Laithiangtho Dokna (Amos 2)

1. Edom kumpipa ii ngute sia bangba kivawt ziam?
a. Tui sungah kivawk
b. Vut suak sak
c. Kumpiinn sungah koi

2. TOPA in Kerioth kulhpite ka___tu ci hi.
a. pua kik
b. haltham
c. hung

3. ___ in Jerusalem kulhpite hal sawm hi.
a. Armonte
b. Philestinete
c. TOPA

4. TOPA in Judah te banghang in dan pia ziam?
a. Mawmai sak nuam
b. Amate khial kikik
c. A itna lak nuam

5. Leiba taangin alaak puante tungah ___ lumh uh hi.
a. thiampite
b. pasalte
c. patangte

6. Leiba taangin alaak zute koisungah ne uh ziam?
a. Luphung tungah
b. Camel mualah
c. Biakinn sungah

7. Ceder thingkungte sia ___ hi.
a. tom
b. sang
c. pi 20 kaan ngawl

8. Senneal ngam sungah kumh bangza hai uh ziam?
a. 400
b. 70
c. 340

9. Senneal ngam pan apusua zawk ____ ngam TOPA in pia hi.
a. Moabte
b. Syriate
c. Amorte

10. Nazirite te in ___ thei ngawl hi.
a. ngan ngo
b. zuu ne
c. a sam hawi

11. TOPA kammal sia ___ in za nuam ngawl hi.
a. Thiampite
b. Israelte
c. Levite

12. Israelte ___ bangin mau tu kici hi.
a. Nau ngil neite
b. Ngilkial nausen khat
c. Vanh akhop leang

1TOPA in, “Moab mite khial kikik khial kikik ahiciang amate daan ka pia tatak tu hi. Amate in Edom kumpipa ii ngute sia, zawnsak vawtna taw haltham a vut suak sak hi. * 2Moab ngamah meikuang ka khiak tu a, Kerioth kulhpite ka haltham tu hi. Ngal kisimna sungah ngalkapte au a, lemle tumin kisimna aw sa lialua sungah Moab mite thi tu hi. 3Moab ngam ukpa le ngam lampuite theampo ka thatlum tu hi.” ci hi.
Judah
4TOPA in, “Judah mite khial kikik khial kikik ahiciang amate daan ka pia tatak tu hi. Amate in ka hilnate zawngsak a ka thupiakte zui ngawl uh hi. A pute ii biak a maan ngawl pathiante ma in amate lam pial sak hi. 5Tua ahikom Judah tungah meikuang ka khiak tu a, Jerusalem kulhpite ka haltum tu hi,” ci hi.
Israel tungah Pathian ii Thukhenna
6TOPA in, “Israel mite khial kikik khial kikik ahiciang amate daan ka pia tatak tu hi. Leiba a lo zo ngawl mihing thumaante, a peangdap kop khat ii man ngangawn a lo kik zo ngawl mizawngte amate in salin zuak uh hi. 7Amate in a thaneamte le a cimawte tuanpeak a, mizawngte lamhui ah sawnvawk uh hi. Sal numei khat sia a pa le a ta in khial puikhawm a, tua bangin ka min thiangtho dai sak hi. 8Biakpiakna mun theampo ah, a zawngte tung pan leiba taangin a laak puante tungah pasalte lum uh hi. Amate in lei a bate tung pan a laak zute, a Pathian biakinn sungah ne uh hi.
9“Hi zata hi napi ka mite awng cedar thingkungte bangin saang a, limthingte bang a, a thakho, Amorte ka suk cimitna sia noma kong khualna ahi hi. * 10Egypt ngam panin kong pusua pui a, senneal ngam kantan in kum sawmli sung lam hong pui in, taciang noma atu in Amorte ngam kong pia hi. 11Na tapate pawlkhat kamsang tu in ka teal a, na khangmoi tangval pawlkhatte Nazirite tu in ka teal hi. Hi thute thutak hi ka na ngawl ziam, Israel mite awng? Keima TOPA in ka ci zo hi. * 12Ahihang tua Nazirite te zu na ne sak uh a, ka thupiak kammalte son ngawl tu in kamsangte thu na pia uh hi. 13Tu in note lei ah kong henpeak tu a, antang a dimin a kiheang leang khat bangin na mau tu uh hi. 14Tai manlangte zongh suakta ngawl tu uh hi, mihing thakhote a tha bo tu a, taciang ngalkapte in amate nuntakna uh hu zo ngawl tu uh hi. 15Thal toaite in nalh zo ngawl tu a, tai manlangte suakta ngawl tu a, siphu tung a to mihingte in a nuntakna uh suatak ngawl tu uh hi. 16Tua ni in a hang bel ngalkapte zongh a ngalhiam khia in tai tu uh hi,” ci in TOPA in son zo hi.