Mosul Khuapi Pan ISIL Te Bo

ISIL (Islamic State of Iraq and the Levant) ii khuapi kip mama in akison Iraq ngam Mosul khua sia  July 10,2017 ni in Iraq kumhpi le Kurd minam hiamtoaite khutsung theng kik hi.

Hi khuapi sia Oct 16, 2016 in ISIL te khutsung theng aa, tha 8 le nipi 3 le ni 3 sung ISIL te khutnuai theng hi.

Nidang Jew minamte tualtat ngeina khua khat hi in, 1950 ciang Israel ngamah cia kik siat uh hi, khuapi sungah 1,500,000 bangh om in kison aa, tapidaw sia 100,000 val tu ahihang, IS te hong maan ciang Tapidawte taisiat uh hi.

ISIL te uk sung khuapi sungah mi 200,000 bangh bek om lai in tha 8 sung athi sia avekpi 2000 val tu in ki umh hi, (2017 March dong 1793)

Khuapi ngaa kik natu in, Iraq ngalkapte, Kurd minam hiamtoaite, USA huuna taw CJTF te(Combine Join Task Force), Iran te huuna taw Hezzebolah in hanciam aa, ISIL taw kido uh hi. 

Ngalkap phaza
- Iraq kumpi ngalkapte sia  54,000 , Kurd te sia 40,000, USA te huuna taw CJTF te sia 450 pha uh hi
- Alang ISIL te sia 10,000 bangh pha in ngamdang pan ahuungiat tu aa akuan sia 1,000 bangh pha ci hi. 

Athi
- Kidona sungah ISIL te sang athi sia 10,895 pha aa,
- USA te sia 2 thi in,
- Iraq ngalkapte sia 980 thi
- Kurd  te sia 33 le
- Hesbollah te sia 3 thi in kison hi.

Ref: CBC, News Arab, BBC, Wikipedia, Aljerzeera