1. Uzziah sia kumh bangza aphak in kumhpi suak ziam?
a. 16
b. 18
c. 7
2. Uzziah in bang natna nei ziam?
a. Vun natna
b. Phaak natna
c. Luvai natna
3. Uzziah in kumh bangza sung kumpi seam ziam?
a. 40
b. 52
c. 15
4. Jehu suanlepaal khang ___dong kumpipate suak hi.
a. 10
b. 7
c. 4
5. Assyria te in Israel asim sawm ciang Menahem in bang hi ziam?
a. Ngun ton 38 pia
b. Khamh ton 100
c. Kham le ngun ton 50
6. Judah ah ___ sia kumpi ahilaitak Isreal le Assyria in Judah sim uh hi.
a. Jotham
b. Hezekiah
c. Uzziah
7. Judah kumpi Ahaz in ___ sia meihal biakpiakna in zangh hi.
a. Tuu atau bel
b. atapa
c. Alimci bel nganhing
8. Judah sia Syria le Israelte ii sim athuak ciang kumhpi Ahaz in ___ kung ah huu ngen hi.
a. Edom
b. Egypt
c. Assyriate
9. Ahaz nei biaktau sia koisung panh design angaa ziam?
a. Syria
b. Assyria
c. Babylon
10. Ahaz in biakpiakna taw kisai seplevawtte akua sawl ziam?
a. Uriah
b. Jotham
c. Zechariah
11. Ahaz in akua ii lungkim natu vawt ziam?
a. Samaria ngamukpa
b. Assyria ngamukpa
c. Babylon ngamukpa
12. Ahaz in kumpi inn pan Biakinnpi sung tumna ___ hi.
a. lampi pua
b. khamh taw vawt
c. baangkua khaak
Kumpite Niina 15
Judah Kumpipa Uzziah
(2Khang tangthu 26:1-23)
1Israel Kumpipa Jeroboam II kumpi a sep zawk a kum kul le kum sali kumin Amaziah tapa Uzziah sia Judahte kumpipa suak a, 2ama kum sia kum sawm le kum luk pha in, Jerusalem pan kum sawmnga le kum nii sung uk hi. A nu sia Jerusalem pan a Jecoliah ahi hi. 3A pa ii ngamtatna zui in ama in TOPA ii dik sak bangin ngamta hi. 4Ahihang doai bia te ii biakpiakna munte kisusia ngawl a, mihingte in sangaw biakpiakna le ngim namtui halnate tua munah vawt suak lai uh hi. 5TOPA in Uzziah sia a kiitak huai vun natna taw vaat a, a thi dong tua natna vei hi. Ama in ama ii aituam inn khat ah teang a, tavuan theampo kidawn in, a tapa Jotham in ngam uk hi.
6Uzziah ii a sep a vawt dangte theampo sia Judah Kumpipate Tangthu sungah kikhum hi. 7Uzziah thi a, David khuapi sung kumpi thaan ah kivui a, a tapa Jotham in a kumpi za laih hi. *
Israel Kumpipa Zechariah
8Judah Kumpipa Uzziah ii maan zawk a kum sawmthum le liat kumin Israelte ii Kumpipa Jeroboam II ii tapa Zechariah sia Israelte ii Kumpipa suak a, taciang ama in Samaria pan tha luk sung uk hi. 9Ama in, ama mai ah a seam masa te bangma in TOPA tungah maw hi. Ama in Nabat ii tapa Kumpipa Jeroboam khansiat zui in, Israelte mawna sungah lampui hi. 10Jabesh ii tapa Shallum in Kumpipa Zechariah suam tu sawm a, Ibleam ah thatlum hi, taciang a kumpi za ama in lua hi.
11Zechariah ii sep le vawt a dangte theampo sia Israel Kumpipate Tangthu sungah kikhum hi.
