1. Belshazzar in ulian bangza taw zu dawn natu Biakpiakna haite lasak ziam?
a. 50
b. 170
c. 1000
2. Belshazzar in biakna haite zudanna azak laitak bangthu piang ziam?
a. Meikuang khat pai
b. Huisuangval pai
c. Khut khat in pangtu lai-at
3. Khut khat ii laiat akhiakna ason thei sia ngamuk lian ___ tu hi.
a. ngam ii phalba lang pia
b. a thumna zaa ngaa
c. kumhpi lukhu
4. Daniel kungah thudongh tu in Belshazzar asawl sia kua ziam?
a. Belshazzar ii nu
b. Ngalkap maangpa
c. Kumpipa suapuipa
5. Khut khat ii lai-at sia bang ziam?
a. Shabab Shalom
b. Adonai hutov
c. Mene, Mene, Tekel, U-parsin
6. Darius sia kumh bangza aphak in kumhpi suak ziam?
a. 18
b. 35
c. 62
7. Babylon ngam ukpite alampui tu mi bangza pha ziam?
a. 6
b. 3
c. 7
8. Daniel tungah bang ___te sim ngawl mawsiat tu he ngawl uh hi.
a. biakna taw kisai
b. vaihawmna
c. thukikupna
9. Daniel sia bang ahihang in matthuak ziam?
a. A pilhang
b. A hanciam hang
c. Thunget hang
10. Daniel in nikhat ___ vei thungen hi.
a. 1
b. 5
c. 3
11. Medes le Persiate thukham sia ___ hi.
a. mi theampo zui tu
b. kikheal thei ngawl
c. kumpi naseamte atu
12. Daniel tawpi khuksung akikhiat tu thu kumpipa ___ hi.
a. lungkim ngawl hi.
b. vaihawm
c. lungdam hi.
Daniel 5
Belshazzar ii Anneak Poai
1Zan khat Belshazzar Kumpipa in anneak paoipi khat vawt a, uliante tulkhat samin zu nekhawm uh hi. 2Zu a neak laitakin a pa Nebuchadnezzar ii Jerusalem Biakinn pan a laak kham hai, ngun haite le kuangte sungtan pui tu in thupia hi. Kumpipa in ama le a uliante, a zite le a zinote taw zu a neak thei natu in tua haite la in a sawl ahi hi. 3Thakhat thu in khamhaite le kuangte kitumpui a, a vekpi in tuate taw zu ne in 4kham, ngun, taungo, thik, thing le suang taw a kivawt pathiante pok uh hi.
5Thakhat thu in mihing khut khat kilangh a kumpi innsung mei-innte kung pan mei a taang belna pang tungah lai at hi. Kumpipa in lai a at tua khut mu hi. 6Kumpipa lau mama in, a mai daang a, a khup liing tu kipan hi. 7Ama in mitbum thiamte, aisaan thiamte le aksi enthiamte sam tu in mihing pawlkhat oksan hi. Tua mihingte hong thet ciang, kumpipa in amate tungah, “Hi lai a sim thei, a khiakna hong son thei papo sia kumpi puantual sannum kisilh sak tu a, minphatna khamkhi a ngawng ah aw in kumpi ngam sungah a zalian a thumna in ka koi tu hi.” ci hi. 8Kumpipa thudok mipilte theng uh a, ahihang lai ki at sia a sim thei le kumpipa tungah a khiakna a son thei kuama om ngawl hi. 9Belshazzar Kumpipa sia a thin ngimna taw in a mai daang va-ial a, a uliante in a ci a law he ngawl hi.
10Kumpipa ii nu in kumpipa le a uliante ngamlum lialuana aw za a an neakna khan sungah tum hi. Ama in, “Kumpipa awng nungta tawntung tan! Hi bangin thin ngim le maidaang in om heak in. 11Na ngam sungah a thiangtho pathiante ii thaa a nei mihing khat om hi. Na pa kumpi ahi lai in, hi sia pa in, pathiante ii ciimna taw kibangin ciimna, heakna le ngaisut pilna nei hi. Taciang na pa, Nebuchadnezzar Kumpipa in ama sia aisaan thiamte, mitbum thiamte, mibum theite le aksi enthiamte ukpi tu in koi hi. 12Ama in ngualdang taw kibang ngawlin, hi theina nei a, ciim in, mang khiak thei pilna, thu dokna a haksa nanote zo theina le thuthukte sontel theina nei hi; tua ahikom kumpipa in Belteshazzar ci a, a min a phua pa Daniel sam in, tua hile ama in hite theampo ii khiakna hong son siat tu hi,” ci hi.
