Laithiangtho Dokna (Habakkuk 3)

1. Pathian sia Edom le ___ pan hong pai kik tu hi.
a. Paran mualte
b. Sinai
c. Olive

2.  Ama phatna in vantungte ___ hi.
a. pha to
b. siin
c. liing sak

3. Koi sung pan  khuavakte leng keak ziam?
a. Mualdawn pan
b. Thingkung tung pan
c. Akhut

4. Ama in natnate ii nungah ___ ii a zui tu in thupia hi.
a. thina
b. kiphatsakna
c. thazawmna

5. Ama ii hong etna taw ___ liinglawng hi.
a. kei ka
b. minamte
c. leitung

6. Cushan mite launa ka mu a, Median mite ___ uh hi.
a. phattuamna ngaa
b. mongsiat dektak
c. liinglawng

7. Na khualeng in simlei ___ hi.
a. khentham
b. taang sak
c. liinglawng sak

8. Mualte in nang hong mu ciangin, liing uh a, van panin ___ hi.
a. meei vom kaai
b. tui buasuk
c. vantung lalangte laasa

9. A ___te tee- vazial ciang ni le tha tawlnga ziam?
a. naam sau
b. vantung mite ii khut
c. thaltang le tei

10. Siphute taw tuipi a tuancil a,  a thahat tuite ___ hi.
a. phuan
b. kilongh ngawp
c. kikhen uh

11. Tuute theampo thi siat zong ka ___ tu hi.
a. laa kasa
b. thin nuam veve lai
c. pai vave

12.Topa in mual tungah hong ___ hi.
a. pai to
b. laamsang
c. keamcing

Habakkuk 3

Habakkuk Thungetna

1Hisia kamsangpa Habakkuk thungetna ahi hi.

2 Topa awng, na sep na vawtte ka za zo a,

lamdang ka sa mama hi.

Tu in ko hun sung zongh ah

nasep lianpi na sep ngeite hong seam kik tan.

Na thin uuk ciang zong hesuakna hong nei tan.

3Pathian sia Edom panin hong pai kik tu hi;

a thiangtho Pathian sia Paran mualte pan hong pai kik tu hi.

Ama phatna in vanpite siin a,

leitung sia ama pokna taw kidim hi.

4Ama sia khualeng vaangtaang taw hong pai in;

a khut pan khuavakte leng keak a,

tua munah a vaangletna kiseal hi.

5Ama in natnate a mai ah pai sak a,

thina ii a zui tu in thupia hi.

6Ama a tawlngak ciang, leitung liing a,

Ama ii hong etna taw minamte liinglawng hi.

A tawntung a om mualte tam tham a;

ni dang in, a vaa ngeina mualte a kip tawntung mualte kiasuk hi.

7Cushan mite launa ka mu a,

Median mite liinglawng uh hi.

8 Topa awng, ngunte in hong thin uuk sak ziam?

Nang hong thin so sak sia tuipi ahiziam?

Na mite tungah zawna na puak ciang

suangval meikaaite sia na leang hi a, a tungah na to hi.

9Na thal zangh tu in na kinging zo hi,

thaltangte kap tu in na kithoai hi.

Na khualeng in simlei khentham hi.

10Mualte in nang hong mu ciangin, liing uh a,

van panin tui buasuk hi.

Leinuai a tuite hawk vabuat a,

tuihualte saangto in khang hi.

11Na thaltang manlangte a tee vazial ciang le

na teite a tee valep ciang

ni le tha zongh a omna mun ah tawlnga hi.

12Leitung kantan in na thin uukna taw kal na suan a;

thin uukna taw minamte na tuancil hi.

13Na mite le na teal kumpipa ngum tu in na kuan hi.

Mi ngilote ii lampuite na vaatsuk a,

a nungzuite na maimot hi.

14A zawngte mun thimtham ah a sungawpte bangin

Kote thethaang tu in, vuipi bang hong pai ciang

na thaltang in a ngalkap mangpa kaplet hi.

15Na siphute taw tuipi na tuancil a,

taciang a thahat tuite phuan hi.

16Hite theampo ka za a, ka liing hi

ka muk sia launa taw liing hi.

Ka pumpi zaw vaneal hi,

ka nuai ah ka peangte khuasui vatut in om hi.

Ko hong simte Pathian in daan a piak hun

hong tun tu thim dide in ka ngak tu uh hi.

17Theikungte nga ngawl a,

sapit nguite a nga bua zong,

olive kungte ngangawl a,

lo sungah anlaak tu a om bua zong,

tuute theampo thisiat a,

khuibuk theampo a hawm siat zong,

18ka lungdam in ka thin nuam veve lai tu hi.

Banghangziam cile Topa athian sia ka hunpa ahi hi.

19 Topa in thahatna hong pia hi.

Sazuk bangin ka peang hong kho sak a,

mual tungah hong keamcing hi.