Ulol nam 4,740 om aa, anobel sia letmat khat le lang alianbelte sia letmat liat bang lian in, pound sali bangh ngit uh hi.
Ulol nam 120 sia kumh 250 sung bo aa, kumh 250 ciang a nam in hong piang kik hi.
Antarctica sim ngawlteng ah ulol om uh hi.
Ulol in tui dawn ngei ngawl ahihang apumpi in tui huup hi.
Tai khat akikhuala na pan aw nging aza thei ulol nam om hi.
Nguu nei ulol nam pawl khat in, atate sia nganhing dangte ii neak tu ahunna in atui/ atasente naina ah, nguu poai thei hi.
A mittang hui ah abil om aa, tympanum kici hi, atalte ii bil sia apuite ii bil sang nozaw hi.
Amate ii letna sang aza 20 asau zaw in leen khat sua thei hi.
Ulol ii hatangte sia akam ii sung atungsangah om hi.
A lei sia sau in aneaknop khat sia alei taw zial in akam sung then hi.
A hon in taa uh aa, anu te in atalte sung pan a it sia taw kop nuam bek hi.
Kumh thum bangh ciang picing pheang aa, atui ciang tang 50,000 bangh tui in, nai 48 pan ni 23 sung hai thei hi. A talte in atuite hung uh hi.
Atangpi in kumh 4 pan 15 kilaklaw nungta uh hi. Akum ham bel sia Toad nam sung pan Bufo kici hi aa kumh 40 nungta hi.
Toad nam te sia kumh 7-24 bangh nungta hi.
http://www.defenders.org/frogs/basic-facts
http://www.onekind.org/be_inspired/animals_a_z/frog/
http://www.earthrangers.com/wildwire/top-10/top-ten-awesome-facts-about-frogs/
http://www.sciencekids.co.nz/sciencefacts/animals/frog.html
http://www.livescience.com/50692-frog-facts.html
http://www.allaboutfrogs.org/weird/general/longevity.html
0 comments:
Post a Comment