Daniel in A ki at Lai ii Khiakna Son
13Daniel sia thakhat in kumpipa kungah kipaipui a, kumpipa in Daniel tungah, “Judah ngam pan ka pa, kumpipa ii hong ciapui Judah salte sung pan Daniel na hi nam? 14A thiangtho pathiante ii thaa sia na sungah om a thiamna, heakna le ciimna na nei hunlam ka za hi. 15Hi lai at sim tu le a khiakna son tu in thudok mipilte le mitbum thiamte hong kipaipui napi amate in a khiakna he zo ngawl hi. 16Nangma in a khiakna kiphualsealte le thuthukte son thei hi, ci in tu in ka za zo hi. Hi lai ki at sia na sim thei a, a khiakna nong son thei le, kumpipa puantual san hong kisilh sak tu a, minphatna khamkhi na ngawng ah aw in, kumpi ngam sungah a zalian a thumna na hi tu hi.” ci hi.
17Daniel in, “Na letsongte nangma atu keam po in, ahibale ngualdang khat po pia in. Kumpipa awng, lai ki at sia kong sim tu a, a khiakna kong son tu hi.
18“A lianbel Pathian in na pa Nebuchadnezzar sia kumpi lian khat in koi a, zatakna le vaangletna pia hi. 19Ama sia lian mama ahikom ngam theampo, minam theampo, pau nam theampote in ama kiita in liing uh hi. Mihing khat papo a thatlum nuam le thatlum a, a nungta sak nuam le nungta sak hi. Ama in a upat nop papo upat a, a mai mawl sak nop papo maimawl sak hi. 20Ahizong ama sia kiphasak, thinpui, ngilo ahikom a kumpi tokhum pan kinot a, a minthanna taan hi. 21Ama sia mihing dinmun pan kihawlkeak a, nganhing ngaisutna hong nei hi. Ama ngam laate taw teangkhawm in, khuital bangin lopa ne a, daaitui dal tu nei ngawlin a pua sangah lum hi. A lianbel Pathian in mihingte ii kumpi ngam theampo uk a, ama ii dei papo tungah tua ngam uknate pia thei hi ci sia a khak belin ama in phawk hi.
22“Ahihang nangma, a tapa in, hi thu theampo he hi napi na kiniamkhiak bua hi. 23Vantung TOPA na langpan a, a Biakinn pan na laak haite kuangte nong paipui hi. Nangma, na uliante, na zite le na zinote in tua haite taw zu ne in, kham, ngun, taungo, thik, thing le suang taw a kivawt khua mu thei ngawl, khua za thei ngawl a, bangma a he ngawl pathiante na pok uh hi. Ahitazong na thi na nun tu hong khensat a, na sep na vawt theampo hong uk Pathian na upat bua uh hi. 24Tua hu in Pathian in hi kammalte at tu in tua khut sawl hi.
25“Tua a ki at kammal in hi bang ahi hi: ‘Sim, sim, khaitee, kikhen.’ (MENE, MENE, TEKEL, U-PARSIN) ahi hi. 26A khiakna in hi bang ahi hi: ‘Sim’ ii a khiakna in Pathian in na ngam uk hunte hong sim sak zo a, a hun bo zo hi; 27‘Khaitee’ ii a khiakna in nang sia toaitee na tungah hong kitee zo a, zaang lei in hong kimu hi. 28‘Kikhen’ ii a khiakna in na ngam kikhentham a Medes le Persia mite tungah kipia zo hi,” ci hi.
29Thakhat ma in Belshazzar in Daniel sia kumpi puantual sannum silh sak tu le minphatna khamkhi a ngawng ah aw sak tu in a naseamte thupia hi. Taciang ama in Daniel sia a ngam sungah zalian a thumna in koi hi. 30Tua zan mama in Babylon kumpipa Belshazzar sia kithatlum a, 31tua laitak kum sawmluk le kum nii a pha Medes mi Darius in kumpi za la hi.
