1. TOPA ahihun lam aheak natu uh in, angamtat siatte ___ hi.
a. pua vawk uh
b. daan pia
c. nusia nuam ngawl
2. Molngol ngamtatna pung va-ial in ___ hong theng tu hi.
a. huisuangval
b. tuasiatna
c. tualthana
3. ___ sia khiakna a nei nawn ngawl tu ni hong nai hi.
a. Ngal kinginna
b. Sumlei sumzuak
c. Thukikupnate
4. Ngalsim natu lemle kitum ahihang ___ ngawl tu hi.
a. lau
b. kuama kuan
c. ahuu tu mi kaikhawm
5. TOPA thinuk ciang ___in hun zo ngawl hi.
a. mihingte
b. kham le ngun
c. kumhpi thahatna
6. Biakinn mindai sak, kiphul in, anit sak ciang amate nasepna ___ hi.
a. ki awi ngawl
b. ka nawngkai sak batu
c. nuamsa uh
7. Saltang lampuite Ezekiel kung ahaw laitak ama Ezekiel bang tat ziam?
a. Cithak vei
b. PATHIAN Vaang tu suk
c. Kap ek
8. PATHIAN vaang in Ezekiel koisung paipui ziam?
a. Jericho
b. Jerusalem
c. Samaria
9. Israel lampuite in bang hi uh ziam?
a. PATHIAN
b. Milim bia
c. Ni, tha , aksi
10. Israel lampui bangza pha ziam?
a. 120
b. 70
c. 89
11. Tammuz doai athi hu in akua kap ziam?
a. Mihingte
b. Numei khat
c. Lampuite
12. Pasal 25 in nisuana sang maingat in bang bia uh ziam?
a. Ashurah milim
b. Nisua
c. Baal milim
Ezekiel 7
Israel Bokuan
1TOPA in kei hong paupui hi. 2Ama in “A thi thei mihing awng, hisia in Vaanglianpipa TOPA Keima ii israel ngam tungah ka son ahi hi. Hi sia in ngambuppi atu in a tawpna ahi hi!
3Israel awng, a tawpna hun hong theng zo hi. Nang in ka thin uukna na phawk tu hi, banghangziam cile na sep na vawt tungtaang ah thukhenna hong pia khi hi. A thasiat huai na ngamtatna theampo hong thuh kik tu khi hi. 4Nang hong khoaikhe ngawl tu khi hi, tua ahibale nang tungah hesuakna hong nei ngawl tu khi hi. Keima sia TOPA ka hi hunlam na heak natu in a thasiat huai na ngamtatna te hu in, daan kong pia tu hi,” hong ci hi.
5Hisia in Vaanglianpipa TOPA ii kammal hi: "Na tungah tuasiatna khat zawkciang khat hong tung tu hi. 6A vekpi kiman zo hi. Hisia a tawpna ahi hi. Nang sia a man hi zo ni hi. 7Ngam sungah a teang no mihingte atu in a tawpna hong theng hi. Mualpite tung biakpiakna munte ah poai kikhaam nawn ngawlin buaina bek a om tu hun hong nai zo hi.
8“Hai ngawlin ka thin uukna ii thahatna na phawk tu hi. Na sepna tungah thu kong khen a, a thasiat huai na ngamtat nate kong thuh kik tu hi. 9Nang kong khoaikhe batu a, kong hesuak batu hi. Keima sia TOPA ka hi hunlam le nangma ngim hong pia sia keima ka hi hunlam na heak natu in, a thasiat huai na ngamtatna te hu in ngim kong pia tu hi,” a ci hi.
10Tuasiatna ni hong theng tu hi. Molngol ngamtatna pung va-ial hi. Ki phatsakna sia a saangbel mun theng hi. 11Molngol ngamtatna in khansiat ngitlona tam piang sak va-ial hi. Amate neisa a hauna a phatna ahibale a minthannate bangma a kikhe nawn batu hi.