12Tua ahikom TOPA ii Kumpipa Jehu tungah kamciam a piak, “Na suan na paalte khang li dong Israel kumpipate suak tu hi,” a ci sia tangtung hi. *
Israel Kumpipa Shallum
13Judah Kumpipa Uzziah a maan zawk a kum sawmthum le kum kua kumin, Jabesh ii tapa Shallum sia Israelte ii kumpipa suak hi, taciang ama in Samaria pan tha khat sung uk hi.
14Gadi ii tapa Menahem in Tirzah pan Samaria ah pai a, Shallum suamlum in a kumpi za lua hi. 15Shallum ii a sep a vawt dangte theampo, a ngual suamna thute a kihel in Israel Kumpipate ii Tangthu sungah kikhum hi. 16Manahem in Tirzah panin a pai ciangin Tappuah khuapi ah a teangte le a kiim a paam ngamkhen zongh ama tungah ki aap ngawl ahikom susia cip hi. Nau ngai numeite ngilpi ngangawn khuakeak hi.
Israel Kumpipa Menahem
17Judah Kumpipa Uzziah ii maan zawk a kum sawmthum le kum kua kum in Gadi ii tapa Menahem sia Israelte ii Kumpipa suak hi, taciang ama in Samaria pan kum sawm sung uk hi. 18Ama in, a thi dong Israelte mawna sungah a lampui Nabat ii tapa Kumpipa Jeroboam tatsiatna teng zui in, TOPA tungah maw hi. 19Assyria te ii Kumpipa Tiglath Pileser in Israel sim a, taciang Menahem in, ngam sungah ama ii vaangletna a kip natu tua kumpipa ii panpui natu in ngun ton sawmthum le ton liat pia hi. 20Menahem in tua dangka te sia Israel ngam ah mihaute theampo tung pan nguntang sawmnga tek zawthawk thu taw khonin a nga ahi hi. Tua ahikom Tiglath Pileser sia ama ngam ah cia kik hi.
21Menahem ii a sep a vawt dangte theampo sia Israel Kumpite ii Tangthu sungah kikhum hi. 22Ama thi in kiphum a, a tapa Pekahiah in ama kumpi za laih hi.
Israel Kumpipa Pekahiah
23Judah Kumpipa Uzziah ii maan zawk a kum sawmnga kum kumin Menahem ii tapa Pekahiah sia Israelte ii kumpipa suak hi, taciang ama in Samaria panin kum nii sung uk hi. 24Ama in, Israel sia mawna sungah a lampui Nabat ii tapa Kumpipa Jeroboam ii ngitlo ngamtat teng zui in, TOPA tungah maw hi. 25Remaliah ii tapa Pekah a kici ama ii ngalkapmaang khat in Gilead pan mihing sawmnga taw ama sawmin, Samaria kumpi inn sung a nung kulh sungah Pekahiah sia suamlum a, ama in a kumpi za lua hi.
26Pekahiah ii a sep a vawt dangte theampo Israel Kumpipate ii Tangthu sungah kikhum hi.
Israel Kumpipa Pekah
27Judah Kumpipa Uzziah ii a maan zawk a kum sawmnga le kum nii kumin Remaliah ii tapa Pekah sia Israelte kumpipa suak a, ama in Samaria ah kum kul sung maang hi. 28Ama in Israelte mawna sungah a lampui Nabat ii tapa Kumpipa Jeroboam ii khansiat ngamtatna teng zui in, TOPA tungah maw hi.
29Pekah ii kumpipa ahi hun laitakin Assyriate ii Kumpipa Tiglath Pileser in, Ijon, Abel Beth Maccah, Janoah, Kedesh le Hazor khuapi teng le le Gilead ii ngamkhen, Galilee le Napthali teng suan hi, taciang a mihingte sia Assyria ah thongtaak tu in ciapui hi.
30Judah Kumpipa Uzziah ii tapa Jotham ii maan zawk a kum kul lai in Elah ii tapa Hoshea in Kumpipa Pekah sia ngawl sawmin suamlum a, a kumpi za sia ama in lua hi. Israelte Kumpipate 31Pekah ii a sep a vawt dangte theampo sia Israel Kumpite ii Tangthu sungah kikhum hi.
