Aksi Naak Nei Ngalvang Nam

Star nosed moles kici te pawl sia zunam bangh aa, leisung kuanei ngalvang nam khat hi. 
America nisuana saksang (North East) le Canada ngam tui taw pi 1200 akikhuala lei dapna ah om teang thei uh hi.

A kua sia letmat 3 zai in, pi 800 val sau in to uh hi. 
Anaak (nose) sia aksi bangh in palh aa, apumpi sia letmat 7 bangh sau in, apumpi ii ngitna sia 75 gram bangh ngit hi.
Asam tom in, apeangcin te sau aa, amul sia vom pian hi.
Phalbi hun ciang amei (tail) sia aphak ngei za sang in aza li bangh lian hi. 
Anaak pan sameang (tentacles) te in  setkan khat sung athutha na nam 12 bangh sia tel papai hi
A anneak sia lungno, tohtol, tangteal ne hi.
March 15 pan April thabo dong khawng sia ahuuk hun hi aa, ni 45 zawk June tha sung ano suak uh hi.
Ano asua ciang atawm bel 2 le atam bel 7 nei thei hi.
Apuite in ano suak tu hun, June tha ciang ano anei bua leh, atalte taw omkhawm kik aa, July thabo ciang ano nei kik uh hi.
Asuak lian in, anaak sia palh pai ngawl aa nipi nii zawk ciang aksi bangh aa palh pheang hi.
Ni 30 zawk ciang apui taw kikhen aa, tha sawm aphak ciang picing in kingaisun hi.
Kumh 3 bangh nungta uh hi.


Acingzaw in : http://www.biokids.umich.edu/critters/Condylura_cristata/

0 comments:

Post a Comment