Nga-mealsia(Blobfish) Thu

Blobfish akici ngasate sia amu ngei mihing kitawm mama hi, Australia ngam,  Tasmania le New Zealand bek ah om hi.

2013 ciang  "Ugly Animal Preservation Society" in hi ngasate sia vote taw khensat sak aa ngasa sung pan ameal sia bel "nga-mealsia bel" ci in kicamte hi.

Anak sia mihing nak taw kibang bek domh ngawl, ahun sia mihingte taw a cii (color) kibang hi.

Apumpi alianbelte sia pi khat bangh pha uh hi.

Thangui (muscles) nei ngawl in, tui sang in zaang aa, tuitung ah ta thei in, tuipi tawdap pi 2,700 athuukna ah zongh ta thei uh hi.

Aneak ante sia, mitang taw zongh akimu thei vazeang ngawl lungno te ne in nungta uh hi.

A anneak tu zong in akikhiin bua na leh, Mun khat babek ah athi dong om suak uh in, neak tu nei ngawl aa athi zongh om uh hi.

Ngasa dang taw kibang ngawl in huibung(fishbladder) nei ngawl hi.

Asa lim ngawl in kidu meal ngawl ahikom, ngasa mante in ngeen sung a awk le zong tha kik papai uh hi.

Apuite in atui ciang tang tulval bangh tui in, atuite sia tui tungah kilaam aa, apui in atuite cing hi.

Scientistte in hi nga-mealsia (blobfish) te sia kumh 130 bang peuma nungta tu in lam en uh hi.



0 comments:

Post a Comment