1. Athaliah in akuate that lumh ziam?
a. Baal kamsangte
b. Thiampite
c. Kumpipa innkuanpuite
2. Josh sia akua in suataak ziam?
a. Jehosheba
b. Athaliah
c. Jehoida
3. Josh kumhbangza sung kiseal ziam?
a. Kumh 7
b. Kumh 6
c. Kumh 9
4. Joash kumpi asua natu ahanciampi sia akua ziam?
a. Athaliah
b. Jehoiada
c. Jehu
5. Athaliah koisungah ki thatlum ziam?
a. Biakinnpi sung
b. Luphung tungah
c. Siphu kongpi
6. Joash sia kumh bangza aphak ciang kumpi suak ziam?
a. 7
b. 9
c. 12
7. Joash in kumh bangza sung kumpi seam ziam?
a. 66
b. 40
c. 35
8. Joash na banghang ii Biakinnpi pua ziam?
a. Thiampipa in sawl
b. Thiampitena pua ngawl
c. A uliante sawl
9. Banghang Joash na Biakinn vai sum sazian nei ngawl ziam?
a. Sazian tam lei
b. A sum le vanh tam lei
c. A seamte thuman
10. ___ in Jerusalem asim sawm ciang Joash letsong pia hi.
a. Syria
b. Babylon
c. Egypt
11. Joash ii piak letsong sia koisung pan ziam?
a. Ama ii neisa
b. Biakinnpi le kumpi inn khamhte
c. Shia khonna pan angaate
12. Joash sia akuate ii thalup in thi ziam?
a. Athaliah mealheakte
b. A uliante
c. Ngalnguk simte
Kumpite Niina 11
Judahte ii Kumpinu Athaliah
(2Khang tangthu 22:10-23:15)
1Kumpipa Ahaziah ii nu Athaliah in a tapa ii kisuamlupna a zaak po ciang kumpipa innkuan pui theampo thalup natu thu pia hi. 2Ahaziah ii tapa Joash bekma suakta hi. Ama sia a dangte taw kithatlum dektak a, ahihang a ni Jehosheba in suatak hi, tua nu sia Kumpi Jehoram ii tanu hi a, Ahaziah ii suapui seal ahi hi. Ama in Joash sia a keam nu taw la in biakinnpi sung doituam sungah koi hi. Athaliah ii mu natu pan seal a, tabangin ama kithat ngawl hi. 3Kum luk sung Jehosheba in patangno sia biakinn sungah Athaliah ii Kumpinu a sep sung theampo phual hi.
4Ahihang a kum sali na ciangin thiampi Jehoiada in kumpipa a cingte le kumpi inn a cingte ii uliante Biakinn ah samin, ama ii ngealna bang a ngamtat nop natu kiciamna taw thukimna vawt hi. Ama in Kumpipa Ahaziah ii tapa Joash amate lak hi, 5taciang hi thupiakna teng pia hi: “Sabbath ni in tavuan la tu in nong pai uh ciang, no sung pan see thum sua see khat in kumpi inn cing tu nu hi; 6a dang see thum sua see khat sia Sur Kongpi cingin om tu nu hi, taciang a om lai see thum sua see khatte inn kongpi ah kong cingte nung pan cing sawn tu nu hi. 7Sabbath ni a tavuan nei ngawl a om pawl nii te sia kumpipa cing tu in Biakinnpi ah a cingin om tu nu hi. 8Kumpipa Joash sia noma in namsau daw sa in cing tu a, ama ii paina theampo ah ama ompui tu nu hi. No ii nai ah hong pai khat po a om le thatlum tu nu hi,” ci hi.
9Uliante in Jehoiada ii hil bangin ni a, ngalkapte ama kungah paipui hi— Sabbath ni a tavuan nei ngawlte le tavuan neite paipui uh hi. 10Ama in uliante sia David ii neisa, Biakinnpi sungah a kikoi tei le lum te, kumpipa cin natu in pia a, 11taciang ama in kumpipa cing tu in ngalkapte sia a namsau daw sa in Biakinn mai kiimkot ah koi hi. 12Tua zawkciang Jehoiada in Joash pusua pui in, kumpi lukhu a lu tungah koi a, kumpite ii zak tu thukham laibu bu khat Joash pia hi. Tua zawkciang Joash sia sathau noai in kumpipa hi ci in taangko uh hi. Mipite in a khut uh beang uh a, “Kumpipa a khan sau tahen!” ci uh hi.
13Kumpinu Athaliah in a cing ngalkapte le mipite ii awsa za in, Biakinnpi ah manlang in pai hi. Tua munah mihingte kikhawm uh hi. 14Taangh ngeina om bangin kumpipa thak sia Biakinnpi tumna khuampi kingualte mai ah dingin kumpinu in mu hi. Ama sia uliante le lemle tumte le mipite in kiim uum uh a, a vekpi in lungdam takin au in, lemle tum uh hi. Athaliah in a puansilh baltham in, “Hong leeheak hi! Hong leeheak hi!” ci in au hi. *
15Jehoiada in Athaliah sia Biakinnpi huang sungah a kithalup tu oai ngawl ahikom ama in ngalkap maangte munah: “A ngual a ngualin a cingte kilaklaw panin ama la in paipui vun, ama suatak a sawm papo that vun,” ci in thupia hi. 16Amate in Athaliah manin, kumpi inn ah paipui uh a, tua mun Siphu Kongpi ah ama thatlum uh hi.
