Einstein Thu Sim Hamtang Tawng


Apianna sia Ulm, Württemberg, Germany hi aa apian ni sia March 14, 1879 kumh hi.

Jew minam hi aa, apa min sia Hermann Einstein hi in, sumbuk hong aa, engineer khat zongh hi si hi. Suapui numei khat nei hi.

Ano lai Elementary saang Luitpold Munich khua Gymnasium kaa in Violin tum sia nuam sa hi.
Apa ii sumleang nasep sumh ahikom Milan, Italy, ah 1890 June tha khawng in peam uh hi. 

November, 1915, ciang ama ii general theory taw kisai man thiang hi.
20th century sung Physic taw kisai Atomic Energy hang in akizakta mama khat hi. 1921 kumh in physic taw Nobel Tel ngaa hi.
Ngalkap tum nuam ngawl ahikom paulap zonna in patauthei natna ci in syavuan lai khat vawt tawm hi.
Switzerland ah pai in polytechnic saang entrance ahuan le ong in kaa thei hi.

Asaang syapipa tanu Milena Maric taw kidei in Jan 6, 1903 kiteang aa tapa nii nei hi. ( Hans & Eduard) 1919 kumh ciang azi taw kikhen uh hi. Ahihang Nobel tel angaana pan asumte azi ii lua thei tu a vaihawm pui hi. 

1933 Oct 17 ni USA ,New Jersey state ah refugee taw peam aa, Princeton khua ah Institute for Advanced Study vawt tu in panmun ngaa aa tuazawk ciang teang suak hi.
1935 ciang US ah Permanent Resident ngaa a tuazawk angeingawl in citezen ngaa hi.

Löwenthals taw kiteang kik ahihang 1936 kumh in kikhen kik aa tua kumhbin azikik thi hi.
Ama ii Math equation E=mc2 ( thil no cik khat in power ahaat mama khat suak thei) sia hong minthang vaial hi. ( atomic power)

Physic taw kisai thusonna ngam tatuam ah hilhna nei in avaak kakawi lai tak Adolf Hitler in ama ii theory sia "Jews Theory" ci in selno hi.

1939, kumh in alawmpa Leo Szilard taw President Franklin D. Roosevelt tungah la Nazi te bomb alauhuaina thu son aa Nuclear bomb vawt tu in kun uh hi.

Japan Heroshima bomb akikhiat zawk ciang Einstein sia min ngaa vaial hi.

1955 April 17 nitak in Israel ngam suataak kumh sali cinh a thuson natu akingin laitak chingui natna nei in puuk hi. Surgery vawt tu uk ngawl in "Ka sep tu teng seam zo ing , ahun tu ciang cia nuam tu khi zam" ci aa April 18 zingsang ciang thi hi.

Athi ciang Dr Thomas Stoltz in a innkuanpuite ii awina om ngawl in doctors of neuroscience saangpatangte ii study vawt thei natu Einstein ii thuak laaksak kuu aa tunidong New Jersey Princeton University Medical Center ah kikeam lai hi.
Ama ii uuk ahi aluanghawm sia meitaw haal in avaam sia ki the kakawi sak hi.

0 comments:

Post a Comment