Judah Kumpipa Jotham
(2Khang tangthu 27:1-9)
32Remaliah ii tapa Pekah ii Israel kumpi in a maan zawk a kum nii kumin Uzziah ii tapa Jotham sia Judahte kumpipa suak hi, 33ama ii kum sia kum kul le kum nga pha a, Jerusalem panin kum sawm le kum luk sung uk hi. A nu sia Zadok ii tanu Jerusha hi. 34A pa Uzziah ii ngamtatna zui in Jotham in TOPA ii dik sak te ngamtatna in nei hi. 35Ahihang pathian he ngawlte ii biakna munte ki susia ngawl hi, taciang mihingte in sangaw biakpiakna le ngim namtui halna te tua munah vawt suak lai uh hi. Biakinnpi ii Saksang Kongpi a sa sia Jotham ahi hi.
36Jotham ii sep le vawt a dangte theampo sia Judah Kumpipate ii Tangthu sungah kikhum siat hi. 37Ama kumpipa ahi laitakin TOPA in Syriate kumpipa Rezin le Israelte kumpipa Pekah te Judah sim tu in puak hi. 38Jotham thi a David ii Khuapi sung kumpi thaan ah kiphumin a tapa Ahaz in a kumpi za laih hi.
Kumpite Niina 16
Judah Kumpipa Ahaz
(2Khang tangthu 28:1-27)
1Remaliah ii tapa Israelte ii Kumpipa Pekah ii maan zawk a kum sawm le kum sali kum in Jotham ii tapa Ahaz sia Judahte kumpipa suak hi, 2ama pian kum, kum kul pha in, Jerusalem panin kum sawm le kum luk sung uk hi. Ama in a pu David ii ngamtatna phate zui ngawl a; tua taangin TOPA Pathian ii dik sak ngawlte vawt hi, 3taciang ama in Israel kumpipate ii ngamtatna te veu zui hi. Ama in, Israel mite hong mainawt uh lai in, TOPA ii a ngam sung pan a naw keakte ii a thasiat huai ngamtatnate zui a, a tapa ngangawn milim biakna meihal biakpiakna in nei hi. * 4Pathian he ngawlte ii biakna mun, mualte ii tung, le thinglim nuai sim ah, Ahaz in sangaw biakpiakna le ngim namtui halna piakhia hi.
5Syriate kumpipa Rezin le Israel kumpipa Pekah in Jerusalem sim a, uumci ahihang Ahaz sia zo zo ngawl uh hi. * 6(Tua hun khat sung ma ah Edomte kumpipa in Elath khuapi hong nga kik a, Judah mi tua munah a teangte notkeak hi. Edom te Elath a teang a, teang top lai hi.) 7Ahaz in Assyriate ii ngam uk lianpa Tiglath Pileser munah kamtai mihingte pai sak a: “Keima in a thumaan na naseam pa khi hi. Hong pai tan a, Syria le Israel kumpipate khut sung pan hong hun khia tan, amate in kei hong sim hi.” ci sak hi. 8Ahaz in ngun le khamte Biakinn pan le kumpi inn sung sum kholna pan la in, ngam uk lianpa tungah letsong in thaak hi. 9Ahaz ii maangkaa na a zona in Tiglath Pileser in a ngalkap hon taw Damascus ah kuan in, tua khuapi suan a, Kumpipa Rezin thatlum in a mite sia thongtaak tu in ciapui hi.