Daniel 6
Tawpite khuk sungah Daniel
1Darius in a ngam sung theampo uk tu in ngam ukpi, za le kul koi tu in khensat hi. 2Tua ukpite a lampui tu le kumpipa deina bang a seam tu in Darius in Daniel le a dang mihing nii teal thua hi. 3Daniel sia ngam ukpi dangte le vaihawmpi dangte sangin nasep thiam pal zaw hi. Ama sia pil mama ahikom kumpipa in a ngambup uk tu in koi tu in ngaisun hi. 4Tasia ciang vaihawmpi dangte le ngam ukpi tengin Daniel ii ngam uk nasepna encik a, a khialna zon tu hanciam uh hi. Ahihang Daniel sia a thumaan le a ciitak khat ahikom amate in a khialna le a thumaan ngawlna mu zo ngawl uh hi. 5Amate khat le khat kikum uh a, “Daniel sia a biakna taw kisai mawsiat natu thu ih mu bale maw sakna tu thudang ih mu batu hi,” ci uh hi.
6Taciang amate kumpipa taw kimu tu in pai uh a, “Darius Kumpipa awng, nungta tawntung tan! 7Na ngam sungah naseam koma vaihawmpite, Thudokte, ngam ukpite, ngam ukpi zomte le a dang uliante theampo in kumpipa in ngat tak a zui tu thukham khat nong vawt tu in thukim zo khu hi. Tu zo ni sawmthum sung teng kumpipa nang kung sim ngawl, pathian kungah ahizong, mihing khat papo kungah ahizong thungen om thei ngawl tu hi, ci in khaam in. Hi thukham a paltan peuma tawpi a dim a kikhum khuk sungah kivawk tu hi. 8Tua ahiciang kumpipa awng, hi thukham lai hawm in a, a tungah na min thu in. Tua hile tua lai sia a kikheal thei ngawl Medes le Persian thukham suak tu hi,” ci uh hi. 9Tasia bangma in Darius Kumpipa in thukham tungah a min thu hi. 10Kumpipa thukham sia kumpipa in a min thu zo hi, ci thu Daniel in a heak ciang a inn ah cia hi. A inn dawltung a khaan khat sungah Jerusalem khuasang a maingat khelki te om hi. Tua munah, a vawt ngei sa tawntung bangma in, khelki kihong te ah khupdin in ni khat sung thumvei Pathian tungah thungen hi.
11Daniel ii a ngalte in Pathian tungah Daniel thunget a mu uh ciang, 12a vekpi in Daniel maw sak tu in kumpipa kungah pai uh hi. Amate in, “Kumpipa awng, tu zo ni sawmthum sung kumpipa kung simngawl, pathian kung ahizong, mihing khat papo kung ahizong thungen a om le tawpi a dim a, a kikhum khuk sungah kikhia tu hi ci in thukham sungah na min na thu zo hi,” ci uh hi.
Kumpipa in, “Hi hi, tua in, a kikheal thei ngawl a ngat Medes le Persiate thukham khat ahi hi,” ci in zo kik hi.
13Taciang amate in kumpipa tungah, “Judah salte khat ahi Daniel in kumpipa nangma hong zakta ngawlin, na sua sak thukham sia ni ngawl hi. Ama in ni khat sung thumvei peal ngawlin thungen hi,” ci uh hi.
14Kumpipa sia hi thu a zaak ciang a thin nuam ngawl a, Daniel a suatak thei natu lam zongin nitum dong khua ngaisun hi. 15Taciang tua mihingte kumpipa kungah pai kik a, ama tungah, “Kumpipa awng, nangma in Medes le Persiate upadi bangin kumpipa ii thu piak sa sia kikheal thei ngawl hi ci thu na he hi,” ci uh hi.
16Tasia ciang kumpipa in Daniel sia tawpi a dim a kikhum khuk sungah paipui in a khiak natu in thupia hi. Kumpipa in Daniel munah, “Maan tak a na biak na Pathian in nang hong suatak tahen,” ci hi. 17Kuama in Daniel a suatak sak thei ngawl natu in suangtum khat taw tawpi khuk vang khakin, kumpipa min thuna tazeik le uliante min thuna tazeik taw tua suangtum khen uh hi. 18Taciang kumpipa a inn ah cia kikin tua ni zan in mittang khat zongh si ngawl, an la ne ngawl, nopna vawt ngawlin om hi.
