Kiten Kumh 75 Cing, Khut Kilen In Thi Khawm



USA, California state San Diego khua ah nupa kopkhat sia kumh 75 kiteen zawk ciang lupmun tungah khat le khat khut kilen in nikhat sung thi khawm uh hi.

Jeanette Toczko kumh 96 le apasal 95  Alexander Toczko hi aa, kumh liat aphak uh khawng in aki it uh hi aa, Mr Toczko sia aliikna pan apangn-nguu talh aa lupmun tungah a om top kul hi. Alupna sia azi ii lupna taw kipe sak vet uh hi.

Zawm vaial ahikom atate tungah avaithak bel thu sia anupa in khut ki len in ka thi nuam uh ci hi.

A thu-uk bangh ma in, Mr Toczko sia  June 17 thi aa, azi sia azingciang thi hi.

Mr Toczko athi ciang atanu in anu kungah 'ama a-man hi zo hi' aci hang anu in apa kawi kawm in 'na mu ziam na uk banghma ka baan sung ah thi ni hi, hong it ing nge, hong it ing nge, keima zongh tua munh ah ahai ngawl theng tu khi hi' ci hi.

Tua ahikom atate in tho nawn ngawl aa, anu a uk babangh kap sak uh hi.Nai 24 hai ngawl in anu zongh thi hi.

Taa 5 , tuu 10 le tusalawn 6 nei uh hi. Amate nupa kiteen kumh 75 cinh sia June 29 ci hi.

Read more: http://www.dailymail.co.uk/news/article-3147837/PICTURED-dying-embrace-husband-wife-married-75-years-died-just-hours-apart-held-hands-bed.html#ixzz3eoDMzNGR 

0 comments:

Post a Comment