U.S. Indiana Ah Sizaangte In Biakinn Khat Kingaa

USA ngam , Indiana state ah American Baptist Churches of Indiana te ii nuai ah Tuiphum biakinn building khat sia eima atu in Topa in vaihawm sak ahikom Topa tungah lungdam ih ko hi. 


Hi Biakinn sia 1824 kumh in akisak hi aa, mikangte ii zak nginge ahihang akikhawmte sia khanghaam zo ahikom, alua tu in eima tungah hong kipia ahi hi. 

Indiana Sizang Tuiphum Pawlpi sia 2017 in kiphut hi. Hi building ah kihel sia 2019 hi aa, Biakinn hon ni Rev Tom Jackson (Pupu) sia pension zo ahihang, Eima hong mu ciang khuangai huai hongsa (itna hong nei )in, Indiana American Baptist Churches of Indiana te ii executive secretary Joan Frisen (Pipi) tungah nasep seau kik in Pipi le Pupu in, eima ngaa natu Acton Baptist Church hong vaihawm sak hi.

 USA ngam thukun taw kizui in, athong aa kipia thei ngawl ahikom, Dollar 1 khat manh sak aa, Building ii manh zasim 3% closing sia Pupu ii tanu Inn Realtor khat in ei sum bo ngawl natu hong vaihawm sak hilai hi. Tulaitak pawlpi pastor sia Rev Dr Vungh Lian hi in, USA Indiana ah Sizaangmi 100 val kipha hi. Biakinn vai ah angim ato akua mapo Topa in thupha hong pia ta hen. 

 Thutatuam

0 comments:

Post a Comment