19Zingsang khuavak tuungin kumpipa tho in, tawpi khumna khuk ah pai hi. 20Tua mun a thet ciang, “A nungta Pathian ii naseam Daniel awng, thumaan tak a, na biak na Pathian in tawpi kam sung pan hong hun thei ziam?” ci in patauna taw biakpui hi.
21Daniel in, “Kumpipa awng, nungta tawntung tan! 22Tawpite in kei hong liamsua ngawl natu in Pathian in tawpi kamte a humcip tu in a vantung lalang sawl hi. Kumpipa awng mawna ka nei ngawl hunlam le nang tungah kong khial ngawl hunlam Pathian in he a hikom hi bangin vawt hi,” ci in zo hi.
23Kumpipa lungdam leilam a, tawpite khumna khuk sung pan Daniel a ki kaito natu in thupia hi. Tabangin Daniel kaito uh a, liamna a nei vet ngawl hunlam mu uh hi, banghangziam cile ama in Pathian muang hi. 24Tua zawkciang kumpipa in Daniel a maw sak mihingte theampo man tu in thupia a, a zite le a tate taw tawpi taw kidim khuk sungah khia sak hi. Khuk taw a thet maa ngangawn in, tawpi te in amate mat khat sua in a ngu a taang theampo duangleam hi.
25Taciang Darius Kumpipa in leitung a om minam theampote, minam tatuamte le pau nam tatuamte tungah laithak a,
“Kong nukset hi! 26Ka ngam sung a om mihingte theampo in Daniel ii Pathian a kiitak natu le a zatak natu in thu ka pia hi.
“Ama in a nungta Pathian hi a,
a tawntungin uk tu hi.
A ngam kisia ngei ngawl tu a,
a vaangletna bo ngei ngawl tu hi.
27 Ama in ngum in suatak a,
vantung le leitung ah
a lamdang le na lamdangte vawt hi.
Ama in Daniel sia
tawpite kamsung pan suatak hi,” ci hi.
28Daniel sia Darius ii maan hun sung le Persia mi Cyrus ii maan hun sungin nuamsa hi.
a. 50
b. 170
c. 1000
2. Belshazzar in biakna haite zudanna azak laitak bangthu piang ziam?
a. Meikuang khat pai
b. Huisuangval pai
c. Khut khat in pangtu lai-at
3. Khut khat ii laiat akhiakna ason thei sia ngamuk lian ___ tu hi.
a. ngam ii phalba lang pia
b. a thumna zaa ngaa
c. kumhpi lukhu
4. Daniel kungah thudongh tu in Belshazzar asawl sia kua ziam?
a. Belshazzar ii nu
b. Ngalkap maangpa
c. Kumpipa suapuipa
5. Khut khat ii lai-at sia bang ziam?
a. Shabab Shalom
b. Adonai hutov
c. Mene, Mene, Tekel, U-parsin
6. Darius sia kumh bangza aphak in kumhpi suak ziam?
a. 18
b. 35
c. 62
7. Babylon ngam ukpite alampui tu mi bangza pha ziam?
a. 6
b. 3
c. 7
8. Daniel tungah bang ___te sim ngawl mawsiat tu he ngawl uh hi.
a. biakna taw kisai
b. vaihawmna
c. thukikupna
9. Daniel sia bang ahihang in matthuak ziam?
a. A pilhang
b. A hanciam hang
c. Thunget hang
10. Daniel in nikhat ___ vei thungen hi.
a. 1
b. 5
c. 3
11. Medes le Persiate thukham sia ___ hi.
a. mi theampo zui tu
b. kikheal thei ngawl
c. kumpi naseamte atu
12. Daniel tawpi khuksung akikhiat tu thu kumpipa ___ hi.
a. lungkim ngawl hi.
b. vaihawm
c. lungdam hi.
