a pian sak nate theampo tungah thupiangte a kibangin piang hi; TOPA in, ci ahikom biaktau tungah a biakpiakna theampo nin hi,” ci hi.

TOPA in A Thupha Piak tu Kamciam
15TOPA in “Note tungah hong piangte mu thei ngawl nu ziam? Biakinn na sak kik ma in, 16ansaal khat ah pai in an seau kul om tu in na muangmaw uh hi. Ahizong seau sawm bek om hi. Thambeal sung pan zu gallon sawmnga duup tu in na kimuangmaw uh a, ahizong gallon kul bek om hi. 17Na ciin sa theampo tungah vuisa kong va sak a, na theampo lal sak tu in ngialtang kong kia sak hi, ahizong na kisiik tuan bua uh hi. 18Tuni sia tha kua tha, ni kul le ni li ni hi a, Biakinn phungkawng a kiman ni hi. Tu pan kipan bang hong piang tu ziam en tavun. 19Antang om nawn ngawl a, sapit nguite, theikungte, talee le olive kungte nga ngawl lai hi kale, tu pan kipan thupha kong pia tu hi,” ci hi.

TOPA in Zerubbabel Kamciam Pia
20Tua tha, ni kul le ni li ni in TOPA ii Haggai tungah thupuak a niina sia, 21Judah ngam ukpa Zerubbabel atu ahi hi. “Keima in van le lei thing tu in kithoai khi hi, 22kumpi ukna ngamte lawnthal in a vaangletnate ka bo sak tu hi. Siphuleangte le a hawlte ka sawnthal tu a; siphute thi in, a hawlte khat le khat kithatlum tu uh hi. 23Tua ni ciang ka naseampa Zerubbabel awng, nang kong la tu a, keima min taw na uk natu in nasep kong pia tu hi. Nang sia kong teal sa khat na hi hi,” ci hi. TOPA Vaanglianbelpa in son hi.

0 comments:

Post a Comment