12A hun hong theng hi. Sumlei sumzuak sia khiakna a nei nawn ngawl tu ni hong nai hi, banghangziam cile Pathian ii ngim piakna sia a kuama theampo tungah a kibangin tung tu hi. 13Sumvawt a kuama po in, a sup sa teng a nga kik dong a nungta batu hi, banghangziam cile Pathian thin uukna sia a kuama theampo tungah theng hi. A khansiate luhai thei ngawl tu hi. 14Lemle kitum a mihing simin kithoai khol hi; ahihang kuama ngalsim tu in kuan ngawl hi, banghangziam cile Pathian ii thin uukna sia a kibangin mihing sim tungah tung tu hi.
Israel ii Khialna hangin Daan piakna
15Lampi liante ah ngal kisimna om a, ngilkialna le natna om hi. Ngam pua sangah a om khat papo sia ngal kisimna ah thi tu a, khuapi sung a om khat papo sia natna le ngilkialna taw thi tu hi. 16Kimkhatte sia ngamkuam pan a lau vakhute bangin mual tungah suakta to tu hi. A mawna uh hu in amate theampo mau tu uh hi. 17A kuama po ii khutte sia thazawm tu a a khupte huang tu hi. 18Amate in khau-ip puan silhin liing ngawp tu uh hi. A lute uh kimeet tol tu a, kimaizum sak tu hi.
19Amate in a kham le a ngunte uh sia lampi ah nin vawk bangin vawk tu uh hi, banghangziam cile TOPA ii thin uuk ciangin, kham le ngun in amate hun zo ngawl hi. Kham le ngun in amate deina lungkim sak thei ngawl a, a ngil uh va sak thei ngawl hi. Kham le ngun in amate sia mawna sung zotpui hi. 20Khatvei lai in amate in a pha mama a khi a hakte ki phatsakpui hi kale tu in amate in tuate sia a kiihuai milimte vawtna in zangh uh hi. Tua hu in TOPA in amate haunate huatsa sak hi.
21TOPA in, “Ngamdang mite in amate ka suam sak tu a, thukham paltante in amate hauna theampo la in, a nin sak tu uh hi. 22Ka sumngum kholna Biakinnpi mindai sakin, phalakte in phuulin, a nit sak ciangin amate nasepna ka nawngkai sak batu hi.
23Na theampo buai a, ngamsung sia tualthana taw kidim a, khuapite sia molngol ngamtatna taw kidim hi. 24A khan sia bel minamte hi munah kong paipui tu a, na innte uh ka tang sak tu hi. Na biakpiakna munte minamdangte in a nit sak ciang, na mi a thahat belte in a kimanna uh bosua tu uh hi.
25Thin kiamna hong theng tu hi. Thin nopna na zong tu uh hi; ahihang na mu ngei batu uh hi. 26Tuasiatna khat zawkciang khat hong kizui tu a, thusia sia tui bangin na kungah luang tu hi. Bangteng mu khol ziam ci in hong son tu in kamsangte tungah na dongh tu uh hi. Thiampite in ngam mite a hil tu bangma nei ngawl tu uh a, taciang upate in ngaisut pha a piak tu nei ngawl tu uh hi.
27Kumpipa khuangai in mau tu a, kumpipa tapa lametna taan in, taciang mihonpite lau in, liing tu uh hi. Na sep sa na vawt sa te theampo hu in, nang ngim kong pia tu a, ngual tungah thu na khen bangin, na tungah thu kong khen tu hi. Hisia in, Keima sia TOPA ka hina nang hong lak tu hi,” ci hi.
Ezekiel 8
Jerusalem ah Milim Biakna
1Sal tan zawk zawk a kum luk, tha luk tha, a ni nga ni in, Judah mi saltangte lampuite ka inn sungah kei taw hong tokhawm uh hi. Thakhat thu in Vaanglianpipa TOPA thahatna ka tungah hong theng hi. 2Ka etto ciang mihing bang tatak meikuang bang khat mang mu in ka mu hi. A kawng nuai sia teng sia meikuang taw kibang a, a kawng tungsia teng sia taungo nawt thiang bangin tee hi. 3Ama in khut taw a kibang khat hong vaanin ka sam panin hong zam hi. Tua zawkciang hi mang muna sungah Pathian ii thaa in vui sung a saangna ah kei hong khaito a Jerusalem ah hong paipui hi. Ama in biakinnpi ii kongpi saksang tumna sung nungah hong paipui a, tua mun ah Pathian a thin uuk sak milim khat om hi.