Daniel 5
Belshazzar ii Anneak Poai
1Zan khat Belshazzar Kumpipa in anneak paoipi khat vawt a, uliante tulkhat samin zu nekhawm uh hi. 2Zu a neak laitakin a pa Nebuchadnezzar ii Jerusalem Biakinn pan a laak kham hai, ngun haite le kuangte sungtan pui tu in thupia hi. Kumpipa in ama le a uliante, a zite le a zinote taw zu a neak thei natu in tua haite la in a sawl ahi hi. 3Thakhat thu in khamhaite le kuangte kitumpui a, a vekpi in tuate taw zu ne in 4kham, ngun, taungo, thik, thing le suang taw a kivawt pathiante pok uh hi.5Thakhat thu in mihing khut khat kilangh a kumpi innsung mei-innte kung pan mei a taang belna pang tungah lai at hi. Kumpipa in lai a at tua khut mu hi. 6Kumpipa lau mama in, a mai daang a, a khup liing tu kipan hi. 7Ama in mitbum thiamte, aisaan thiamte le aksi enthiamte sam tu in mihing pawlkhat oksan hi. Tua mihingte hong thet ciang, kumpipa in amate tungah, “Hi lai a sim thei, a khiakna hong son thei papo sia kumpi puantual sannum kisilh sak tu a, minphatna khamkhi a ngawng ah aw in kumpi ngam sungah a zalian a thumna in ka koi tu hi.” ci hi. 8Kumpipa thudok mipilte theng uh a, ahihang lai ki at sia a sim thei le kumpipa tungah a khiakna a son thei kuama om ngawl hi. 9Belshazzar Kumpipa sia a thin ngimna taw in a mai daang va-ial a, a uliante in a ci a law he ngawl hi.
10Kumpipa ii nu in kumpipa le a uliante ngamlum lialuana aw za a an neakna khan sungah tum hi. Ama in, “Kumpipa awng nungta tawntung tan! Hi bangin thin ngim le maidaang in om heak in. 11Na ngam sungah a thiangtho pathiante ii thaa a nei mihing khat om hi. Na pa kumpi ahi lai in, hi sia pa in, pathiante ii ciimna taw kibangin ciimna, heakna le ngaisut pilna nei hi. Taciang na pa, Nebuchadnezzar Kumpipa in ama sia aisaan thiamte, mitbum thiamte, mibum theite le aksi enthiamte ukpi tu in koi hi. 12Ama in ngualdang taw kibang ngawlin, hi theina nei a, ciim in, mang khiak thei pilna, thu dokna a haksa nanote zo theina le thuthukte sontel theina nei hi; tua ahikom kumpipa in Belteshazzar ci a, a min a phua pa Daniel sam in, tua hile ama in hite theampo ii khiakna hong son siat tu hi,” ci hi.
Daniel in A ki at Lai ii Khiakna Son
13Daniel sia thakhat in kumpipa kungah kipaipui a, kumpipa in Daniel tungah, “Judah ngam pan ka pa, kumpipa ii hong ciapui Judah salte sung pan Daniel na hi nam? 14A thiangtho pathiante ii thaa sia na sungah om a thiamna, heakna le ciimna na nei hunlam ka za hi. 15Hi lai at sim tu le a khiakna son tu in thudok mipilte le mitbum thiamte hong kipaipui napi amate in a khiakna he zo ngawl hi. 16Nangma in a khiakna kiphualsealte le thuthukte son thei hi, ci in tu in ka za zo hi. Hi lai ki at sia na sim thei a, a khiakna nong son thei le, kumpipa puantual san hong kisilh sak tu a, minphatna khamkhi na ngawng ah aw in, kumpi ngam sungah a zalian a thumna na hi tu hi.” ci hi.
17Daniel in, “Na letsongte nangma atu keam po in, ahibale ngualdang khat po pia in. Kumpipa awng, lai ki at sia kong sim tu a, a khiakna kong son tu hi.
18“A lianbel Pathian in na pa Nebuchadnezzar sia kumpi lian khat in koi a, zatakna le vaangletna pia hi. 19Ama sia lian mama ahikom ngam theampo, minam theampo, pau nam theampote in ama kiita in liing uh hi. Mihing khat papo a thatlum nuam le thatlum a, a nungta sak nuam le nungta sak hi. Ama in a upat nop papo upat a, a mai mawl sak nop papo maimawl sak hi. 20Ahizong ama sia kiphasak, thinpui, ngilo ahikom a kumpi tokhum pan kinot a, a minthanna taan hi. 21Ama sia mihing dinmun pan kihawlkeak a, nganhing ngaisutna hong nei hi. Ama ngam laate taw teangkhawm in, khuital bangin lopa ne a, daaitui dal tu nei ngawlin a pua sangah lum hi. A lianbel Pathian in mihingte ii kumpi ngam theampo uk a, ama ii dei papo tungah tua ngam uknate pia thei hi ci sia a khak belin ama in phawk hi.
