Russia Ngalvanleang Le Helicopter Kaap Vawk Thuak

Syria ngam le Turkey ngamngii ah aleang Russia SU-24 ngalvanleang khat sia, Turkeyte in nipizawk niniini kaapvawk sak aa, tua ngalvanleang hawlpa azong Helicopter khat sia Syrian kumhpi langpan hiamtoaite kaap sak hi.

Turkey ngam sia USA, UK, Pyintit, Germany, Canada etc.. taw NATO ci'n ngam 30 ii kipawlna nei aa, NATO le Russia sia Syria tualngal ma pek in zongh aki-el papian hi.

Syria tualngal sungah sia USA le Europe ngam pawlkhat in Syria kumhpi langpan te huu aa, Russia in Syria kumhpi panpui hi. 

Russia in USA ii panpui hiamtoaite zongh bomb khiat aa, ISIS kici te pawl zongh bomb khiat hi. 

Nipizawk niniini in, Turkey ngii sungah atum tha, Russia ngalvanleang sia se, ngii kaantan in kison hi, Turkey ngalvanleangte in kidop natu thu 10 vei son aa, awlmawk ngawl in ci hi. Tuaahikom Turkey te in tua ngalvanleang SU 24  sia kaavawk sak aa, Vanleang hawl 2 sia thi  hi.

Tua vanleang hawlpa azong helicopter khat zongh U.S. ii panpui hiamtoaite in kaa vawk sak thua lalai ahikom, Russia president Putin in athusonna ah, "ka nungzang uh pan naam taw hong kiholh hi" ci aa, Kaapvawk thuak ngalvanleang sia in, Syria ngii kaantan in Turkey ngii sungah tum ngawl hi ci vave hi.







0 comments:

Post a Comment