Nitumna Luphung or Western Wall

Israel ngam Jerusalem khuap ii  Nitumna Luphung or Western Wall, sia "Kotel" zongh kici aa, khuangaithu pholaakna munh zongh kici hi. 

19 BCE hun khawng in Herod kumhpipa maan sung asak ahihang man ngawl ama thi zawk 4BCE ciang man pheang hi.

Biakinnpi ii nungsang ahihang aa, nitumna luphung (Western Wall) kina hi.

16th century hun khawng in thungetna munh in kizangh hi.

19th century zawk ciang Jews te in hi mun sia leisawm ahihang ngaa zo ngawl uh hi. 

1929 kumh in, hi munh hang in, Israel le Arab te tualngal om in, Israelte 133 thi in, 339 liam law uh hi. 

1948 Arab-Israeli ngal zawk ,Jerusalem sia  Jordan ngam in uk aa, Jerusalem khuapi lui pan Israel theampo kihawl keak siat hi. Ahihang ni luk ngalkidona hun sung 1967, Israel te khutsung theng kik hi.

Biakinnpi pan ngim namtui akihalte sia, Pathian in, hi nitumna luphung ah koi ci in umh ahi uh kom, hi mun ah thungetna vo nei uh hi.  Jews te ii zui tu thukhaam sungah Jews ahi na leh, apuan balkeak in hi mun ah khuangai tu ci hi.

Hi mun-ah akikoi lai nengte sia, kumh 2 ciang khat vei vo kikaikhawm in, Olives mual ah kiphum hi. 

Src: Wikipedia, hftm, tobyslearningemporium

0 comments:

Post a Comment