10Kumpipa Ahaz in Damascus ah Ngam uk lianpa Tiglath Pileser taw kimu tu in a pai ciang, biaktau tua munah a om sia mu hi, ama in tua biaktau ii lim sia kheet nei ngawlin a kicing tatak in suai a, Uriah thiampipa thaak hi. 11Tua ahikom Uriah in biaktau tasia taw a kibang linlian khat vawt sak a, Ahaz hong heak kik maa in man hi. 12Damascus pan hong cia kik ciang Ahaz in biaktau sia a kiman sa in mu hi, 13tua ahikom ama in nganhingte taw sangaw biakpiakna le antang biakpiakna tua biaktau tungah vawt a, taciang zu le nganhing chi te kipawlkhop biakpiakna in bungh suk hi. 14Taungo taw kivawt biaktau TOPA tungah a ki aap sa sia biaktau thak le Biakinnpi kilaklaw ah koi uh a, tua ahikom Ahaz in biaktau thak sia ii saksang ah khiin hi. * 15Tua zawkciang ama in Uriah munah, “Hi keima aa ahi biaktau thak sia zingsang meihal biakpiakna le nitak antang biakpiakna, kumpipa le a mipite meihal biakpiakna le antang biakpiak natu le mipite ii zu biakpiak natu in zangh in. Nganhing sangaw biakpiakna a kizangh theampo ii chi sia a tungah sung in. Ahihang taungo biaktau sia keima ii aisaan natu in na koi in,” ci in thupia hi. 16Uriah in kumpipa thupiak bangin seam hi.
17Ahaz in Biakinnpi sungah a kizangh taungo leang sia la khia a, tua tungah a om kuangpui te heam hi, ama in taungo khuital sawm le nii te nungzaang pan tuikuangte zongh la in suangtum doppha tungah koi hi. * 18Assyriate ngam uk lianpa a lungkim sak natu in Biakinnpi sung pan kumpi tokhum koina teitan sia heamkhia in, kumpipa ii Biakinnpi sung aituam tumna baangkua zongh khak bil hi.
19Ahaz Kumpipa ii a sep a vawt dangte thempo sia Judah Kumpipate Tangthu sungah kikhum siat hi. 20Ahaz thi a, David Khuapi sung kumpi thaan ah kiphum in, a tapa Hezekiah in a kumpi za laih hi. *
