Malaysia To Australia Update

Malaysia pan suutpom vai taw in Australia pai thei na sia a hun zui in kikheal tan hi. Kum khat le kum khat zong kibangh ngawl hi. 

A hun zui keima muna anuai abangh hi.

2009-2010 hun lai in Pu En Za Pum ih hanciam pui na taw private sponsorship Visa taw in pawlkhat kitheng thei hi.

2012 ma sia teng sia UNHCR te thuthiamna taw amate in hong puak thei hi. (Private Sponsorship Visa sia hong/khak sia tel bong ahihang kuama in ki vawt ngawl hi.)
2013-2016 kum ciang private sponsorship visa sia kitin tek in UNHCR Card tawi lilim (Refugee+Asulym seeker) Australia ah Nu le Pa, Suapui laingui zom teng ki pai hon hi. Pa unau le lawmtam te sia 2014 kum in anga ki om ngawl hi.
2016-2018 kum hong thet ciang sia Pa Unau khongte 2014 kum in kinga ngawl ahiman kuama in kikin zo nawn ngawl ih om laitak in Australia ah innkuanpui nei UNHCR card tawi ngawl Community card (SOM+ACR+ZAM+CRC) tawite hong leang leleu hi. Innkuan pui nei Community card tawite bek dom ngawl, Cousin, Friend taw akisam te zong hong senpyi in kileang tek ahiman kitin kheukho in Sizaang sung pan zong tuni dong ciang kitat ngawl lai in VISA ngak, Tintan kaa, Thisit man, Embassy man kitam peuma ih mu thei thu hi.
2019 Kum hong theng in, tusia Malaysia Australian High Commission ah aseam Officer te ih son na bangh hi le Innkuanpui anei hang Community card tawite sia kitin thei aa, ahihang anga tu sia haksa tu ci in son nim na nei hi. Tusia ahiman 2019 kum pan sia UNHCR card tawite atu lametna tam zaw ci in kimu thei hi. (Malaysia athengsa community card bek tawite zong thinkiam pai tu ngimna hi ngawl hi.)

Heaksaknopna

Tulaitak Malaysia pan Suutpom vai taw Australia pai theina sia UNHCR card nei ngawl po haksa tu ahiman kawlngam pan Malaysia tawn in Australia apai sawm lai ih om le Malaysia tawn sese ngawl in Kawlngam pan direct kisam zaw leang ci deisak na tawh keima mu na hong at ing. Banghang ziam cile Malaysia ah banghma tawi ngawl in om tu sia kimat kihen tam va ail ahiman haksatna thuak tu lau huai hi.
2019 kum pan in Australia kumpi in zong Nule Pa visit taw in sap thei na tu zong hong vaihawm sak zo ahiman a lungdam huai thu hi.


Telthua nop aom le messnger pan ahizong phone taw ahizong contact tavun!

Laiat
Minamte atu veina kiing khat pan,
Daniel Lian Khawm Mung
(Secretary@Siyin Organization of Malaysia)
Kuala Lumpur, Malaysia
Gmail: danielliankm@gmail.com
Messenger: Daniel Lian Lian
Phone: +6011-1775 1705

0 comments:

Post a Comment