Abraham, Isaac le Jacob Thaan Ah Buaina

Israel ngam Hebron "Cave of the Patriarchs" ah, Oct 29, 2015 (nilini) in Palestinete 2 sia Israel ngalkapte ii kaalup thuak hi.

Santali om Israel ngalkap khat sia kumh 23 pha palestine khat in naam taw alutang pan holh in , tuazawk Israel ngalkap  adang khat ahol sawm laitak in, Israel ngalkapte in ama kaaplumh hi. Alutang pan holh thuakpa sia tawm bek liam hi.

"Cave of the Patriarchs" sia Laithiangtho (Piancil 23:15-17) sungah akiat Abraham in nguntang zali taw aleina munh  Abraham le zi Sarah, Isaac le zi Rebecca, Jacob le azi  Leah te kiphumna munh hi. (Jacob zi Rachel sia Bethlehem ah kiphum zaw)

Palestine athi adangkhat sia Israel ngalkapte naam taw holhlup sawm ahihang ama kikaaplumh zaw hi.

Hi munh sia Muslim le Israelte atu munh thiangtho in cheptee khopna mun hi aa Muslimte in al-Ibrahimi mosque ci biakbuk khat nei hi.

October thasung Palestine te in naam toai mihing 37 sia Israel ngalkapte ii kaalup thuak zo in, 20 sia Israel ngalkapte taw kibuaina sung kaalup thuak hi. 

Hi bangh in thina sia Israelte in, "PALESTINE-TE II NGILO Hang" ci ahihang, Palestine te "KUMH 50 SUNG ISRAEL-TE II NGAM SUUTOL HANG" ci in ngaw hi.







0 comments:

Post a Comment