Cassowary Vacim Nam

Cassowary sia aleang thei ngawl vacim nam in kisim aa, nam thum bangh pha uh hi.
New Guinea le Australia ngam saksang (nguatui om - khualumna = tropical rainforest) ngam tawngtolna ah kimu aa, ci tawm peuma zo in ahai ngawl abo thei tu nganhing nam khat hi.
Atun sang bel te pi 6 bangh sang aa, pound 129 bangh ngit uh in, apuite sia atalte sang in lianzaw hamtang hi.
Ostriches (Kala-uh Vacim) nam le Turkey vacimte taw kibang dektak ahihang amate sia amul vom aa, aci vanci (blue) bangh hi in, alutang le angawng sia san pian hi, apheizaang sia vanci le akang hi in apeangpaak sia vompian (grey) hi. Alutang le angawng sia ama ii tat zia taw kizui in aci (color) kilaih hi. 
Ak bangh in alu tung ah suangh (crest) nei in letmat 6 bangh sau hi. 
Thingngaa, ante, thingmuu le nganhing no, lungno ne in nungta hi. (Omnivore) 
Amit ciim in, abil pil peuma aa,  tai 3 bangh akikhualana pan aw nging ngangawn tel ci hi.
Naikhat tai 30 thet thei natu dong manlaang aa, pi 5 asang dong leangto vaset thei bek domh ngawl tui-op thei luilamh uh hi.
A eak sia thingkungte atu pha peuma ahikom huancing vacim ci leang uh hi.
A huuk hun sia June - October sung hi aa, tua hun ciang atalte in abuu sa in tuamun ah apuite tang 3-8 bangh tui aa, atuite sia ahing(green) le vancii (blue) dan vo hi.

Atui (egg) le ano akeu ciang a encik tu sia atalte ou zaw aa, ni 50 dong atalte anote taisan ngawl hi, kumh khat aphaak dong atalte taw kithua uh in tua hun sung, anzon tu dan kisin uh hi.
Athi pal bel leh kumh 12 nungta aa, atambel kumh 19 nungta uh hi.

0 comments:

Post a Comment