Jehoiada ii Ngampua kikna
(2Khang tangthu 23:16-21)
17Thiampi Jehoiada in Kumpipa Joash le mipite, TOPA ii mihingte a sua natu in TOPA taw thuciamna vawt sak hi; ama in kumpipa le mipite kilaklaw ah zongh thuciamna vawt sak hi. 18Tua zawkciang mipite in Baal ii biakinn ah pai uh a, biakinn baltham uh hi; amate in biaktaute le milimte saat tham uh a, taciang Baal ii thiampi Mattan sia biaktau ii mai ah thatlum hi.
Jehoiada in Biakinn ah a cingte koi in, 19tua zawkciang ama sia ngalkap maangte, kumpipa a cing ngalkapte, le kumpi inn a cingte taw kumpipa sia Biakinnpi pan kumpi inn ah paipui uh a, mihonpite in zui uh hi. Joash in A Cingte Kongpi panin tumin, kumpi tokhum tungah ama ii mun hong la hi. 20Mipi theampo sia lungdam uh a, kumpi inn sungah Athaliah zongh kithat zo ahikom khuapi sung sia ngam daai in om uh hi.
21Joash sia kum sali a phak laitakin Judahte kumpipa suak hi.
Kumpite Niina 12
Judah Kumpipa Joash
(2Khang tangthu 24:1-16)
1Israel ah Jehu Kumpipa a maan zawk a kum salina ciang Joash sia Judahte ii kumpipa suakin, ama in Jerusalem panin kum sawmli sung uk hi. A nu sia Beersheba khua panin Zibiah ahi hi. 2A khan tawntung ama in TOPA ii dik sak tu bebek in ngamta hi, banghang ziam cile Jehoiada thiampipa in ama hil hi. 3Ahitazong doai biakna munte kisusia ngawl a, taciang mihingte in sangaw biakpiakna le ngim namtui halna te tua munah vawt tan lai uh hi.
4Joash in thiampite sam a, Biakinnpi sungah sangaw biakpiakna tungtaang sum a kipiate ahizong, hun maan a sangaw biakpiakna tung pan sumte ahizong amate tungah a thin zawna taw piakte ahizong, tua sumte a top natu in thu pia hi. * 5Thiampi sim in ama ii sep sak mite tung pan a nga uh sumte sia tavuan a laak natu le a kisamh bangin Biakinnpi pua natu a kizak natu in thu pia hi.
6Ahihang Joash ii maan zawk a kum kul le kum thum dong sia thiampite in Biakinnpi puana khat zongh nei ngawl uh hi. 7Tua ahikom ama in Jehoiada le a dang thiampite samin dongh hi, “Banghangin Biakinnpi pua ngawl nu ziam? Tu pan kipan sum na saan uh te noma keam nawn ngawlin Biakinnpi pua natu in hong aap tu nu hi,” ci hi. 8Thiampite lungkim uh a, Biakinnpi amate ii pua a kul ngawl tu zongh thukim uh hi.
9Tua zawkciang Jehoiada in thingkuang khat la in, a sitna tungah a hawng khat vut hi, taciang a thingkuang sia biaktau ii kung, Biakinnpi sung in tumna ziat sangah koi hi. Tumna munah tavuan a nei thiampi sia in biakpiakna a piate ii sum theampo thingkuang sungah koi hi. 10Thingkuang sungah sum tam a om ciang kumpipa ii thuzeakpa le Thiampi saang pa hong pai in, ngun teng a tui thap sak zawkciang khai tee uh hi. 11A pha za tatak a kiteptee zawkciang Biakinnpi sung naseamte ii a ukpa tungah a ngunte aap in, tua pa in lettamate, inn sate, 12uksuang ciangte, suang at te pia in, thing at le suangte inn pua natu in a kisamh thing at le suangte theampo lei a, a dang zak tu theampo pia uh hi. 13Ahizong a sumte sung panin ngun hai vawt natu kuangte, lemle te, tua ahibale mei-inn taw kisai vanhzakte, tua ahibale ngun le kham taw a kivawt vanh te leina in kizangh ngawl hi. 14Tua sumte sia naseamte thaman le biakinn puana sung a kizangh vanhte leina bekin kizangh hi. 15Tua nasep taw kisai in a ukte sia thumaan takpi ahikom tua sumte tungtaang ah sazian koi kul ngawl hi. * 16Khialphel biakpiakna sum le mawna atu piak sumte sia thingkuang sungah kikoi ngawl hi; tuate sia thiampite neisa ahi hi. *
17Tua hunin, Syriate ii Kumpipa Hazael in Gath khuapi sim in zo hi; tua zawkciang ama in Jerusalem sim tu sawm hi. 18Judahte Kumpipa Joash in ama ii mai ah a maang Jehoshaphat, Jehoram, le Ahaziah te ii TOPA tungah a aap sa uh piakkhiatnate sia ama ii piakkhiatna taw ngawmin, Biakinnpi sung le kumpi inn sungah kham theampo taw kop in Kumpipa Hazael letsongin a piak ciang, tua kumpipa in a ngalkapte Jerusalem panin leidang zot pui hi.
19Kumpipa Joash ii a sep a vawt a dang theampo sia Judah Kumpite Tangthu sungah kikhum hi.
20-21Kumpipa Joash ii uliante in ama thalup sawm uh a, tuate sung pan nii, Shimeath ii tapa Jozacar le Shomer ii tapa Jehozabad in Jerusalem nisuana sangah lei kihuhna mun Silia pai sukna lampi tungah a kisa inn sia sungah thatlum uh hi. Joash sia David ii Khuapi sung kumpi thaan ah kiphum a, a tapa Amaziah in a kumpipa za laih hi.
0 comments:
Post a Comment