Laithiangtho Dokna (Micah 7)

1. Sapit theampo le theinga lim theampo ki___ zo hi.
a. kilo tum
b. zuak siat
c. netum siat

2. Misim in tual thalup thei natu bang ngak ziam?
a. hunpha
b. thupiakna
c. thinsiatna

3. Amate siatna vawt tu___ siat uh hi.
a. kita
b. thiam
c. nuamsa

4. Uliante le thukhen maangte in ___ ne uh hi.
a. mihingsa
b. sumnguk
c. uisa

5. A pha belte le a thumaan belte ngangawn ___bangin mannung ngawl uh hi.
a. ui vakthaap
b. tale kung
c. lopate

6. ___tungah na pauna ngangawn kidawm in.
a. TOPA
b. Na tate
c. Na zi

7. TOPA tungah ih khial zo hi, tua ahikom tu in ___ tawm vei ih thuak kul tu hi.
a. ama thin uukna
b. ama hong hilna
c. ih khial nate

8. Leitangh sia a tunga teangte ngitlo khansiat hu in ___ ngam suak tu hi.
a. senneal
b. kongaw
c. kiphatsakna

9. Bashan le Gilead ngamte sia ___ hi.
a. niin
b. angam pha
c. ngan khawi natu hoi

10. Micah in banghun lai TOPA ii nasep bangh amate tungah seam le uk ziam?
a. Noah
b. Egypt pan pusua lai
c. David le Solomon

11. ___nong lakna ah nuam na sa hi.
a. A khialnate
b. Thumaan
c. Nong itna kip

12. Ka khialnate na peang nuai ah na siikcip tu a, ___ah na khiasuk tu hi!
a. lei tawdap
b. tuikhuuk sung
c. tuipi taw

Micah 7

Micah 7
Israelte ii Ngamtat Siatna
1Ka lametna bo hi! Thingnga pangh sa le sapitnga thot sa a vil mihing ngilkial khat taw ka kibang hi. Sapit theampo le theinga lim theampo kilo tum zo hi. 2Ngam sungah thumaan mihing khat zongh om nawn ngawl a, Pathian tungah kuama thumaan ngawl hi. Misim in tual thalup thei natu hunpha ngak hi. Misim in a ngam mipuite savai bangin vai hi. 3Amate siatna vawt tu thiam siat uh hi. Uliante le thukhen maangte in sumnguk ne uh hi. Mihing thu nei khat in ama uuk teng amate tung son a, tabangin amate vaihawm khawm uh hi. 4A pha belte le a thumaan belte ngangawn lopate bangin mannung ngawl uh hi.

Pathian in amate a cing kamsangte tungtawnin amate a hilkhol bangin ama in mihingte daan a piak tu ni hong theng zo hi. Tu in amate lungmang uh hi. 5Na innpaam sia um heak in a, na ngualtam zongh muang heak in. Na zi tungah na pauna ngangawn kidawm in. 6Hi hun sungah tapate in a pate sia a mamaw bangin vawt a, tanute in a nute langpan uh hi, mothakte in a tonupite taw kihau a, mihing khat ii ngal sia ama innkuanpuite ma ahi hi. *

7Ahizong keima in TOPA ka zong tu hi; kei hong hun tu Pathian thin muang takin ka ngak tu hi. Ka Pathian in kei hong za tu hi.

TOPA in Ngupna Hong puak
8Ih ngalte in ei tung a hong kisuan natu thu nei ngawl hi. Ei ih pukvawk zo a, ahihang ih tho kik tu hi. Tu laitak khuazing sungah ih om a, ahihang TOPA in khuavak hong pia tu hi. 9Eite in TOPA tungah ih khial zo hi, tua ahikom tu in ama thin uukna tawm vei ih thuak kul tu hi. Ahihang a tawpna ah ama in eite hong dal tu a, ei tungah hong tat khialnate thumaan taw hong lai sak tu hi. Ama in khuavak sung hong then tu a, hong ngupna ih mu dong ih nungta tu hi. 10Taciang ih ngalte in hi sia mu tu a, amate ki maizum sak tu hi– “TOPA na Pathian uh koisung a om ziam?” ci in hong tatawte ma hi tu hi. Amate ngallelna, lamlai buan bang a kitotcil nate ih mu tu hi.

11Jerusalem mite awng, khuapi luphungte cian kik tu hun hong theng tu hi. Tua hun ciang na ngam kikeak tu hi. 12Na mite mun theampo– nisuana Assyria pan, thangsang Egypt pan, Euphrates Ngun ngamkuam sung pan, tuipi ngalkhat pan le tawngpalek mualte pan no kungah hong heak kik hi tu hi. 13Ahihang leitangh sia a tunga teangte ngitlo khansiat hu in senneal ngam suak tu hi.

TOPA ii Israel A hesuakna
14TOPA awng, na teal sa mihingte tungah tuucing khat hong hi tan. Amate in dui sungah a tatuam in teang hi kale, a kiimkot ah leihoi om hi. Nidang tawng lai a kivaak bangin ngam phana Bashan le Gilead ah amate pai in kivaak tahen.

15TOPA awng, Egypt pan nong pusuapui lai hun a na vawt bangin kote atu in na lamdang vawt in. 16Minamte in hi sia mu tu a, a thahatna theampo kawm pan a lungmang tu uh hi. Thin kiamin amate a kam im tu uh a, a bilte hum tu uh hi. 17Amate leivui sungah ngulte bangin bokvak tu uh a, a kulhpite pan liingin lauin hong pai tu uh hi. Amate in ih TOPA ih Pathian kungah kiitakna taw hong heak kik tu uh hi.

18TOPA awng, nang bang ahi pathian dang om ngawl hi; a nungta lai na mite ii khialnate na mai sak hi. A tawntung in thin uukin na om bua a, nong itna kip nong lakna ah nuam na sa hi. 19Nangma in kote khat vei ma nong hesuak kik tu hi. Ka khialnate na peang nuai ah na siikcip tu a, tuipi taw ah na khiasuk tu hi! 20Taanghlai ih pute tungah na kamciam bangin Abraham le Jacob ii suan le paal na mite tungah na thumaanna le na it tawntungna na lak tu hi.

0 comments:

Post a Comment