Laithiangtho Dokna (Hosea 3-4)

1. Akua tungah itna lak tu in TOPA in Hosea sawl ziam? a. Numei paktat b. Israelte kung c. Biakinn naseamte 2. Israelte in amilim biakte tungah bang piak tu thanuam ziam? a. Sapitngaa ko b. Olive thau c. Ngim namtui 3. Hoshea '3' sungah Pathian in Israelte sia bangtaw tengat ziam? a. Numei paktat khat b. Tuu vakthap c. Mitsa 4. Hoshea in ngun dangka sawm le nga le mangtaang hum seau sali taw banghi ziam? a. Numeipaktat lei b. Ngan lei natu c. Biakinn naseamte atu 5. Hoshea in akua ii tungah mawna vawt ngawl in hong ngaktan ci ziam? a. Numei paktat kung b. Israelte tung c. Biakinn naseamte 6. Banghun ciang mate in TOPA ii letsong phate saang tu uh ziam? a. A kiitaak uh ciang b. Akisiik kik uh ciang c. mawmai angaa ciang 7. ___ in TOPA sia Pathian in hong saang ngawl hi. a. Moabte b. Mihingte c. Biakinn naseamte 8. TOPA in Hoshea tungah Thiampite le akuate hoi ngawl ci ziam? a. Kumhpi naseamte b. Kamsangte c. Biakinn naseamte 9. Israelte in bang ahi sak thei pathian zong uh ziam? a. Ahau sak thei b. Ta tam nei sak thei c. Cilesa nopna apia thei 10. Bang in amite ii khuaphawkna nguk sak ziam? a. Kiphatsakna b. Daathamna c. Zu 11. Israelte sia bang nganhing bangh in thinpui uh ziam? a. Sahang b. Nguulciik c. Late 12. Israel mite sia ___ ii ngau tawk hi. a. doai b. duhopna c. milimte


Hosea 3
Hosea le A Thumaan ngawl Numei
1TOPA in kei tungah, “Pai kik tan a, a lawmpa taw palngul mawna a vawt numei tungah na itna lak tan. A milimte sapitnga ko pia thanuam in pathian dangte sang maingat kale Israel mite ka it veve bangin tua nu it tu ni hi,” hong ci hi.

2Tua ahikom tua nu ka lei natu in ngun dangka sawm le nga le mangtaang hum seau sali ka pia hi. 3Khua ngeipi pumpi zuak ngawl le palngul mawna vawt ngawlin kei hong ngakin na om kul tu hi, ama munah ka ci hi; taciang hi hunsung tengin kei zongh in ama ka ngak tu hi. 4Hi bang lian ma in, Israel mite in, kumpi le lampui nei ngawl, sangaw biakpiakna le suangkhuam thiangtho nei ngawl, aisaan natu milim le limte zangh ngawlin hunsau mama sung a nuntak kul tu hi. 5Ahihang Israel mite in amate Pathian TOPA kung le amate kumpi David suan le paal khat ii kung a zot kik tu hun khat tung tu hi. Taciang amate in TOPA kiita tu a, ama ii letsong phate saang tu uh hi.



Hosea 4
TOPA ii Israelte A Mawsiatna
1Hi ngam sungah a teang mihingte tungah TOPA in mawsiatna khat nei hi. Israel awng, ama pauna ngai vun: “Hi ngam sungah thumaanna hi kale ki itna hi kale om ngawl a, mihingte in kei sia Pathian in hong saang ngawl hi. 2Amate in kamciamte vawt a, paltan hi; leeilot a, tualthat a, nguta in, taciang palngul mawna vawt uh hi. Ngamtat siatna khangto a tualthana khat zawkciang khat om hi. 3Tua ahikom ngam kaangko tu a, ngam sungah nuntakna nei theampo thi tu hi. Nganhing theampo le vacimte le ngasa ngangawn thi tu hi,” ci hi.

TOPA in Thiampite Mawsiat
4TOPA in, “Kuama in mihingte mawsiat ahibale, tei heak hen- ka lungkim ngawlna sia noma thiampite tung ahi hi. 5Sun taw zan taw note na khial uh a, kamsangte zongh no sangin pha zaw tuan ngawl hi. Na nu Israel ka susia tu hi. 6Ka mite sia kei hong saang ngawl ahikom a lal hi zo hi. No thiampite in kei nong saan tu nialin ka hilnate nial nu hi, tua ahikom no kong nial a, na tapate ka thiampi tu in ka saang batu hi.

7“No thiampite tam va-ial a, ka tungah na khial va-ial uh hi, tua ahikom na minphatna uh sia minsiatna ka suak sak tu hi. 8Ka mite khialna tung pan hau na hi uhkom amate khial va-ial le na oai uh hi. 9Tua mihingte daan thuak bangma in na thuak tu uh hi! Siatna na vawt hu in kong liau sak tu a, daan kong pia tu hi. 10Note in sangaw biakpiakna pan, na saan uhte na ne tu uh hi. Ahihang na ngilkial veve tu uh hi. Ta tam nei theina milim pathiante na bia tu uh hi, ahihang ta na nei tuan batu uh hi, banghangziam cile note in pathian dangte nungzui tu in kei kung pan na kilee kik zo uh hi,” ci hi.

TOPA in Lawki Biakna Puavawk
11TOPA in, “Zu a lui ahizong, a thak ahizong in ka mite ii khua phawna nguk sak hi! 12Amate in thingbek khat tung pan thu pualaakna ngen hi! Ciangkang khat in amate heak nopte son hi! Amate in kei hong nusia zo uh hi. Pumpi zuak a suak numei khat bangin amate le amate pathian dangte tungah ki aap zo hi. 13Mualliante dawn mun thiangthonate ah amate in sangaw biakpiaknate pia uh a, mualnote tung thingsaang thingboaite nuai ah ngimnamtui hal uh hi, banghangziam cile a lim sia nuam lalawm hi!

“Tua hu in, na tanute sia pumpi zuakte suak a, na mote in palngul mawna vawt uh hi. 14Hi kale, hi sia hu in amate daan pia ngawl tu khi hi, banghangziam cile noma mama zongh biakinn pumpi zuak numeite taw omkhawm in, amate taw lawki sangaw biakpiaknate na pia khawm uh hi. Paunak khat sungah, ‘Khua ngaisutna nei ngawl mihingte kilalcip sak tu hi,’ a ci bang ahi hi.

15“No Israelte in kei tungah hong thumaan ngawl hi ka leute Judahte in tabang mawna nei heak tahen. Gilgal ah ahibale Bethaven ah biakpiakna vawt heak vun, tua ahibale tua munah a nungta TOPA min taw kamciam vawt heak vun. 16Israel mite sia laate bangin thinpui hi. Bangbangin ngantatna lopa hing sungah amate tuuno bangin an vaak thei tu khi ziam?
17Israel mite sia milimte ii ngau tawk hi. Amate lampi tek tawn lel tahen. 18Zu tam mama a neak zawkciang amate pumpi zuakna taw a lung uh kim hi, minphatna saang minsiatna dei zaw uh hi. 19Amate vuipi seam bangin kiseamkeak tu a, a lawki sangaw biaknate hangin amate a mai uh kizum sak tu hi.

0 comments:

Post a Comment