22“Ahihang nangma, a tapa in, hi thu theampo he hi napi na kiniamkhiak bua hi. 23Vantung TOPA na langpan a, a Biakinn pan na laak haite kuangte nong paipui hi. Nangma, na uliante, na zite le na zinote in tua haite taw zu ne in, kham, ngun, taungo, thik, thing le suang taw a kivawt khua mu thei ngawl, khua za thei ngawl a, bangma a he ngawl pathiante na pok uh hi. Ahitazong na thi na nun tu hong khensat a, na sep na vawt theampo hong uk Pathian na upat bua uh hi. 24Tua hu in Pathian in hi kammalte at tu in tua khut sawl hi.
25“Tua a ki at kammal in hi bang ahi hi: ‘Sim, sim, khaitee, kikhen.’ (MENE, MENE, TEKEL, U-PARSIN) ahi hi. 26A khiakna in hi bang ahi hi: ‘Sim’ ii a khiakna in Pathian in na ngam uk hunte hong sim sak zo a, a hun bo zo hi; 27‘Khaitee’ ii a khiakna in nang sia toaitee na tungah hong kitee zo a, zaang lei in hong kimu hi. 28‘Kikhen’ ii a khiakna in na ngam kikhentham a Medes le Persia mite tungah kipia zo hi,” ci hi.
29Thakhat ma in Belshazzar in Daniel sia kumpi puantual sannum silh sak tu le minphatna khamkhi a ngawng ah aw sak tu in a naseamte thupia hi. Taciang ama in Daniel sia a ngam sungah zalian a thumna in koi hi. 30Tua zan mama in Babylon kumpipa Belshazzar sia kithatlum a, 31tua laitak kum sawmluk le kum nii a pha Medes mi Darius in kumpi za la hi.
Daniel 6
Tawpite khuk sungah Daniel
1Darius in a ngam sung theampo uk tu in ngam ukpi, za le kul koi tu in khensat hi. 2Tua ukpite a lampui tu le kumpipa deina bang a seam tu in Darius in Daniel le a dang mihing nii teal thua hi. 3Daniel sia ngam ukpi dangte le vaihawmpi dangte sangin nasep thiam pal zaw hi. Ama sia pil mama ahikom kumpipa in a ngambup uk tu in koi tu in ngaisun hi. 4Tasia ciang vaihawmpi dangte le ngam ukpi tengin Daniel ii ngam uk nasepna encik a, a khialna zon tu hanciam uh hi. Ahihang Daniel sia a thumaan le a ciitak khat ahikom amate in a khialna le a thumaan ngawlna mu zo ngawl uh hi. 5Amate khat le khat kikum uh a, “Daniel sia a biakna taw kisai mawsiat natu thu ih mu bale maw sakna tu thudang ih mu batu hi,” ci uh hi.
6Taciang amate kumpipa taw kimu tu in pai uh a, “Darius Kumpipa awng, nungta tawntung tan! 7Na ngam sungah naseam koma vaihawmpite, Thudokte, ngam ukpite, ngam ukpi zomte le a dang uliante theampo in kumpipa in ngat tak a zui tu thukham khat nong vawt tu in thukim zo khu hi. Tu zo ni sawmthum sung teng kumpipa nang kung sim ngawl, pathian kungah ahizong, mihing khat papo kungah ahizong thungen om thei ngawl tu hi, ci in khaam in. Hi thukham a paltan peuma tawpi a dim a kikhum khuk sungah kivawk tu hi. 8Tua ahiciang kumpipa awng, hi thukham lai hawm in a, a tungah na min thu in. Tua hile tua lai sia a kikheal thei ngawl Medes le Persian thukham suak tu hi,” ci uh hi. 9Tasia bangma in Darius Kumpipa in thukham tungah a min thu hi. 10Kumpipa thukham sia kumpipa in a min thu zo hi, ci thu Daniel in a heak ciang a inn ah cia hi. A inn dawltung a khaan khat sungah Jerusalem khuasang a maingat khelki te om hi. Tua munah, a vawt ngei sa tawntung bangma in, khelki kihong te ah khupdin in ni khat sung thumvei Pathian tungah thungen hi.