4Tua munah Cheber Ngunhui ah ka omlai a ka mu, Israelte ii Pathian omna mun hi ci in a lak a teekeak khuavak sia ka mu hi. 5Pathian in kei tungah “A thi thei mihing awng, saksang en in,” hong ci hi. Ka et ciang, biaktau kongpi tumna hui ah a om biaktau kungah Pathian a thin uuk sak milim khat ka mu hi.
6Pathian in kei tungah hong ci hi, “A thi thei mihing awng, a piang nate na mu ziam? Israel mite ii hi sungah a vawt a kiihuai ngamtatna na mu ziam? Ka mun thiangtho pan a khuala va-ial na ah, hong not keak Israel mite ii hi sungah a sep a kiihuai nate en in. Hi sangin a maizum huai zaw nate na mu tu hi”.
7Ama in leitual puasang tumna ah hong paipui a, panghawng khat hong lak hi. 8Ama in, “A thi thei mihing awng, pang sia hi sung mun sulet in,” hong ci hi. Pang ka sulet a kongkha khat ka mu hi. 9Ama in, “Tum in amate ii tua munah a sia le a kiihuai na a septe en in,” ci in hong sawl hi. 10Tua ahikom tumin ka et ciang, pang tungah ngul limte le a dang a thiangtho ngawl nganhing limte le Israel mite ii a biak a dang limte a kisuai ka mu hi.
11Israel mite lampui mihing sawmsalite tua munah a om uh hi. Tuate ii sungah Saphan ii tapa Jazaniah zongh kihel hi. Amate khat simin ngimnamtui halna khat tek toai in, ngimnamtui a hal sia pan meikhu zaamto hi. 12Pathian in hong dongh hi,, “A thi thei mihing awng, Israel lampuite ii a sepkute na mu ziam? Amate a vekpi in lim taw a kidim khan sungah biak piakna vawt uh hi. Amate kam zonna sia TOPA in hong mu ngawl hi! Ama in hi ngam taisan zo hi! ci uh hi”
13Tua zawkciang, TOPA in ka tungah, “Tuate sangin a kiihuai zaw lai a vawtte na mu tu hi,” hong ci hi. 14Tua ahikom ama in saksang Biakinnpi kong ah hong paipui a, Tammuz doai a thi hu in a kap numeite hong lak hi.
15Ama in, “A thi thei mihing awng, tasia na mu ziam? Tasia sang a kiihuai zaw lai nate mu tu ni hi,” hong ci hi. 16Tua ahikom ama in Biakinnpi leitual sungnung ah hong paipui hi. Tua biak mun thiangtho na tumna nai biaktau le kongkha kilaklaw ah pasal kul le nga khawng a om hi. Amate in biakmun thiangtho sia nungngat in, nisuana sang nga in kunsuk a, nisuak sia bia uh hi.
17TOPA in kei tungah, “A thi thei mihing awng, tu a sia na mu ziam? Hi Judah mihingte in hi sunga na mu a kiihuai a vawtte theampo le ngamsung theampo a, a kizel molngol ngamtat nate taw a lung a kim bua uh hi. Tuateng bek dom ngawlin ka thin uuk seseam natu in, amate hi Biakinnpi sungah hong pai in tuate hong seam uh hi. En in amate thuak zawk ngawl tu za dongin, kei hong selno hi! 18Amate in ka thin uukna theampo thuak tu hi. Amate ka khoaikhe batu a, ka hesuak batu hi. Amate in a nging thei zaza in ka tungah thu hong ngen tu uh hi. Ahihang amate aw ka ngai batu hi,” hong ci hi.
