Malaysia Kawl Embassy Mai Ah Lungphona

Malaysia ngam, Kawlngam embassy zumh naina ah July 15 , 2016 ni in Malay minam 400 khawng in, "Kawlte dei ngawl" , "Kawlte cia kik vo" ci au in lungphona nei uh hi.

Malay kumhpi ii langpang Islamic Party (PAS)le  People's Congress party te lampuina hi aa , Kawlngam ah abiakna kibanpui Muslim kivawtsia in, tulaitak thunei kumhpi in Muslim te atu huuna banghma sep sak ngawl ahikom lungkim ngawl ci hi. 

Kawl embassy mai ah lungphona a nei nuam khat pawpo sia Malay thuneite in, embassy zumh mai le zumh taw aki nai mama na awi ngawl ahikom embassy pan meter 500 akikhuala na ah sun nai 1:00 - 3:30 dong lungphona nei sak uh hi. 

Hi lungphona aneite sungah Kawlngam pan muslimte kihel ngawlin kison aa, Malay minam sinsen vo ci hi.

Lungphona anei zawk uh ciang, amate ii ngetna teng sia, Embassy zumh mai ah laibung sungah koi uh hi.

‪#‎CentralNewsMyanmar‬

0 comments:

Post a Comment