September 16 Malaysia Ngam Lungphona

Malaysia ngam ah Sep 16,2015 T-shirt puan san silh te ii lungphona vai sia, Sen minamte dei ngawlna thu kician sak hi.

Adeipi uh sia KL khuapi sung China Town ah Sen minam saite phiatnuam ahikom, Lungphona ah alampuipa Datuk Jamal Yunos in "Nisali sung hi Sen saite aphiat bua leh keima ma lampui in mipi sosang sak tu khi hi" ci hi.

Tuni lungphona sia mipi 250,000 pha in kison aa, thileliam om ngawl buang hi.

Nitak sang pawl ciang Kotaraya shopping mall naina Sente vanzuakna lampi Petaling street sung atumsawm Malayte Palikte in khaam ahikom, tawm cik kibuai man uh hi.

Jihad te bangh phial hi ci'n kison hi. Allah Akbar ci Arab kam taw "Allah lian hi" ciin au uh hi.

Nitak khuaziin kuan ciang, amate san tek ah cia lialua uh aa, nitak nai 8:35 pawl in mawtaw lampi tungah angei bangh in mawtawte vak/ cia kik uh hi.








0 comments:

Post a Comment