a. 16
b. 18
c. 7
2. Uzziah in bang natna nei ziam?
a. Vun natna
b. Phaak natna
c. Luvai natna
3. Uzziah in kumh bangza sung kumpi seam ziam?
a. 40
b. 52
c. 15
4. Jehu suanlepaal khang ___dong kumpipate suak hi.
a. 10
b. 7
c. 4
5. Assyria te in Israel asim sawm ciang Menahem in bang hi ziam?
a. Ngun ton 38 pia
b. Khamh ton 100
c. Kham le ngun ton 50
6. Judah ah ___ sia kumpi ahilaitak Isreal le Assyria in Judah sim uh hi.
a. Jotham
b. Hezekiah
c. Uzziah
7. Judah kumpi Ahaz in ___ sia meihal biakpiakna in zangh hi.
a. Tuu atau bel
b. atapa
c. Alimci bel nganhing
8. Judah sia Syria le Israelte ii sim athuak ciang kumhpi Ahaz in ___ kung ah huu ngen hi.
a. Edom
b. Egypt
c. Assyriate
9. Ahaz nei biaktau sia koisung panh design angaa ziam?
a. Syria
b. Assyria
c. Babylon
10. Ahaz in biakpiakna taw kisai seplevawtte akua sawl ziam?
a. Uriah
b. Jotham
c. Zechariah
11. Ahaz in akua ii lungkim natu vawt ziam?
a. Samaria ngamukpa
b. Assyria ngamukpa
c. Babylon ngamukpa
12. Ahaz in kumpi inn pan Biakinnpi sung tumna ___ hi.
a. lampi pua
b. khamh taw vawt
c. baangkua khaak
Kumpite Niina 15
Judah Kumpipa Uzziah
(2Khang tangthu 26:1-23)
1Israel Kumpipa Jeroboam II kumpi a sep zawk a kum kul le kum sali kumin Amaziah tapa Uzziah sia Judahte kumpipa suak a, 2ama kum sia kum sawm le kum luk pha in, Jerusalem pan kum sawmnga le kum nii sung uk hi. A nu sia Jerusalem pan a Jecoliah ahi hi. 3A pa ii ngamtatna zui in ama in TOPA ii dik sak bangin ngamta hi. 4Ahihang doai bia te ii biakpiakna munte kisusia ngawl a, mihingte in sangaw biakpiakna le ngim namtui halnate tua munah vawt suak lai uh hi. 5TOPA in Uzziah sia a kiitak huai vun natna taw vaat a, a thi dong tua natna vei hi. Ama in ama ii aituam inn khat ah teang a, tavuan theampo kidawn in, a tapa Jotham in ngam uk hi.
6Uzziah ii a sep a vawt dangte theampo sia Judah Kumpipate Tangthu sungah kikhum hi. 7Uzziah thi a, David khuapi sung kumpi thaan ah kivui a, a tapa Jotham in a kumpi za laih hi. *
Israel Kumpipa Zechariah
8Judah Kumpipa Uzziah ii maan zawk a kum sawmthum le liat kumin Israelte ii Kumpipa Jeroboam II ii tapa Zechariah sia Israelte ii Kumpipa suak a, taciang ama in Samaria pan tha luk sung uk hi. 9Ama in, ama mai ah a seam masa te bangma in TOPA tungah maw hi. Ama in Nabat ii tapa Kumpipa Jeroboam khansiat zui in, Israelte mawna sungah lampui hi. 10Jabesh ii tapa Shallum in Kumpipa Zechariah suam tu sawm a, Ibleam ah thatlum hi, taciang a kumpi za ama in lua hi.
11Zechariah ii sep le vawt a dangte theampo sia Israel Kumpipate Tangthu sungah kikhum hi.
12Tua ahikom TOPA ii Kumpipa Jehu tungah kamciam a piak, “Na suan na paalte khang li dong Israel kumpipate suak tu hi,” a ci sia tangtung hi. *
Israel Kumpipa Shallum
13Judah Kumpipa Uzziah a maan zawk a kum sawmthum le kum kua kumin, Jabesh ii tapa Shallum sia Israelte ii kumpipa suak hi, taciang ama in Samaria pan tha khat sung uk hi.
14Gadi ii tapa Menahem in Tirzah pan Samaria ah pai a, Shallum suamlum in a kumpi za lua hi. 15Shallum ii a sep a vawt dangte theampo, a ngual suamna thute a kihel in Israel Kumpipate ii Tangthu sungah kikhum hi. 16Manahem in Tirzah panin a pai ciangin Tappuah khuapi ah a teangte le a kiim a paam ngamkhen zongh ama tungah ki aap ngawl ahikom susia cip hi. Nau ngai numeite ngilpi ngangawn khuakeak hi.
Israel Kumpipa Menahem
17Judah Kumpipa Uzziah ii maan zawk a kum sawmthum le kum kua kum in Gadi ii tapa Menahem sia Israelte ii Kumpipa suak hi, taciang ama in Samaria pan kum sawm sung uk hi. 18Ama in, a thi dong Israelte mawna sungah a lampui Nabat ii tapa Kumpipa Jeroboam tatsiatna teng zui in, TOPA tungah maw hi. 19Assyria te ii Kumpipa Tiglath Pileser in Israel sim a, taciang Menahem in, ngam sungah ama ii vaangletna a kip natu tua kumpipa ii panpui natu in ngun ton sawmthum le ton liat pia hi. 20Menahem in tua dangka te sia Israel ngam ah mihaute theampo tung pan nguntang sawmnga tek zawthawk thu taw khonin a nga ahi hi. Tua ahikom Tiglath Pileser sia ama ngam ah cia kik hi.
21Menahem ii a sep a vawt dangte theampo sia Israel Kumpite ii Tangthu sungah kikhum hi. 22Ama thi in kiphum a, a tapa Pekahiah in ama kumpi za laih hi.