a. pua vawk uh
b. daan pia
c. nusia nuam ngawl
2. Molngol ngamtatna pung va-ial in ___ hong theng tu hi.
a. huisuangval
b. tuasiatna
c. tualthana
3. ___ sia khiakna a nei nawn ngawl tu ni hong nai hi.
a. Ngal kinginna
b. Sumlei sumzuak
c. Thukikupnate
4. Ngalsim natu lemle kitum ahihang ___ ngawl tu hi.
a. lau
b. kuama kuan
c. ahuu tu mi kaikhawm
5. TOPA thinuk ciang ___in hun zo ngawl hi.
a. mihingte
b. kham le ngun
c. kumhpi thahatna
6. Biakinn mindai sak, kiphul in, anit sak ciang amate nasepna ___ hi.
a. ki awi ngawl
b. ka nawngkai sak batu
c. nuamsa uh
7. Saltang lampuite Ezekiel kung ahaw laitak ama Ezekiel bang tat ziam?
a. Cithak vei
b. PATHIAN Vaang tu suk
c. Kap ek
8. PATHIAN vaang in Ezekiel koisung paipui ziam?
a. Jericho
b. Jerusalem
c. Samaria
9. Israel lampuite in bang hi uh ziam?
a. PATHIAN
b. Milim bia
c. Ni, tha , aksi
10. Israel lampui bangza pha ziam?
a. 120
b. 70
c. 89
11. Tammuz doai athi hu in akua kap ziam?
a. Mihingte
b. Numei khat
c. Lampuite
12. Pasal 25 in nisuana sang maingat in bang bia uh ziam?
a. Ashurah milim
b. Nisua
c. Baal milim
Ezekiel 7
Israel Bokuan
1TOPA in kei hong paupui hi. 2Ama in “A thi thei mihing awng, hisia in Vaanglianpipa TOPA Keima ii israel ngam tungah ka son ahi hi. Hi sia in ngambuppi atu in a tawpna ahi hi!
3Israel awng, a tawpna hun hong theng zo hi. Nang in ka thin uukna na phawk tu hi, banghangziam cile na sep na vawt tungtaang ah thukhenna hong pia khi hi. A thasiat huai na ngamtatna theampo hong thuh kik tu khi hi. 4Nang hong khoaikhe ngawl tu khi hi, tua ahibale nang tungah hesuakna hong nei ngawl tu khi hi. Keima sia TOPA ka hi hunlam na heak natu in a thasiat huai na ngamtatna te hu in, daan kong pia tu hi,” hong ci hi.
5Hisia in Vaanglianpipa TOPA ii kammal hi: "Na tungah tuasiatna khat zawkciang khat hong tung tu hi. 6A vekpi kiman zo hi. Hisia a tawpna ahi hi. Nang sia a man hi zo ni hi. 7Ngam sungah a teang no mihingte atu in a tawpna hong theng hi. Mualpite tung biakpiakna munte ah poai kikhaam nawn ngawlin buaina bek a om tu hun hong nai zo hi.
8“Hai ngawlin ka thin uukna ii thahatna na phawk tu hi. Na sepna tungah thu kong khen a, a thasiat huai na ngamtat nate kong thuh kik tu hi. 9Nang kong khoaikhe batu a, kong hesuak batu hi. Keima sia TOPA ka hi hunlam le nangma ngim hong pia sia keima ka hi hunlam na heak natu in, a thasiat huai na ngamtatna te hu in ngim kong pia tu hi,” a ci hi.
10Tuasiatna ni hong theng tu hi. Molngol ngamtatna pung va-ial hi. Ki phatsakna sia a saangbel mun theng hi. 11Molngol ngamtatna in khansiat ngitlona tam piang sak va-ial hi. Amate neisa a hauna a phatna ahibale a minthannate bangma a kikhe nawn batu hi.
