Sizaang Innkuan ( Adelaide ) taw ki mu khop na

Kum Thak Holiday sung, South Australia State te ii khuapi a hi, Adelaide Khuapi ka haw na sung ah, Adelaide khua om, Sizaang inn kuan te in, 5 Jan 2020 ni ni taak nai 7-9 pm sung, Pa Deny te inn ah topui na le thu ki kup khop na hong nei pui thei aa, Sizaang Innkuan ( Adelaide ) te ii kal suan zia tu zong tam ma hong son a hi man , tha nga huai mama hi. Sizaang innkuan te kal suan tu zia a tom in:
1. Adelaide khua ah Sizaang mi a peam a om le, An tang ip khat le Sathau Bung khat Sizaang Innkuan pan vai muak na nei tu
2. Kawlngam pan Sizaang mi Sia/Pastor te a khat vei na a hi le Lovegift pia tu
3. Suapui laizom Nu le Pa te in hong nu sia le Innkuan khat in thingal na $100 veu pia tu
4. Nau ( Taa) nei thak te $100 taw lung dam pui na nei tu
5. Zato lum te $100 taw siat bat tu
6. Inn Thak nei( inn lei te) an tang ip khat le Sathau 5kg taw lung dam pui tu ci bang dan in na kal suan u hi.
Tua bek dom ngawl Adelaide khua pi ah inn lei ngeingawl lai te , $3000 Deposit taw inn thak sitset khat ki lei thei bek dom ngawl , Kumpi hu na ( Centrelink) sum lut bek taw zong inn ki lei thei ci thu zong om hi.
Tu lai tak Adelaide khua ah, Sizaang mi inn (10) , a mimal in 32 pha u aa, tua sung ah inn nei sa inn 3 pha zo hi.
Tulai tak pan mun nei teng in:

President - Pa Kap Pu ( Thuklai)
Secretary - Pa Pau Mang ( Thuklai)
Treasurer - Pa Hau Kok ( Limkhai)
Elder - Pa Paupu ( Buanman)

Lamhkim ( Melbourne)