Tutuung Malaysia om Hiangzing khua Pa Thuam Khup le Nu Cing Za Man te tapa Tg. Pau Lam Thang@ Jhon Lamh in Malaysia ngam Limkokwing Univerisity pan Web and Interactive Design taw Professional Diploma khat hong ngaa thei in thudokna na nei thei ing:-
TTT: Tutuung degree sia bangbangh ngaa thei ni ziam?
Jhon Lamh : 2014 kum December tha sung apply ka vawt se hong sang pai hi, UNHCR sang pan interview 2 vei Limkokwing Univerisity pan 2 vei hong sam hi, Tuazawk te mi khat le khat education level ki bang ngawl na taw le Malaysia kum pi sang pan legal tak a kaa thei natu UNHCR taw signature nei ngawl lai a hikom ka course zong se hong lai sak kik man lai hi.
TTT: Banghun pan kaa aa, bangni in graduate nu?
Jhon Lamh: 29th June 2015 class ki pan 14th Dec 2016 ni graduation
TTT: Sponsorship bangbangh zia?
Jhon Lamh: Sum bona banghma om ngawl hi.
TTT: Mailamsang bangbangh zomh thei lai tu ni?
Jhon Lamh: Sang nei pa Limkokwing Tansri na a zom suak nuam lai teng a ngei bang ma Scholarship pia lai tu khi ci
TTT: Khangnote bangbangh dan hanthawm nuam ziam?
Jhon Lamh: Khang no te se hi thei le kua ma po sang hoi na ma kaa hamtang zo leang ci hanthawn nuam ing . Banghangziam cile sum tam bona kuama na ki kaa ngam ngawl het si ate, saang min ngaana leh ngaa ngawlna se ki lamdang lilim hi.
TTT: Adang bang na son thua nuam ziam?
Jhon Lamh : India pan sang ka zop zawk non ngawl ciang khuangai peu ma hi ka leang. Pathian hong henepna taw mipil mihau te kaana saanginn hong kaa sak ahikom Topa min pok ing.
TTT
0 comments:
Post a Comment