12A hun hong theng hi. Sumlei sumzuak sia khiakna a nei nawn ngawl tu ni hong nai hi, banghangziam cile Pathian ii ngim piakna sia a kuama theampo tungah a kibangin tung tu hi. 13Sumvawt a kuama po in, a sup sa teng a nga kik dong a nungta batu hi, banghangziam cile Pathian thin uukna sia a kuama theampo tungah theng hi. A khansiate luhai thei ngawl tu hi. 14Lemle kitum a mihing simin kithoai khol hi; ahihang kuama ngalsim tu in kuan ngawl hi, banghangziam cile Pathian ii thin uukna sia a kibangin mihing sim tungah tung tu hi.
Israel ii Khialna hangin Daan piakna
15Lampi liante ah ngal kisimna om a, ngilkialna le natna om hi. Ngam pua sangah a om khat papo sia ngal kisimna ah thi tu a, khuapi sung a om khat papo sia natna le ngilkialna taw thi tu hi. 16Kimkhatte sia ngamkuam pan a lau vakhute bangin mual tungah suakta to tu hi. A mawna uh hu in amate theampo mau tu uh hi. 17A kuama po ii khutte sia thazawm tu a a khupte huang tu hi. 18Amate in khau-ip puan silhin liing ngawp tu uh hi. A lute uh kimeet tol tu a, kimaizum sak tu hi.
19Amate in a kham le a ngunte uh sia lampi ah nin vawk bangin vawk tu uh hi, banghangziam cile TOPA ii thin uuk ciangin, kham le ngun in amate hun zo ngawl hi. Kham le ngun in amate deina lungkim sak thei ngawl a, a ngil uh va sak thei ngawl hi. Kham le ngun in amate sia mawna sung zotpui hi. 20Khatvei lai in amate in a pha mama a khi a hakte ki phatsakpui hi kale tu in amate in tuate sia a kiihuai milimte vawtna in zangh uh hi. Tua hu in TOPA in amate haunate huatsa sak hi.
21TOPA in, “Ngamdang mite in amate ka suam sak tu a, thukham paltante in amate hauna theampo la in, a nin sak tu uh hi. 22Ka sumngum kholna Biakinnpi mindai sakin, phalakte in phuulin, a nit sak ciangin amate nasepna ka nawngkai sak batu hi.
23Na theampo buai a, ngamsung sia tualthana taw kidim a, khuapite sia molngol ngamtatna taw kidim hi. 24A khan sia bel minamte hi munah kong paipui tu a, na innte uh ka tang sak tu hi. Na biakpiakna munte minamdangte in a nit sak ciang, na mi a thahat belte in a kimanna uh bosua tu uh hi.
25Thin kiamna hong theng tu hi. Thin nopna na zong tu uh hi; ahihang na mu ngei batu uh hi. 26Tuasiatna khat zawkciang khat hong kizui tu a, thusia sia tui bangin na kungah luang tu hi. Bangteng mu khol ziam ci in hong son tu in kamsangte tungah na dongh tu uh hi. Thiampite in ngam mite a hil tu bangma nei ngawl tu uh a, taciang upate in ngaisut pha a piak tu nei ngawl tu uh hi.
27Kumpipa khuangai in mau tu a, kumpipa tapa lametna taan in, taciang mihonpite lau in, liing tu uh hi. Na sep sa na vawt sa te theampo hu in, nang ngim kong pia tu a, ngual tungah thu na khen bangin, na tungah thu kong khen tu hi. Hisia in, Keima sia TOPA ka hina nang hong lak tu hi,” ci hi.
Ezekiel 8
Jerusalem ah Milim Biakna
1Sal tan zawk zawk a kum luk, tha luk tha, a ni nga ni in, Judah mi saltangte lampuite ka inn sungah kei taw hong tokhawm uh hi. Thakhat thu in Vaanglianpipa TOPA thahatna ka tungah hong theng hi. 2Ka etto ciang mihing bang tatak meikuang bang khat mang mu in ka mu hi. A kawng nuai sia teng sia meikuang taw kibang a, a kawng tungsia teng sia taungo nawt thiang bangin tee hi. 3Ama in khut taw a kibang khat hong vaanin ka sam panin hong zam hi. Tua zawkciang hi mang muna sungah Pathian ii thaa in vui sung a saangna ah kei hong khaito a Jerusalem ah hong paipui hi. Ama in biakinnpi ii kongpi saksang tumna sung nungah hong paipui a, tua mun ah Pathian a thin uuk sak milim khat om hi.