Israel Kumpipa Pekahiah
23Judah Kumpipa Uzziah ii maan zawk a kum sawmnga kum kumin Menahem ii tapa Pekahiah sia Israelte ii kumpipa suak hi, taciang ama in Samaria panin kum nii sung uk hi. 24Ama in, Israel sia mawna sungah a lampui Nabat ii tapa Kumpipa Jeroboam ii ngitlo ngamtat teng zui in, TOPA tungah maw hi. 25Remaliah ii tapa Pekah a kici ama ii ngalkapmaang khat in Gilead pan mihing sawmnga taw ama sawmin, Samaria kumpi inn sung a nung kulh sungah Pekahiah sia suamlum a, ama in a kumpi za lua hi.
26Pekahiah ii a sep a vawt dangte theampo Israel Kumpipate ii Tangthu sungah kikhum hi.
Israel Kumpipa Pekah
27Judah Kumpipa Uzziah ii a maan zawk a kum sawmnga le kum nii kumin Remaliah ii tapa Pekah sia Israelte kumpipa suak a, ama in Samaria ah kum kul sung maang hi. 28Ama in Israelte mawna sungah a lampui Nabat ii tapa Kumpipa Jeroboam ii khansiat ngamtatna teng zui in, TOPA tungah maw hi.
29Pekah ii kumpipa ahi hun laitakin Assyriate ii Kumpipa Tiglath Pileser in, Ijon, Abel Beth Maccah, Janoah, Kedesh le Hazor khuapi teng le le Gilead ii ngamkhen, Galilee le Napthali teng suan hi, taciang a mihingte sia Assyria ah thongtaak tu in ciapui hi.
30Judah Kumpipa Uzziah ii tapa Jotham ii maan zawk a kum kul lai in Elah ii tapa Hoshea in Kumpipa Pekah sia ngawl sawmin suamlum a, a kumpi za sia ama in lua hi. Israelte Kumpipate 31Pekah ii a sep a vawt dangte theampo sia Israel Kumpite ii Tangthu sungah kikhum hi.
Judah Kumpipa Jotham
(2Khang tangthu 27:1-9)
32Remaliah ii tapa Pekah ii Israel kumpi in a maan zawk a kum nii kumin Uzziah ii tapa Jotham sia Judahte kumpipa suak hi, 33ama ii kum sia kum kul le kum nga pha a, Jerusalem panin kum sawm le kum luk sung uk hi. A nu sia Zadok ii tanu Jerusha hi. 34A pa Uzziah ii ngamtatna zui in Jotham in TOPA ii dik sak te ngamtatna in nei hi. 35Ahihang pathian he ngawlte ii biakna munte ki susia ngawl hi, taciang mihingte in sangaw biakpiakna le ngim namtui halna te tua munah vawt suak lai uh hi. Biakinnpi ii Saksang Kongpi a sa sia Jotham ahi hi.
36Jotham ii sep le vawt a dangte theampo sia Judah Kumpipate ii Tangthu sungah kikhum siat hi. 37Ama kumpipa ahi laitakin TOPA in Syriate kumpipa Rezin le Israelte kumpipa Pekah te Judah sim tu in puak hi. 38Jotham thi a David ii Khuapi sung kumpi thaan ah kiphumin a tapa Ahaz in a kumpi za laih hi.
Kumpite Niina 16
Judah Kumpipa Ahaz
(2Khang tangthu 28:1-27)
1Remaliah ii tapa Israelte ii Kumpipa Pekah ii maan zawk a kum sawm le kum sali kum in Jotham ii tapa Ahaz sia Judahte kumpipa suak hi, 2ama pian kum, kum kul pha in, Jerusalem panin kum sawm le kum luk sung uk hi. Ama in a pu David ii ngamtatna phate zui ngawl a; tua taangin TOPA Pathian ii dik sak ngawlte vawt hi, 3taciang ama in Israel kumpipate ii ngamtatna te veu zui hi. Ama in, Israel mite hong mainawt uh lai in, TOPA ii a ngam sung pan a naw keakte ii a thasiat huai ngamtatnate zui a, a tapa ngangawn milim biakna meihal biakpiakna in nei hi. * 4Pathian he ngawlte ii biakna mun, mualte ii tung, le thinglim nuai sim ah, Ahaz in sangaw biakpiakna le ngim namtui halna piakhia hi.
