Laithiangtho Dokna ( Thuhilsya 9-10)


1. Ui nungta khat sia ___ sangin pha zaw hi.
a. tawpi thi sa khat
b. mihing ngilo khat
c. zawng vakthaap khat

2. Ngimh thaman sia bang ziam?
a. Thina
b. Banghma om ngawl
c. Nuamin nuntakna

3. Ngalhang theampo in ___tawntung ngawl hi.
a. hang
b. ngalzo
c. ngalsim

4. ___sia mihing theampo tungah tung hi.
a. Cinatna
b. A sia zonnopna
c. Kaamsiatna

5. ___laitakin thaang sungah hong kiman hi.
a. Muanmawk ngawl het
b. Khuazing sung vak
c. A sia babek ngaisut

6. Sim thuak tu khua in, akua a om hun lam tel ngawl ziam?
a. Thukan khat
b. Daathamna thin
c. Khuasungah mipil khat

7. Mawmawtna tawmno khat in ___ sia sak thei hi.
a. khuapi
b. ciimna lian bel
c. ih thin hong

8. Nang hong ukpa na tungah a thin a uuk le ___ heak in.
a. paupui
b. amaipha zong se
c. nasep tawp tu ngen

9. ___te thu neina dinmun kipia a, mihaute kimel sia hi.
a. Mihing mamaw
b. A ciimte
c. Maipha zong

10. Na hei na taat bale na zak ciang na nasep ___ tu hi.
a. ni tum
b. ni tha tung ngawl
c. haksa zaw

11. Zu khamcip ngawl natu, a ki uk zo le tua ngam sia ___ngam ahi hi.
a. a ciim
b. a hampha
c. mailam thu he

12. Kumpipa son sia tha leang abang in thupuak tha thei tu ziam?
a. Simbu
b. Ih veangpa
c. Vacim




Thuhilsya 9

1Hi thute theampo khua ngeipi le nasia takin ka ngaisun a, Pathian in mihing ciimte le mihing thutangte ngamtatna te, amate ki itna le kihuatna ngangawn uk hi cisia ka phawk hi. A mai ah bang om ziam ci sia kuama in he ngawl hi. 2A kilamdanna om tuan ngawl hi. Thutangte le a ngilo te, a phate le a siate, biakna hanciamte le a awlmaw ngawlte, sangaw biakpiakna a vawtte le a vawt ngawlte tungah a kibangin thina theng hi. Mihing pha khat sia mihing khial khat taw ki tumdang ngawl a, tom lo in a kiciam khat le a kiciam ngawl khat kitumdang tuan ngawl hi. 3Thina sia mihing theampo tungah a kibangin tung a, hi thu mama zongh, leitung ah a piang na dangte bangma in maan ngawl hi. Mihingte a nuntak laiteng a thinsung uh sia siatna le mawmawtna taw kidim a, amate thakhat thu in thi uh hi. 4Ahizong leitung ah a nungta khat papo in lametna pawlkhat nei a, ui nungta khat sia tawpi thi sa khat sangin pha zaw hi. 5Hi hi, a nungtate in a thi tu uh he a, ahizong a thite in bangma he ngawl hi. Amate in min phatna tel bangma nei tuan ngawl a, amate kimangil cip hi. 6A ki itna, a kihuatna, cii le sa uukna te a vekpi in amate taw thi khawm hi. Hi leitung ah a piang nate khat papo sungah amate kihel kik nawn ngawl hi.

7Pai in, na an ne in a, lungdam in; na zu ne in maitai in. Pathian in dik sa hi. 8A tawntung lungdam in, maitai in. 9Pathian hong piak hi leitung ah a mannung ngawl na nuntak hunsung teng na it numei taw a nuamin nungta in. A mannung ngawl nite a nuamin zangh in, banghangziam cile, tasia bekma na ngim thaman na saan tu hi tu hi. 10Na sep papo hanciam in seam in, banghangziam cile mithite ngamah, tukna, dianna om ngawl, khua ngaisutna, heakna, ciimna om ngawl tu hi– tua mun sia na zotna tu mun ahi hi.

