Laithiangtho (Zephaniah 3)

1. Jerusalem in TOPA muang ngawl in___ ngawl hi.
a. a thu ni
b. milim bia uh
c. huuna ngen

2. Jerusalem ah akuate sia duhop peuma ziam?
a. Kumpi naseamte
b. Thiampite
c. Thukhen mangte

3. Kiihuai ahihang akua sia khuapi sung om lai ziam?
a. Amate
b. TOPA
c. Biakinn naseamte

4. TOPA in amite tungah zingsim bang lak ziam?
a. A itna
b. Thutang
c. Nalamdang

5. TOPA in ama zakta tu, saang tu, mangil ngawl tu tuat in ___ hi.
a. Minamte maimot
b. a mitealte sawl
c. nguazu sak

6. ___ dong kithethang amite in piakna pia tu hi.
a. Etheopia
b. Babylon
c. Nitumna ngam

7. TOPA in na daan thuakna ___ hi.
a. bo sak zo
b. he
c. hong en nginge

8. TOPA in, na ngalte theampo ___ hi.
a. hong nilkeak sak
b. na mai ah koi
c. thi sak nuam bua

9. TOPA in ___ ahiciang lau kul ngawl hi.
a. a naseamte sawl
b. eima taw om khawm
c. nalamdang lak tu

10. TOPA  thahatna in ___ hong pia hi.
a. kiitaakna
b. zawna
c. lungmuanna

11. TOPA in “Lal natu hong tawn nate ka ___ hi.”
a. encik tu
b. ka hung tu
c. veng sak zo

12. TOPA in Amate maizumna sia ___ ka lai tu hi.
a. ngualzawna
b. tel sangna
c. minphatna taw

Zephaniah 3
Jerusalem ii Mawna le Kitatna
1A mite a zothaw, tatsia in ngalphuang nuam Jerusalem sia a lal hi zo hi. 2Ama in TOPA thu ngai ngawl a, ama a kiteknate zongh saang ngawl hi. Ama in TOPA muang ngawlin, huna zongh ngen ngawl hi. 3A lampui uliante sia tawpi hawk bang ahi uh hi; a thukhen mangte sia ngiapui ngilkialte bang hi a, duhop lei kisa in a zing ciang dong sangu khat zongh khe ngam ngawl uh hi. 4Kamsaangte in sepnop vacin nei ngawl a, thimthel uh hi, thiampite in a thiangtho nate nin sak uh hi; taciang Pathian thukhamte sia amate phattuam natu in deikai uh hi. 5Ahihang TOPA sia khuapi sungah omlai hi; ama in na phate vawt a, a pha ngawlte vawt ngeingawl hi. Zingsim a pealmaw in a mite tungah thutang lak hi. Hi nave thutang ngawl mite in a maan ngawlte ma vawt tan a, a mai zongh a zum beak bua uh hi.

6TOPA in “Minam theampo ka maimot zo hi; a khuapite ka susia tham a, a luphungte le a tausaangte a zancip sa in ka nusia hi. A khuapite kinusia a, lampite a hawm in om a, mihingte kuama om nawn ngawl hi. 7Ka ngaisutna ah tasia ciang ka mite in kei hong zakta tu a, ka tek nate hong saang tu, ka hilnate mangil ngawl tu in ka tuat hi. Ahihang hai ngawlin a ngamtat ngei bangin a pha ngawl bebek in ngamta leleau uh hi.

8TOPA in, “Ngak zi vun, minamte ka maw sak tu ni ngak vun. Ka thin uukna ii thahatna tep tu in minamte le kumpi ukna ngamte khoptua tu in ka thin ka khensat zo hi. Ka thin uukna meikuang in simlei bup ka kaangtham sak tu hi.

9“Taciang ngam tatuamte sungah mihingte ka kikheal sak tu a, amate in keitung bek ah thu hong ngen tu uh hi. Amate in pathian dangte tungah thungen nawn ngawl tu a, keima thu hong ni tu uh hi. 10Ngam khuala Ethiopia pan ngangawn in a kithethaang ka mite in kei tungah piakna hong pia tu uh hi. 11Tua hun ciang, no ka mite in kei nong leedo hu in na mai a zum nawn batu uh hi. A kiphasak le a kisa thei theampo ka heam tu a, ka mual thiangtho tungah kei nong do kik ngei nawn batu uh hi. 12Kei kungah hu ngenin hong zuan tu a kiniamkhiak a, a kinovawt mihing pawlkhat tua lai ah ka nusia tu hi. 13A taanglai Israel mite in kuama tungah khial ngawl tu a, leeilot thu son ngawlin ngual a theam batu uh hi. Amate maa vang in ngammuang tu a, kuama a kiita batu uh hi,” ci hi. *

Lungdamna La
14Israel mite awng, Lungdamna taw la sa in au vun!
Jerusalem awng, na thin theampo taw lungdam vun!
15TOPA in na daan thuakna bo sak zo hi;
Na ngalte theampo hong nilkeak sak hi.
TOPA, Israel kumpipa sia note taw om khawm hi;
lau natu tu in bangma thu om ngawl hi.
16Jerusalem tungah hi bangin a ci tu hun hong theng tu hi.
“Lau heak in, Zion khuapi awng!
Na khutte zaw vadek in khai heak in!
17TOPA na Pathian sia nang taw omkhawm hi;
ama thahatna in zawna hong pia hi;
TOPA in nang tungah hong lungdam tu hi,
taciang ama itna sungah nuntakna thak hong pia tu hi.
Ama in la sa tu a, na tungah lungdam tu hi.
18Mihingte poai sungah a lungdam bang in hi tu hi.”
TOPA in “Lal natu hong tawn nate ka veng sak zo hi;
taciang na min daina teng kong laak sak zo hi.
19Hun hong tung tu hi!
Nang hong zothawte daan ka pia tu hi,
a peangbai theampo ka hun tu a
ta ciang saltangte theampo inn ah ka ciapui tu hi.
Amate maizumna sia minphatna taw ka lai tu hi;
taciang leitung theampo in amate pok tu uh hi.
20A hun hong tung tu hi!
A kithethaang na mite inn ah kong ciapui tu hi;
Simlei tung bup ah na min kong thang sak tu a,
taciang khatvei a khangto
a nuamsa in kong vawtkik tu hi,” TOPA in ci zo hi.