5Syriate kumpipa Rezin le Israel kumpipa Pekah in Jerusalem sim a, uumci ahihang Ahaz sia zo zo ngawl uh hi. * 6(Tua hun khat sung ma ah Edomte kumpipa in Elath khuapi hong nga kik a, Judah mi tua munah a teangte notkeak hi. Edom te Elath a teang a, teang top lai hi.) 7Ahaz in Assyriate ii ngam uk lianpa Tiglath Pileser munah kamtai mihingte pai sak a: “Keima in a thumaan na naseam pa khi hi. Hong pai tan a, Syria le Israel kumpipate khut sung pan hong hun khia tan, amate in kei hong sim hi.” ci sak hi. 8Ahaz in ngun le khamte Biakinn pan le kumpi inn sung sum kholna pan la in, ngam uk lianpa tungah letsong in thaak hi. 9Ahaz ii maangkaa na a zona in Tiglath Pileser in a ngalkap hon taw Damascus ah kuan in, tua khuapi suan a, Kumpipa Rezin thatlum in a mite sia thongtaak tu in ciapui hi.
10Kumpipa Ahaz in Damascus ah Ngam uk lianpa Tiglath Pileser taw kimu tu in a pai ciang, biaktau tua munah a om sia mu hi, ama in tua biaktau ii lim sia kheet nei ngawlin a kicing tatak in suai a, Uriah thiampipa thaak hi. 11Tua ahikom Uriah in biaktau tasia taw a kibang linlian khat vawt sak a, Ahaz hong heak kik maa in man hi. 12Damascus pan hong cia kik ciang Ahaz in biaktau sia a kiman sa in mu hi, 13tua ahikom ama in nganhingte taw sangaw biakpiakna le antang biakpiakna tua biaktau tungah vawt a, taciang zu le nganhing chi te kipawlkhop biakpiakna in bungh suk hi. 14Taungo taw kivawt biaktau TOPA tungah a ki aap sa sia biaktau thak le Biakinnpi kilaklaw ah koi uh a, tua ahikom Ahaz in biaktau thak sia ii saksang ah khiin hi. * 15Tua zawkciang ama in Uriah munah, “Hi keima aa ahi biaktau thak sia zingsang meihal biakpiakna le nitak antang biakpiakna, kumpipa le a mipite meihal biakpiakna le antang biakpiak natu le mipite ii zu biakpiak natu in zangh in. Nganhing sangaw biakpiakna a kizangh theampo ii chi sia a tungah sung in. Ahihang taungo biaktau sia keima ii aisaan natu in na koi in,” ci in thupia hi. 16Uriah in kumpipa thupiak bangin seam hi.
17Ahaz in Biakinnpi sungah a kizangh taungo leang sia la khia a, tua tungah a om kuangpui te heam hi, ama in taungo khuital sawm le nii te nungzaang pan tuikuangte zongh la in suangtum doppha tungah koi hi. * 18Assyriate ngam uk lianpa a lungkim sak natu in Biakinnpi sung pan kumpi tokhum koina teitan sia heamkhia in, kumpipa ii Biakinnpi sung aituam tumna baangkua zongh khak bil hi.
19Ahaz Kumpipa ii a sep a vawt dangte thempo sia Judah Kumpipate Tangthu sungah kikhum siat hi. 20Ahaz thi a, David Khuapi sung kumpi thaan ah kiphum in, a tapa Hezekiah in a kumpi za laih hi. *
0 comments:
Post a Comment