11Thudang khat zongh ka he lai hi, hi leitung ah tai ngang theampo in zawna nga tawntung ngawl a, ngalhang theampo in ngalzo tawntung ngawl hi. Mihing ciimte in nuntak natu thalaw tawntung zo ngawl a, mihing pilte zongh hau tawntung ngawl hi, hi theina a nei theampo dinmun sang theng tuan ngawl hi. Kaamsiatna sia mihing theampo tungah tung hi. 12Na hun hong thet tu na he ngei bua hi. Thakhat thu in vacimte thaang sungah a kimat bang, ngasate ngeen taw a kimat bangin, eite zongh ih muanmawk ngawl het laitakin thaang sungah hong kiman hi.

Ciimna le Mawmawtna tungtaang Ngaisutna
13Nadang khat ma ka mu a, ciimna sia hi leitung ah a thupi in a kingaisut zia ahi hi. 14Khuapino khat om a tua sungah mihing tam teang ngawl hi. A thahat kumpipa khat in tua khuapino sim hi. Ama in uumci a, a luphungte sutham tu in kipan hi. 15Tua khua ah mizawng ahihang khuapino khat a hu zo tu mihing pil mama khat teang hi. Ahizong kuama in ama phawk ngawl hi. 16Ciimna sia hatna sangin pha zaw hi ka ci tawntung hi, ahizong kuama in mizawngpa sia mihing ciim in ngaisun ngawl a, ama paunate kuama in nadon ngawl hi. 17A kamneam mihing ciim khat ii pauna sia mihing mamaw hon khat kikhopna sungah a lampuipa auna ngai tu sangin pha zaw hi. 18Ciimna in ngalhiamte sangin a pha seam thei zaw a, ahizong mihing khial khat in na pha tam mama lal sak thei hi.

Thuhilsya 10
1Tho thi sate in paaknamtui bungbup khat ui sak thei a, mawmawtna tawmno khat in ciimna lian bel sia sak thei hi.

2Mihing ciim khat in a maan khat a sep tu le, a mamaw khat in a maan ngawl a sep tu sia a ngeina ahi hi. 3Ama mawmawtna sia lampi ah a kisikpui khual mite ngangawn in tel pai a; ama mihing mamaw ahi hunlam mihing theampo in he sak hi.

4Nang hong ukpa na tungah a thin a uuk le nasep tawp tu ngen heak in; thim dide in na om le a nasia khialnate zongh kimai sak thei hi.

5Hi leitung ah a dik ngawl thu khat ka mu a— ngam ukte ii a kilawm ngawl ngamtatna ahi hi. 6Mihing mamawte thu neina dinmun kipia a, mihaute kimel sia hi. 7Silate siphu tungah to a, kumpinamte silate bangin peang taw vak ka mu hi.

8Dum na to le a sungah na taak tu a; luphung khat na sulet le ngul khat in nang hong tu tu hi. * 9Suangkhuk ah na na seam le suang taw na liam tu hi. Thing na ek le tua nasepna taw na liam tu hi. 10Na hei a mawl a, na taat bale na zak ciang na nasep haksa zaw tu hi, maisang atu zeak khol sia pha hi. 11Ngul ai thiam napi na tu sak masa a, ahile ngul ai na thiam sia a phat tuamna om ngawl hi. 12Mihing ciim khat ii kampauna in ama min pha sak a, ahizong mihing mamaw khat sia ama kammal ma in sia sak hi. 13Ama in a mawmawt huai kampau a, mawmawt kam taw khup hi. 14A mamaw khat sia papau in lului hi.

Kuama in maisang thupiang tu he ngawl a, ih thi zawk ciang bang suak tu cisia kuama in hong son thei ngawl hi.

15Inn lam a zong kik thei ngawl, a mamaw leilam khat sia a nasepna taw zawm law tu hi.

16Ngam uk kumpipa khangmoi lai in, ngam lampuite in zan tha pai in poai a khaam uh le, tua ngam sia ngim nga hi. 17Ahizong kumpipa in ama thu in thu a khensat thei a lampuite in a hun maanin an ne in, amate le amate zu khamcip ngawl natu, a ki uk zo le tua ngam sia a hampha ngam ahi hi.

18Pasal khat a datham lei in a innkhum a pua bale a inn kuai tu a, a inn cimh tu hi.

19Poai khaamna in nang hong lungdam sakin, zu in hong maitai sak hi, ahizong khat zongh sum ngawl taw na nga thei bua hi.

20A thimtham in kumpipa son sia heak in a, sumhaupa sia na aituam lupna khansung zongh ah sonsia heak in. Vacim khat po in na pau teng amate thu puakin son tha tu hi.

0 comments:

Post a Comment