ZRO Presidentpa Kidei Nawn Ngawl



Tulaitak Lamka sangpanh thuthang khat sia, Zomi Re-unification Organization / Zomi Revolutionary Army ii Chairman kidei nawn ngawl aa, ama chairman aseam lai leh, mipi in huuna sum pia nawn ngawl tu ci thu hi.

Adei ngawlna ahang sia tunung August thabo aa, Lamka khawk pan Manipur state parliament MP te ii Inner Line Permit taw kisai thukimpuina sign avawt na ah, ZRO / ZRA in mipi sang panpui ngawl aa, MP te sang panpui dan in mu uh aa, Mipi le palikte buaina sung athi/ aliam te tungah zongh phunna pauna nei ngawl ahikom, mipi ii iitna kiam tuam hi.

Inner line permit in, Meitei minamte sia Lamka khawk ah ten thei natu awina akibang thukimna khat ahikom, Lamka ah Meitei te sia kidei ngawl hi.

Tua ahikom, Lamka khawk numei kipawlna Zomi Mothers Association (ZMA) in amate ii ngaa sum sung panh apiak tawntung kipawlna sum sia ZRO ah Pu Thang Lian Pau ii sep sung piak sawm ngawl in Oct 19, 2015 Lamka leitual (Public Ground) ah kikhopna sung thukimna nei uh hi

ZRO / ZRA sia Lamka sangah Zomi sung buaina (1996-1997) a om lai in, Lamka khawk om Zomite ahung tu in panpuina nei aa tua pan hong thahaat vaial hi.

2007 kumh ZRA Propaganda Video khat in Kawlngam sang om Tedim mite in hong kihe zaw hiat aa, tulaitak ZRO/ ZRA ii policy tel meal ngawl aa, ZRA in CNF alangpan tu babek asa pawl ki om ahihang, ZRO/ ZRA le CNF sia kizopna zongh om nginge hi.

2 comments:

  1. Lung kim ngol na a tam ta zong a inn Hal sak pai ci te ei dan le Pathian dei na a tu tam ci nop huai sa ing e lawm te aw.

    ReplyDelete
  2. Lung kim ngol na a tam ta zong a inn Hal sak pai ci te ei dan le Pathian dei na a tu tam ci nop huai sa ing e lawm te aw.

    ReplyDelete