USA Ah Karente Innkuan Khat Phalaak Tawk , Khat Thi

USA ngam,  Wisconsin state, Milwaukee khua ah nipizawk nilini in, Karente innkuan khat ii omna inn sungah phalaakte tum in innteakpa thautaw kaap lumh uh hi.

Innteakpa Jay Ro le azi Ca Na te sia zingsang nai 6:30 pawl in zingan neak tu avawt laitak, phalaakte in, kongkha bell tum aa, atapa alian bel Htee Ku Moo (kumh 11) in kongkha ahon le phalaakte sia maitai peuma in, vanhpuate ci'n theam ahikom, atapa in umh aa inn sung tum sak hi. Innteakpa in phalaakte tum sia he man ngawl hi.

Phalaakte sia 2 pha in khat sia inntungteng tok aa, adang khat sia Htee Ku Moo ii ngawng thautaw ngat in, apa le anu ii zing anhuanna anhuanbuk sungah tumpui in anhuanbuk sungah Htee Ku Moo ii nulepa tung pan sum ngen ahihang, anu-le-apa in mangkam taw zo kik thei ngawl hi.

Htee Ku Moo ii pa Jay Ro in, atapa ii ngawng pan thau sut sawm ahikom, thautoai phalakpa in, Ray Ro sia kaap vawk in taai san pai hi.

Jay ro te nupa sia Thai ngamngii Refugee camp pan 2011 lai USA ngam apeam hi aa, ta lii nei in, kumh 5, 7, 9, le 11 ngual ci hi. 

A memorial service sia July 4 , 2015  St. Michael Parish, 1445 N. 24th St.ah vawt tu hi.

Src: http://www.jsonline.com/news/crime/reports-family-members-say-they-watched-as-robbers-killed-man-b99527328z1-310060261.html

0 comments:

Post a Comment