MNA Airline Vanleang Hawl Sizaangmi Khat

Myanmar National Airway (MNA) ah zak tu Boeing 737 - 800 vanleangte  USA gam Seattle, WA Boeing Comanpy pan  June 11,2015 ni-in leithak uh a, Sizaangmi vanleanghawl Capt. Nay Tin (Khuasak) zongh kihel thei hi.

Capt. Nay Tin sia Khuasak khuami Chin State Minister of Land Nationlization aseam ngei Pu Lun Pum ii tupa hi aa, apa sia Brig Gen Myo Tin and Daw Helen Lun Pum hi in, 1972 kumh in suak hi.

Ama sia Yangon Dagon SHS (1) pan tansawm ong in, ngalkap DSA saang zomhsuak aa, tuapan aman ciang Myanmar Air Force ah tum zawk ciang Capt taw tawp aa, Myanmar Airway International ah pilot in pang hi. 

Azi sia Nu Khine Thazin Thaung le atapa Zeyar Myo Tin ( Thawn), Banyar Myo Tin ( Nang) hi in, Thawn sia tulaitak UK ngam ah medical  saang akaa laitak hi aa, Nang sia tulaitak  GCE O LEVEL sin laitak hi.

Boeing 737 lei natu Myanmar Airway in Singapore ah April 25-May 29, 2015 sung sinna neisak masa uh hi. 

.......... | ______ | ..........

MNA ii leivanleangte sia ngamdang atu hi aa, kumh thum sung 2015- 2018 sung 10 leisawm aa, tutuung asia amasa phitbel ci'n MNA airline facebook ah kisua hi.

Boeing company website tungah aki-aat bangh hi leh Boeing 737-800 te khat ciang US$ 93.3 million manh ci hi.

MNA vanleang atonuamte in Vanleang ticket sia +95 1 378 603 or  +95 1 377 840 ah kidawp thei hi.

Photo credit to : MNA, Capt Nay Tin






0 comments:

Post a Comment