11Daniel ii a ngalte in Pathian tungah Daniel thunget a mu uh ciang, 12a vekpi in Daniel maw sak tu in kumpipa kungah pai uh hi. Amate in, “Kumpipa awng, tu zo ni sawmthum sung kumpipa kung simngawl, pathian kung ahizong, mihing khat papo kung ahizong thungen a om le tawpi a dim a, a kikhum khuk sungah kikhia tu hi ci in thukham sungah na min na thu zo hi,” ci uh hi.
Kumpipa in, “Hi hi, tua in, a kikheal thei ngawl a ngat Medes le Persiate thukham khat ahi hi,” ci in zo kik hi.
13Taciang amate in kumpipa tungah, “Judah salte khat ahi Daniel in kumpipa nangma hong zakta ngawlin, na sua sak thukham sia ni ngawl hi. Ama in ni khat sung thumvei peal ngawlin thungen hi,” ci uh hi.
14Kumpipa sia hi thu a zaak ciang a thin nuam ngawl a, Daniel a suatak thei natu lam zongin nitum dong khua ngaisun hi. 15Taciang tua mihingte kumpipa kungah pai kik a, ama tungah, “Kumpipa awng, nangma in Medes le Persiate upadi bangin kumpipa ii thu piak sa sia kikheal thei ngawl hi ci thu na he hi,” ci uh hi.
16Tasia ciang kumpipa in Daniel sia tawpi a dim a kikhum khuk sungah paipui in a khiak natu in thupia hi. Kumpipa in Daniel munah, “Maan tak a na biak na Pathian in nang hong suatak tahen,” ci hi. 17Kuama in Daniel a suatak sak thei ngawl natu in suangtum khat taw tawpi khuk vang khakin, kumpipa min thuna tazeik le uliante min thuna tazeik taw tua suangtum khen uh hi. 18Taciang kumpipa a inn ah cia kikin tua ni zan in mittang khat zongh si ngawl, an la ne ngawl, nopna vawt ngawlin om hi.
19Zingsang khuavak tuungin kumpipa tho in, tawpi khumna khuk ah pai hi. 20Tua mun a thet ciang, “A nungta Pathian ii naseam Daniel awng, thumaan tak a, na biak na Pathian in tawpi kam sung pan hong hun thei ziam?” ci in patauna taw biakpui hi.
21Daniel in, “Kumpipa awng, nungta tawntung tan! 22Tawpite in kei hong liamsua ngawl natu in Pathian in tawpi kamte a humcip tu in a vantung lalang sawl hi. Kumpipa awng mawna ka nei ngawl hunlam le nang tungah kong khial ngawl hunlam Pathian in he a hikom hi bangin vawt hi,” ci in zo hi.
23Kumpipa lungdam leilam a, tawpite khumna khuk sung pan Daniel a ki kaito natu in thupia hi. Tabangin Daniel kaito uh a, liamna a nei vet ngawl hunlam mu uh hi, banghangziam cile ama in Pathian muang hi. 24Tua zawkciang kumpipa in Daniel a maw sak mihingte theampo man tu in thupia a, a zite le a tate taw tawpi taw kidim khuk sungah khia sak hi. Khuk taw a thet maa ngangawn in, tawpi te in amate mat khat sua in a ngu a taang theampo duangleam hi.
25Taciang Darius Kumpipa in leitung a om minam theampote, minam tatuamte le pau nam tatuamte tungah laithak a,
“Kong nukset hi! 26Ka ngam sung a om mihingte theampo in Daniel ii Pathian a kiitak natu le a zatak natu in thu ka pia hi.
“Ama in a nungta Pathian hi a,
a tawntungin uk tu hi.
A ngam kisia ngei ngawl tu a,
a vaangletna bo ngei ngawl tu hi.
27 Ama in ngum in suatak a,
vantung le leitung ah
a lamdang le na lamdangte vawt hi.
Ama in Daniel sia
tawpite kamsung pan suatak hi,” ci hi.
28Daniel sia Darius ii maan hun sung le Persia mi Cyrus ii maan hun sungin nuamsa hi.
0 comments:
Post a Comment