Laithiangtho (Nahum 3)

1. ___ khua sia Leeilot, tual kithat le suutol nate taw kidim hi. 
a. Jerusalem
b. Nineveh
c. Gath

2. ___te pal tha in mihingte lutu uh hi.
a. Ngalvanhte
b. Mithiluangte
c. Meikaamte

3. Nineveh sia bang taw kitengawt ziam? 
a. Sila vakthaap
b. Tuutal no
c. Pumpi zuak numei

4. Nineveh in minamte bang taw zol ci ziam? 
a. Ai
b. Theamna
c. Thuneina

5. Nile ngun sia kuate atu kidal ziam?  
a. Moabte
b. Egyptte
c. Syriate

6. Kulhpite ___in kho sak vun! 
a. ngalvilna koi
b. ciangthua 
c. uksuang belap 

7. Akuate khaumawte bangin pung uh ziam? 
a. Moab
b. Babylon
c. Nineveh

8. Akuate van aksi sang in atamzaw sumvawtte piang sak ziam?  
a. Nineveh
b. Amonte
c. Etheopia

9. ___  uliante sia khuasik ni in pang tung a bok khaumaw hon khat bang ahi uh hi. 
a. Hebron
b. Nineveh
c. Samaria

10. Assyria ngamukte thi tu thu akua kungah kison ziam? 
a. Kamsangpa
b. Ngam uk lianpa
c. Thianpi te khat

11. ___ ii lal nathu azate theampo khutbeang uh hi. 
a. Jericho
b. Gath
c. Assyriate 

12. Akuate ngitlona bomaw ziam?
a.  Assyriate
b. Babylon
c. Syria




Nahum 3
1A leeilot hat, tual kitha na khuapi,
suutol tu le phuul tu hial bek in hauna taw kidim sia, a lal hi zo hi!
2Ngan no a kisaatna a nging,
leangmui peite nging,
Siphute kitaw vatamh in a nging,
siphu leangte kithing aw ngai vun!
3Siphu ngalkapte in del a,
namsaute tee vazak, teite nizang la vazak!
Mithiluangte kiciang in vum vinvun,
mithiluangte sim zawk pang ngawl-
Mithiluangte pal tha in mihingte lutu uh hi.
4Pumpi zuak nu Nineveh sia daan kipia zo hi.
Dei huai in thina piang sak thei ai taw kidim a,
ama in minamte ai taw zol in sal suak sak hi.
5TOPA Vaanglianbelpa in,
“Daan kong pia tu hi,
Nineveh awng! Na maizum huaina theampo
ngamdangte ii hong mu thei tu in na pumnguak kong koi tu hi.
6Zawnsakna na tungah kong zangh tu a,
a kiihuai ninteak taw kong siin tu hi.
Mihingte in lau in nang hong salh tu uh hi.
7Nang hong mu po nungkin kik tu hi,
Amate in, ‘Nineveh sia zancip zo hi!
Akua in ama hesuak huai sa ziam?
Akua in ama heeneam nuam tu ziam?’ ci tu uh hi” ci hi.
8Nineveh awng, nang sia Egypt khuapi Thebes, sangin pha zaw ni ziam? Ama zongh pang bangin a dal tu ngun khat nei hi– Nile ngun sia ama kidalna ahi hi. 9Ama in Ethiopia le Egypt uk hi, ama vaangletna ciangtan om ngawl hi; Libya sia ama taw pang khawm hi. 10Thebes mite salin kipaipui veve hi. Lampi kingh sim ah a patangte kivellum hi. A lampuite thikkol bul sa in kipaipui a, a mante in hawm tek hi.

11Nineveh awng, nang zongh zu khamin na puk tu hi: Nang zongh na ngalte kung pan suatak natu na hanciam tu hi. 12Na kulhte theampo sia thei min a nga theikungte bang hi tu a; theikungte thing vun, tua hile a nga na kamsung mama ah taak hi! 13Na ngalkapte sia numeite bang hi a, na ngalte mai ah na ngam sia kihukna sel hi. Na kongpite kilhnate sia meikuang in lal sak tu hi. 14Ngalte hong uumci tu kingin kholna in tui toai vun a, na kulhpite ciangthua in kho sak vun! Uksuang vawt natu in buan cil vun a, uksuang kuangte kingin sa in koi vun! 15Bang po na vawt zong hong kihallum veve tu hi, ahibale ngal sungah hong kithatlum veve tu hi. Khaumaw te ii lo ante a khawntum bangin note hong kimaimot tu hi.

Khaumawte bangin na pung uh hi! 16Van a aksite sangin sumvawtte a tamzaw na piang sak hi! Ahizong tu in tuate thot zo a, khaumawte a tha phalin a leang bang ahi hi. 17Na uliante sia khuasik ni in pang tung a bok khaumaw hon khat bang ahi uh hi. Ahizong ni hong sua ciang amate leangin, a zotna mun kuama in he ngawl hi!

18Assyria ngam uk lianpa awng, na ngam ukte thi uh hi, na uliante a tawntung mutthip uh hi! Na mite mualtung tengah ki thezau a, inn ah a ciapui kik tu kuama om ngawl hi. 19Na liam na ma bawl natu om ngawl a, na meimate ki dam sak thei ngawl hi. Na lalcipna thu a za theampo in lungdam in a khutbeang uh hi. A bomaw na ngitlona uh pan, a suakta akua om thong na ziam?

0 comments:

Post a Comment