Vanleang Mui Zawl Pom, UK Tum Sawm, Taak In Thi

South Africa ngam pan UK ngam London khuapi ah apai British Airway vanleang mui zawl pom in UK ngam atum sawm  pasal 2 sung pan khat sia taak in thi aa,  zato ah kipuak hi. 

Taaksuk in athi pa sia,  zumh khat ii khuvum tungah nipizawk nilini in aluanghawm kimu aa, khat sia nungtalai khuaphawk ngawl in amui zawl sungah khua phawk ngawl in kimu hi. 

Britain(UK) le South Africa ngam sia tai 8000 val kikhuala aa nai  11 sung, vantung minus 60 degrees Celsius kaantan in apai hi aa, athi ngawllaipa sia nuntaak tu sia lamet om lei ngawl in kison hi.

Africa ngammi ahi le ahi ngawl sittelna kinei lai tu aa, security taw kisai nginaat ngawl vai ahikom vaipuak neite zongh thusit thuak tu hi.

1945 zawk UK ngam ah hi bangh in atum sawm mihing 100 bangh pha zo aa, 75 bangh sia thi ci hi.

Ref: thejournel, RT

0 comments:

Post a Comment