4Tua munah Cheber Ngunhui ah ka omlai a ka mu, Israelte ii Pathian omna mun hi ci in a lak a teekeak khuavak sia ka mu hi. 5Pathian in kei tungah “A thi thei mihing awng, saksang en in,” hong ci hi. Ka et ciang, biaktau kongpi tumna hui ah a om biaktau kungah Pathian a thin uuk sak milim khat ka mu hi.
6Pathian in kei tungah hong ci hi, “A thi thei mihing awng, a piang nate na mu ziam? Israel mite ii hi sungah a vawt a kiihuai ngamtatna na mu ziam? Ka mun thiangtho pan a khuala va-ial na ah, hong not keak Israel mite ii hi sungah a sep a kiihuai nate en in. Hi sangin a maizum huai zaw nate na mu tu hi”.
7Ama in leitual puasang tumna ah hong paipui a, panghawng khat hong lak hi. 8Ama in, “A thi thei mihing awng, pang sia hi sung mun sulet in,” hong ci hi. Pang ka sulet a kongkha khat ka mu hi. 9Ama in, “Tum in amate ii tua munah a sia le a kiihuai na a septe en in,” ci in hong sawl hi. 10Tua ahikom tumin ka et ciang, pang tungah ngul limte le a dang a thiangtho ngawl nganhing limte le Israel mite ii a biak a dang limte a kisuai ka mu hi.
11Israel mite lampui mihing sawmsalite tua munah a om uh hi. Tuate ii sungah Saphan ii tapa Jazaniah zongh kihel hi. Amate khat simin ngimnamtui halna khat tek toai in, ngimnamtui a hal sia pan meikhu zaamto hi. 12Pathian in hong dongh hi,, “A thi thei mihing awng, Israel lampuite ii a sepkute na mu ziam? Amate a vekpi in lim taw a kidim khan sungah biak piakna vawt uh hi. Amate kam zonna sia TOPA in hong mu ngawl hi! Ama in hi ngam taisan zo hi! ci uh hi”
13Tua zawkciang, TOPA in ka tungah, “Tuate sangin a kiihuai zaw lai a vawtte na mu tu hi,” hong ci hi. 14Tua ahikom ama in saksang Biakinnpi kong ah hong paipui a, Tammuz doai a thi hu in a kap numeite hong lak hi.
15Ama in, “A thi thei mihing awng, tasia na mu ziam? Tasia sang a kiihuai zaw lai nate mu tu ni hi,” hong ci hi. 16Tua ahikom ama in Biakinnpi leitual sungnung ah hong paipui hi. Tua biak mun thiangtho na tumna nai biaktau le kongkha kilaklaw ah pasal kul le nga khawng a om hi. Amate in biakmun thiangtho sia nungngat in, nisuana sang nga in kunsuk a, nisuak sia bia uh hi.
17TOPA in kei tungah, “A thi thei mihing awng, tu a sia na mu ziam? Hi Judah mihingte in hi sunga na mu a kiihuai a vawtte theampo le ngamsung theampo a, a kizel molngol ngamtat nate taw a lung a kim bua uh hi. Tuateng bek dom ngawlin ka thin uuk seseam natu in, amate hi Biakinnpi sungah hong pai in tuate hong seam uh hi. En in amate thuak zawk ngawl tu za dongin, kei hong selno hi! 18Amate in ka thin uukna theampo thuak tu hi. Amate ka khoaikhe batu a, ka hesuak batu hi. Amate in a nging thei zaza in ka tungah thu hong ngen tu uh hi. Ahihang amate aw ka ngai batu hi,” hong ci hi.
0 comments:
Post a Comment